انا ليا تلات شهور عايشه ف عذاب ونفسيتي مدمره وبحاول اخرج من الحاله الي انا فيها بس حرفيا مفيش حاجه مساعداني وكل صحابي بطلوا يسالوا عني نا بقيت خايفه قلقانه طول الوقت بسبب تفكيري ووحدتي حتى الكلام مبقتش قادره اعبر عنه ممكن نصيحه.. تعديل ف مشكله صغيره حصلت مه امي والحمدلله الدنيا تمام دلوقتي بس قصادها عزلتني عن العالم منعتني من صحابي حتى صحبتي المقربه بحجه انه كل شخص ليه حياته حانت اتناقش معاها كذا ره بس هي رافضه وكمان ممنوع اعمل اي صداقات او اواصل اجتماعي بقيت عايشه ف ضغط وبحاول اهون ع نفسي ونا فاهمه انها عايزه مصلحتي بس الطريقه مش عجباني
بصي طول ما المشكله الاساسيه انتي مقولتيهاش محدش هيعرف يساعدك بالشكل الكافي.....بس ممكن ننصحك بشويه تبس تمشي عليها تخفف من الالم.... جربي احكي مشاعرك ليهم و اكتبيها في ورقه بس اختاري الوقت المناسب اللي هتتكلمي فيه مع ممتك مثلا و فهميها كل اللي جواكي متكتمييش حاجه نهاااائي وقولي لها ان في الف طريقه بدل الطريقه دي و قبل كل دا اتعلمي يكون اسلوبك كويس و مقنع عشان تحاولي تخلي ممتك توافق و جربي تخلقي حوار في دماغك و تتوقعي الاسأله و الاجابات عشان تكوني مستعده و متيأسيش من مره واحده انصحك لو مش هتعرفي تعملي حاجه قولي لهم انا دلوقتي في مرحله محتاجه حد اتكلم معاه و مش انتم محتاجه شخص تاني و طول ما انا اتمنعت عن الناس و عن حياتي فا انا عايزه حاجه تشغل وقتي و قولي لهم الحاجات اللي بتحبيها و عيزاها و قولي لهم ان اللي بيعملوا دا من دافع الخوف بالنسبه ليهم لاكن بالنسبه ليها هي دا سلب حريه نصيحتي ليكي فضفضي متسيبيش نفسك للسكوت و التفكير الذايد عندك فدني عمل مجتمع هنا فضفضي معاه او اكتبي مع نفسك في كراسه بتمني اكون فيدتك🙏❤
تم النشر الثلاثاء، ٢٠ يونيو ٢٠٢٣
تعرفي ناس جديدة و حطي في اعتبارك ان مافيش حد بيفضل و ان ليكي في كل شخص شوية لطف من الله مجرد ما الشخص بيمشي يبقي حصتك خلصت و هيجي حصة غيرها بس خلي السلة الاساسية لنفسك هي نفسك ❤
تم النشر الاثنين، ١٩ يونيو ٢٠٢٣
طيب هي ايه المشكلة اللي حصلت بالظبط ؟ وايه نوع التفيكر اللي شغالك طول الوقت؟
تم النشر الاثنين، ١٩ يونيو ٢٠٢٣
طب سؤال بقى كده علشان أعرف أنا اجاوب إيه بس انت لمحتي فى كل تعليقاتك إن المشكلة من طرف أهلك السؤال الأول نتشرف و نعرف حضرتك كام سنة؟
تم النشر الاثنين، ١٩ يونيو ٢٠٢٣
كده كده العمر بيعدي ف انتي حاولي علي قد ما تقدري تستغلي الوقت ومتصيعيش الفرصة ربنا يستر الحال
تم النشر الاثنين، ١٩ يونيو ٢٠٢٣
بصي متتعلقيش زياده عادي يمكن مشغولين او لو مش مشغولين مش مشكله أحيانا العزله عن الناس بتبقى افضل ف مرحله ما ولما تبقى احسن ابعتي انت اسألي عليهم من غير عتاب الشخص الوحيد ال تلاقيه بكلمك كأنكم لسه قافلين الشات مع بعض امبارح ومعتبكيش ف حاجه كملي معاها...حاجه كمان معلش متستسلميش لل انت فيه قومي نفسي اوعي تستسلمي وسامحي نفسك عادي نتعب ونقفل ع نفسنا بس ارجع اقول لنفسي لا انا عايزه اكون كويسه طلعي مشاعرك السلبيه او الضيقه ال عندك ف اي حاجه تخليكي احسن او كلمي حد مختص او اي حد بترتحيله او اكتبي ال ف دماغك
تم النشر الاثنين، ١٩ يونيو ٢٠٢٣
شكرا ليكى وربنا يرزقك السكينه والهدوء والاتزان ولعل الله يحدث بعد ذلك امرا❤
تم النشر الاثنين، ١٩ يونيو ٢٠٢٣
ان شاء الله خير ودايما بردد بطريقه ما يصلح الله كل شئ وشكرا لحضرتك
تم النشر الاثنين، ١٩ يونيو ٢٠٢٣
ربنا معاكى ف حياتك وربنا يصلح الاحوال ويطمن قلبك ويشيل منه القلق والخوف دا وبلاش تمسحى البرنامج لانى ممكن حد يرد ع ف اى موضوع يديك فيدباك كويس تعرفى تساعدى بيه نفسك
تم النشر الاثنين، ١٩ يونيو ٢٠٢٣
هو انا زيك بقول لنفسي انت عمرك بيعدى واصحابك شوف بقو فين بس نصيحه بلاش المقارنه لان حياتك غير حياتهم انتى بتمر بمشاكل هما كمان بيمروا بمشاكل بس ف جوانب تانيه غير اللى انتى شايفاهم منجزين فيها واحنا مش ف سباق المهم تحاولى وان شاء الله مع محاولاتك انك تحسنى من.نفسك ربنا هيفتحلك طريق تكونى راضيه فيه عن اللى عملتيه
تم النشر الاثنين، ١٩ يونيو ٢٠٢٣
على حسب نوع المشكلة ده كان رد فعل من مامتك هو اينعم عنيف شويه بس انتِ ممكن تغيري رأيها ووجهة نظرها وممكن برضو متخليش الوحدة بتاعتك مملة لا اسعدي نفسك بنفسك متستنيش انك تكوني صداقات عشان تبقي مبسوطه لا بالعكس اتقربي لربنا واحفظي قرأن واغرسي نفسك في التجويد وكل فترة والتانيه اعملي خروجه لنفسك وهاتي ماسكات وكريمات وكافئي نفسك بهدية مثلا وهاتي لوالدتك هديه برضو واتقربي ليها ممكن متحتاجيش تكوني صداقات لو اتقربتي لمامتك وبقيتي صاحبتها وربنا يريح قلبك وبالك يا جميله 💛
تم النشر الأربعاء، ٢١ يونيو ٢٠٢٣
حاولي تحلي المشكله اللي مع مامتك وقربي منها وافهمي وجهت نظرها هي يمكن خايفه عليكي بس خوفها اوفر شويه وحاولي تصاحبيها وتفهميها انها لازم تسيبك تتعاملي عادي عشان عشان تتعلمي
تم النشر الثلاثاء، ٢٠ يونيو ٢٠٢٣
حاولي تفهمي نفسك اكتر شوفي انت ايه اللي وصلك للحاله ديه ولو ما قدرتيش يبقى لازم تروحي لدكتور نفسي يعني هي ولا حاجه عيب ولا غلط
تم النشر الاثنين، ١٩ يونيو ٢٠٢٣
للأسف امي منعاني اكلم اي حد حتى لو صحبتي المقربه هي فاكره انها كده تحميني بس بجد انا كنت محتاجه صحبتي جدا ف الفتره دي للأسف انا معنديش الي افضفضله واحكي معاه يمكن ده البرنامج الوحيد الي ع موبايلي منعاني حتى انزل اي ابليكيشن تواصل مع حد انا مضغوطه جدا بقيت أضعف من الاول ومش حابه اكون كده محدش يتمنى يكون ضعيف او مش كويس بختم القرآن كل شهر الحمدلله ومواظبه ع صلاتي ومع ذالك محتاجه حد احكيليه انك تحسي انه شخص عازلك عن العالم ده قمه الانانيه وانتي مش بايدك تعملي حاجه.. اسفه ع الاطاله بس بجد تعبت
تم النشر الاثنين، ١٩ يونيو ٢٠٢٣
اسفه طولت عليكي
تم النشر الاثنين، ١٩ يونيو ٢٠٢٣
الحمدلله تعاملنا كويس وفل بس مش حكايه ثقه بقت مساله خوف هيستري عليا ونا مقدره ده كويس لدرجه منعوني احتك باي حد حتى لو كانوا صحابي عشان كتر الكلام بيجيب المشاكل حتى لو أقرب صاحبه ليا انا بس كان نفسي ارجع اكلم صحبتي عشان احس اني مرتاحه حتى ونا بفضفض او اكلم اي حد افضفض معاه،، حاليا حتى موبايلي معليهوش غير رقم امي بسبب ضغط منها ممنوع اي حاجه اعملها اكلم حد ولسه منزله البرنامج ده واحذفه بعد الكومنت ده وشكرا لجهدك معايا وادعيلي ربنا يرحمني الحياه مش سهله ع اي حد
تم النشر الاثنين، ١٩ يونيو ٢٠٢٣
انا لسع منزله لبرنامج انهارده حتى قلت يمكن استفاد من حاجه بس كالعاده محدش مساعدني
تم النشر الاثنين، ١٩ يونيو ٢٠٢٣
للأسف مفيش حد كل الناس اتمنعت عنهم
تم النشر الاثنين، ١٩ يونيو ٢٠٢٣
فيه نقط لازم تتعرف من حد انتى تثقى فيه ع تسمعى اقتراحات وافكار للخروج م الوضع اللى انتى فيه
تم النشر الاثنين، ١٩ يونيو ٢٠٢٣
انا الحمدلله راضيه بكل حاجه عمري ماقارنت نفسي بحد لاني مدركه كويس ظروف كل واحد غير التاني،،، انا بس حاسه انه حريتي مسلوبه محصوره بين أربع حيطان وخصوصا كل مواقع تواصل اتمنعت عني فمصدقت الاقي ابليكيشن ده اسمع نصيحه من حد او حاجه تفيدني حاولت استغل وقتي او اتعلم حاجه مفيش مفيش حاجه لا قدره ولا شغف بقيت شبه المعزوله عن العالم،،،، نا اسفه ع الاطاله وتعبك معايا
تم النشر الاثنين، ١٩ يونيو ٢٠٢٣
وبالنسبه لعمري الي بيعدي ده وحاسه اني واقفه مكاني مش بنجز اي حاجه ف حياتي
تم النشر الاثنين، ١٩ يونيو ٢٠٢٣
بجد هايل جدا اللى بتعمليه كلنا بنغلط ف حياتنا هو انا معرفش بالظبط نوعية الغلطه بس استمرى وهما مسيرهم مع الوقت الوضع هيتحسن بينك وبينهم
تم النشر الاثنين، ١٩ يونيو ٢٠٢٣
منتظمه ف صلاتي الحمدلله وقيام الليل منتظمه فيه وكمان صلاه الفجر بس للاسف مفيش انسان كامل يعني عشان غلطه غلطتها اهلي بيعاقبوني عليها العمر كله عشان كده حاسه اني لوحدي مليش غير ربنا حتى ممنوع اكلم حد قربت اتجنن من الوضع ده
تم النشر الاثنين، ١٩ يونيو ٢٠٢٣
ممتن للتشابه حاولى تخلى فيه قناة للتواصل مع حد ثقه تقدرى كل شويه تطلعى اللى جواكى من افكار ومشاعر سلبيه وتقولى يومك بيمشى ازاى ولو مبتصليش صلى وخلى ليكى كل يوم صفحه قران ووقت تعدى تذكرى ربنا فيه وتكلميه وتقوليله كل اللى مضايقك هتلاقى قلبك مع كل قعده بينشرح حاولى تستغلى وقت فراغك ف حاجه كويسه اتعلمى حاجه ولو بسيطه وبقولك مش بكترة الناس اللى حواليكى فلو فيه حد كويس ومتفهم ومشجع احسن بكتير م اشخاص كتير مش كويسه وانانيه
تم النشر الاثنين، ١٩ يونيو ٢٠٢٣
لعرض السؤال في فدني اضغط هنا