جماعه مساء الخير أنا عرفت ولد من على النت وكدا
جمله قد تكون عبثيه للبعض ومليئه بمشاعر المراهقه ومشاعر مندفعه وغير منضبطه لكن أنا 25 سنه وامتلك من النضج والعقل قدر حتي لو قليل ... أنا مفيش حد فى حياتي وشغلي من البيت ومش انطوائيه خالص بس مفيش دايره معارف نهائى نهائي ... أنا مرتحاله وكلمته كذا مره وهو بني آدم طبيعي فيه حاجات كويسه وحاجات لا بس أنا مرتاحه واه ممكن تكون راحه سد فراغ عادي .. أنا أخري عارفاه وعارفه حدودي ومحدش هيعرف يضحك عليا أو يأذيني مش علشان اي حاجه غير اني بخاف على نفسي وبخاف على زعلي فعندي مليون خط احمر وحاطه نفسي جوه هاله بتاعتي وليا حدود الحمد لله ....سؤالي هل ممكن العلاقه دي تنجح !! ولا كدا كدا فاشله بما إنه عالم افتراضي ؟
هي دائما بتبداء كده فيها جوا من الاحترام والأدب ولكن سرعان ما ندخل في تفصيل لا يتحدث فيها إلا المتزوجين لذلك كلما ادخل علي مواقع التواصل الاجتماعي اجد عبارة من كثرة ما لقيتها صدفه اشعرت أنها تطردني ألا وهي " البداية في العلاقات التي لا ترضى الله لن ترضيك نهايتها" ... ولكن عندي ملحوظه صغيره جدا شعرت في كلامك الثقه الزائدة التي تكاد تصل إلى الغرور ،مثلا ،انا عارفه حدودي كويس ، محدش هيعرف يوقعني ، محدش هيعرف يضحك على ، وغيره.......،.. اختي كفاك ضحك علي نفسك انا اتحدث معكي من صميم التجربة الشخصية فلا تستهيني فنحن في زمان كثرة فيه الذئاب. كفي عن هذا ..، ونصيبك من الحب سيأتي لك ، فمثل ما تقومي معاليك به ما هو إلا تضيع وقت ولكن قد تكوني انت الفريسة ، واكيد طبعا دا اول علاقة لك علي سوشل ميديا ، .... تحياتي 🌸
تم النشر السبت، ١٧ فبراير ٢٠٢٤
هي ممكن تنجح لو اتقيتما الله وراعيتما حدوده (مش حدودك أنت - ودي الحاجة الوحيدة اللي هتمنع زعلك أنت بعدين بالمناسبة) وأظهر جدية في التقدم ليخطبك .. ولكن ماذا يمنعه؟
تم النشر السبت، ١٧ فبراير ٢٠٢٤
مساء النور .. ممكن تنجح وممكن لا .. هتنجح ازاي؟ لما العلاقة ديه تكون واقعية وتنتقل الى ارض الواقع بعلم الاهل. اما اذا كانت افتراضية زي ما بتقولي وهتفضل كده مدة طويلة .. طبعا فيه احتمال انها تفشل. ولكن انا قرأت بعض التعليقات لكي وللزملاء الاخرين .. انتي بتقولي انك عرفتيه من اسبوع!! من اسبوع ومحدش فيكم اساسا اتكلم في الموضوع، وده خطر اكبر بكتير .. يعني هطرح كذا شئ، وفكري فيهم. ممكن انتي تعجبي به، وهو لا، ف ليه تضعي نفسك في هذا الموقف من اولها كده؟ ليه تعرفي حد من على النت، وتفترضي انه ممكن يكون فيه حاجه، وانتوا اساسا بتتكلموا مثلا كنوع من انواع الصداقة، وبتفترضي انك عامله حدود، بس هي اساسا مش موجوده .. لان في الاساس من الاول، مفيش صداقة ما بين ولد وبنت، يعني حدود الله كده انتي اخترقتيها. من الواضح انك بتفكري في الموضوع على انه شخص مناسب ليكي، ولكن حاسه انك متسرعة برضه، لانك لسه عارفه الشخص من اسبوع. ايه اللي يضمن ليكي انك مثلا متتعوديش عليه، ويطلع في الاخر بيضيع وقت بيتسلى؟ ايه اللي يضمنلك انه يعشمك وفي الاخر يقولك معلش اصله مش هينفع! اقفلي الباب من الاول، لان الابواب ديه معظم النهايات مش بتبقى افضل شئ ..ولو هو عايز ياخد خطوة هيقولك بس في النور وبعلم الاهل.
تم النشر الأحد، ١٨ فبراير ٢٠٢٤
كانت هتبقا علاقه ناجحه لو هو جيه اتقدم العلاقه اللي بدايتها لا ترضي الله كذلك نهايتها لا ترضي الله و كدا ربنا مش هيوفقكوا ف بيتكو لو حصل اللي فيه النصيب لو هو بيحبك قوليلو ييجي يطلب ايدك من اهلك طالما انتي ٢٥ لو رفض عززي نفسك و متكلمهوش تاني و انتي بتقولي مش بيلعب بيكي و حاطه حدود مفيش حاجه اسمها حاطه حدود لو بنت و ولد اتجمعوا بيبقا ثالثهم الشيطان اه هو شات و كل حاجه لكن الشات دا انتي و هو بس اللي فيه و بتتكلمو و دا ف حد ذاتو غلط يتعمل أُمال الخطوبه معموله ليه مهي فتره تعارف لكن انترنت ممكن يكون بيضحك عليكي ونتي متعرفيش اهلو ولا تربيتوا و عمرك م هتعرفيها من مجرد شات لازم ييجي و يتقدم بنفسو و تسألو عنو و دا الصح بدل متهدري مشاعر ع الفاضي لشخص غلط انتي مش ضامنه ايه اللي ورا الشات دا الشخص دا عامل ازاي ولا بين الناس بيعاملهم ازاي ولا اي حاجه عنو حتى لو حكالك انتي بردو ايش ضمنك انو مبيضحكش عليكي في مليون طريقه يقدر يضحك بيها عليكي عادي و تكوني واهمه نفسك انو انتو ف علاقه صح و انتو ماشيين غلط بدليل ان العلاقه بدايتها ارتباط مش خطوبه اسفه ع الجمله بس دا لعب عيال لازم ييجي و تعرفيه ع اهلك حتى عشان العلاقه دي تنجح دا حقك و طالما بتحبيه اكيد انتي مش رافضه يتقدملك ف افتحي معاه الحوار و شوفي هيقولك ايه
تم النشر الأحد، ١٨ فبراير ٢٠٢٤
شوفي العلاقات غير الشرعية بتغضب ربنا يعني ولا توفيق ولا أي من هذا تمام أنتي لو بيحبك قولي له أنا مش هكلمك إلا لما تخطبني في الحلال وهو لو بيحبك هيخاف عليكي وهيصونك وهيجاي يخطبك عشان يكلمك لو بقي تسلية مش هيرد عليكي أو ممكن يخترع حجج وأخاف عليكي من الحجج بمعني أن فيه ناس لامعة عيوانها كذب وبتحجج أنتي بس أعملي كده وقربي من ربنا
تم النشر الأحد، ١٨ فبراير ٢٠٢٤
ممكن تنجح طبعا بس تاخد شكل الارتباط الرسمى عشان الاختلاط حرام شرعا
تم النشر الأحد، ١٨ فبراير ٢٠٢٤
لا فاشله طبعا ليه بقا عشان اي علاقه لا ترضي الله عز وجل نهايتها لا ترضي صاحبها وثانيا احنا ك مسلمين معندناش صحبيه والكلام ده وربنا سبحانه وتعالى قال ولا تقربوا الزنا ولا تتبعوا خطوات الشيطان إنه لكم عدو مبين ومافيش راجل يخلوا بامرأة ،الا وكان الشيطان ثالثهما سواء كان في شات او مقابله او مكالمه فيديوا والكلام ده هييجي واحده واحده ولذلك ربتا سبحانه وتعالى اللي اعلم بينا مننا قال ولا تتبعوا خطوات الشيطان ف لو هو حبك فعلا هيتقدم ويدخل البيت من بابه وبخاف عليكي من عذاب ربنا ومايخلكيش
تم النشر الأحد، ١٨ فبراير ٢٠٢٤
هتكون فاشله لان عاوز يطيع وقت معاكي اللي عاوزك هيخطبك ولو في نصيب هيتجوزك
تم النشر الأحد، ١٨ فبراير ٢٠٢٤
تعملي حاجه غلط
تم النشر الأحد، ١٨ فبراير ٢٠٢٤
لعرض السؤال في فدني اضغط هنا