إزي الإنسان يتعافي من حادثه حصلتله في الطفولة ومازالت مأثره عليه ؟!!!
السلام عليكم ورحمه الله وبركاته يتعافى منها نمره واحد واول خطوه ان هو يعبر عنها ضروري جدا يتكلم عنها بصوت عالي نمره 2 يعاتب الاشخاص اللي كانوا سبب. في الحوادث بتاعه الطفوله دي حقه ان هو يعاتبهم لو مكانوش الاشخاص دولت موجودين او مفيش امكانيه ان انا اعتبهم هم شخصيا اعاتب حد قريب منهم او اعبر لحد قريب منهم. مفيش اي مساحه لده؟ نجيب صوره الاشخاص دولت وعبر فعلا انه قد ايه انتم سببتوا لي اثر سيء. دي اول خطوه واهم خطوه تعبير بصوت عالي مش هينفع طول الوقت تكون الحاجات دي مكتومه ومخنوقه جوايا. نمره اثنين هبدا اسال نفسي سؤال، اقدر اغير ايه في اللي حصل؟ طبعا الاجابه هتكون انه انا ما اقدرش اغير في اللي حصل حاجه. هاجي للسؤال اللي بعديه طب ايه اللي انا اقدر اغيره اللي اقدر اغيره وان انا لو شفت ده بيحصل مع اي طفل قدامي اقدر ان انا احاول اوقفه ليه علشان ابقى اللي انا حسيت بيه منعته عن ان حد ثاني يحس بيه ده اقدر اعمله مع اي طفل حواليا ده اقدر اقرر ما بيني وما بين نفسي ان هو ما يحصلش مع اولادي ودي هتكون واحده من مراحل التطور علشان خاطر انا اكون استفدت من اللي حصل رغم ان هو حادث ورغم ان هو سيء ورغم ان هو بيوجع الا انها حس انه هيكون لي يد في شيء كويس وده اللي هيبدا يخليني ابدا اتحرك خطوات لقدام. نمره ثلاثه ابدا اشوف التاثير الحالي عليا وضعه عامل ازاي انا وصلت لحد فين هل انا بسبب الحادث بتاع الطفوله ده حاليا لحد دلوقتي مثلا بتوتر في وقت معين هل انا بسببه لحد دلوقتي بتكسف من حاجه معينه او بخاف من حاجه معينه وده بس بسبب حديث الطفوله دي وابدا امسك الحاجه دي وابدا اتعامل معاها من اول وجديد كاني اول مره اجربها فيه نقطه مهمه جدا جدا جدا وهي ان انا اصالح نفسي ان انا كنت طفل ما يقدرش يتصرف اكثر من ما هو اتصرف لان دي بتكون واحده من الحاجات اللي بتخليني ما نعرفش نتعافى من حوادث الطفوله انه احنا بنلوم نفسنا كاطفال ليه سببت نفسي يحصل لي كده واللوم ده احنا مش محتاجينه مش صح ولا محتاج ان انا اسامح نفسي كطفل ابص دايما على نفسي انا كنت طفل ما يقدرش يعمل اكثر من كده
تم النشر الأحد، ٢٣ فبراير ٢٠٢٥
التعافي من صدمات الطفولة مش حاجة سهلة، بس ممكن يحصل لو الواحد اشتغل على نفسه بطريقة صحيحة. أول حاجة لازم تعترف إن اللي حصل ليك مأثر عليك فعلًا، لإن إنكار المشاعر أو التقليل منها مش هيحل المشكلة، بالعكس، هيفضل الألم موجود جواك من غير ما تاخد بالك. تاني خطوة هي إنك تبدأ تعبر عن مشاعرك، سواء بالكلام مع حد تثق فيه أو حتى بالكتابة، لإن الكتمان بيخلي الحمل أثقل بكتير. بعد كده، حاول تعيد تفسير التجربة اللي مريت بيها، لأن في أغلب الأحيان بنشيل نفسنا ذنب حاجات ملناش يد فيها، وده بيخلي تأثيرها علينا أكبر. لازم تفهم إن اللي حصل مش غلطتك، وإنك مش مسؤول عنه. لو كنت بتواجه خوف أو قلق مستمر بسبب الصدمة، ممكن تبدأ تشتغل عليه بالتدريج، سواء عن طريق تمارين استرخاء زي التنفس العميق والتأمل، أو حتى بمواجهة مخاوفك على مراحل صغيرة لحد ما تفقد تأثيرها عليك. كمان، مهم جدًا إنك تشتغل على ثقتك بنفسك، لأن الصدمات أحيانًا بتأثر على إحساسنا بقيمتنا، فحاول تفتكر إنجازاتك، وتشتغل على تطوير نفسك بدل ما تفضل عالق في الماضي. .
تم النشر الاثنين، ٢٤ فبراير ٢٠٢٥
أي حد مرّ بتجارب صعبة في طفولته أكيد بيبقى الموضوع مأثر فيه حتى لو مش حاسس بده بس الفكرة إن التعافي بييجي على مراحل ومش حاجة بتحصل في يوم وليلة أول حاجة لازم تعترف إن فيه مشكلة وإن اللي حصل معاك كان صعب فعلًا مش تبقى مكذب على نفسك وتقول عادي بعد كده مهم تحاول تتكلم مع حد تثق فيه سواء كان قريب منك أو حتى مختص نفسي لأن الفضفضة بتساعد أكتر مما تتخيل كمان جرب تشتغل على نفسك اعمل حاجات بتحبها غير من روتينك ولو عندك فرصة جرب تكتب مشاعرك في ورقة حتى لو مش ناوي توريها لحد وأهم حاجة متحملش نفسك ذنب حاجات انت ملكش يد فيها وأدِّي نفسك الوقت والمساحة إنك تتشافى
تم النشر الثلاثاء، ٢٥ فبراير ٢٠٢٥
عليه ان يذهب لدكتور نفسي يضع له خطة علاج مناسبة له
تم النشر الاثنين، ٢٤ فبراير ٢٠٢٥
التعافي من حادثة مؤلمة حدثت في الطفولة هو عملية قد تستغرق وقتًا، وتتطلب الصبر والجهد. إليكِ بعض الخطوات التي قد تساعدكِ في هذه الرحلة: البحث عن الدعم : من المهم أن تتحدثي مع شخص تثقين به، سواء كان صديقة، أحد أفراد العائلة، أو حتى معالج نفسي. الدعم الاجتماعي يعد جزءًا أساسيًا في عملية الشفاء. التعبير عن المشاعر : اتركي لنفسكِ المجال للتعبير عن المشاعر المرتبطة بالحادثة. يمكنكِ كتابة مشاعركِ في دفتر ملاحظات أو من خلال الفنون مثل الرسم أو الموسيقى. التوعية والتعليم : تعلم المزيد عن تأثيرات الصدمات النفسية وكيفية التعامل معها يمكن أن يساهم في فهم تجربتكِ. الممارسات الروحية : التواصل مع الله من خلال الصلاة وقراءة القرآن قد يمنحكِ الراحة والسلام الداخلي. تحديد الأهداف : بأنه يمكنكِ وضع أهداف صغيرة وممكنة، ومراقبة تقدمكِ في كل خطوة. الصبر والمثابرة : تذكري أن الشفاء ليس خطيًا، وأن هناك أيام قد تكون فيها الأمور أصعب، وهذا طبيعي تمامًا. إذا كنتِ بحاجة إلى مساعدة إضافية، فقد يكون من المفيد التفكير في التوجه إلى مختص نفسي للمساعدة في توجيهكِ خلال هذه العملية. تذكري، إن لديكِ القوة لتجاوز هذه التحديات وبناء حياة إيجابية.
تم النشر الأحد، ٢٣ فبراير ٢٠٢٥
تروحي لدكتور نفسي يكون حد كويس جداااا وتسالي عنه قبلها وتخلي بالك
تم النشر الأحد، ٢٣ فبراير ٢٠٢٥
يحب نفسه ويرحمها ويتقبل فكره انو الى فات مات وانو الحاجه دى حصلت زمان فخليها زمان أدى فرصه لنفسك تعيشى دلوقت ف الواقع والحاضر متخليش حاجه مش بايدك تأثر عليكى ف واقعك ومستقبلك ومتفكريش كتير واشغلى نفسك ومع الوقت إن شاء الله تقدرى تتخطى
تم النشر الأحد، ٢٣ فبراير ٢٠٢٥
لعرض السؤال في فدني اضغط هنا