بفكر اغلب وقتي في واحدة صاحبتي او تعتبر زميلة في المدرسة معايا و ببقى عاوزه اكلمها بس معنديش موضوع افتحه معاها و كمان بمنع نفسي من اني اتكلم معاها لان هي اصلا و لا سألت عليا و لا كلمتني من ساعة ما أخدنا الأجازة و الصراحه انا عارفة كويس انها بتعتبرني مجرد زميلة ليها مش اكتر بس انا كان نفسي اكون صديقة مقربة ليها و كنت بحاول اتقرب منها و بعد كده استسلمت بس حاليا مهما عملت و شغلت نفسي في اي حاجه برضو بفكر فيها و وصل الموضوع بيا اني احلم بيها .... انا بجد مش مستوعبة ليه و اذاي بيحصل كده لان دي اول مرة في حياتي اتعلق بشخص بالشكل ده و كمان لما حد يبعتلي رسالة بفتكرها هيا و بفرح بس بعد كده بكتشف انه مش هيا و كل دي تهيؤات مني .....فياريت لو حد فاهم قصدي يقولي ليه ممكن يحصل كده رغم أن منعرفش بعض غير سنه واحده مش اكتر و اقل كمان من سنه و ليه بفكر فيها هي دونا عن باقي الزميلات الي عندي و الي يمكن بيهتموا ليا اكتر منها
طيب ما تكلميها وصاحبيها اي الغلط في ده ويمكن دي بدايه انكو تكونو best frind بس انتي خدي الخطوه الاولي واتكلمي معاها صحبيها ولو مش عارفه تقوليلها اي اول حاجه اساليها هي بتروح دروس فين وبعدين خدي منها حاجات انتي عايزاها في المذاكره وبعدين قوليلها علي الواتس بتاعها لو مش معاكي ولو قريبه منك عدي عليها وهزري معاها كتير وخليها تاخد عليكي انا حصلت معايا انا شخصيا انا في واحد صحبي مكنتش اعرفو نهائي ابتدينا نتكلم مع الوقت بقينا مقربين جدا واكتر من اخوات وانك تكوني صداقه مع صحابك دي حاجه حلوه جدا مش وحشه بس انتي خدي خطوه
تم النشر الأحد، ٢٨ مايو ٢٠٢٣
هى البنت دى اكيد فيها حاجة فى شخصيتها انتى محتاجاها اوى لشخصيتك عشان كده شاغله بالك وحابه تقربي منها.
تم النشر الأحد، ٢٨ مايو ٢٠٢٣
هي الاحلام نابعة من التفكير الكتير في الموضوع مش اكتر! بس ليه هي بالذات اللي عايزاها تبقى صاحبتك؟ ولما حاولتي تقربي منها بشكل ما .. هي كان رد فعلها ايه مثلا!
تم النشر الأحد، ٢٨ مايو ٢٠٢٣
التعلق بغير الله هي بداية النهايه
تم النشر الأحد، ٢٨ مايو ٢٠٢٣
لعرض السؤال في فدني اضغط هنا