عندى مشكلة انى بحب انظر الى صور النساء المتبرجات على الفيس بوك وده ادمان من وانا صغير وكنت الاول بنظر الى الصور العارية وتبت منها ولكنى الان لا استطيع عدم النظر الى صور النساء بالرغم من انى متزوج فما العمل
اسمع احاديث كتير عن غض البصر طبعا الموضوع تحول لعادة سيئة ودى المشكلة . خطوات بقي للتخلص من العادات السيئة . ١. اختيار عادة جيدة لوضعها مكانها. ٢. تحديد نوع من الجزاء تقوم به فى حالة قمت بالعادة السيئة ( مثلا اذا قمت بالنظر سوف اقوم بحمل ١٠ كيلو على ظهرى ) ولازم تكون مهمه صعبه عليك . ٣. الابتعاد عن كل العوامل المساعدة ( حتى لو اضطريت تستخدم موبايل مش سمارت او تقفل التطبيقات كلها اللى بتساهم فى ده ) ٤. كل مره تشوف فيها صور حتى لو صورة واحده ( استغفر واتوضى وصلى ركعتين توبه ) الشيطان نفسه لو لقاك بتعمل كده ع طول هيساعدك متبصش تانى عشان متقومش تتوضى وتصلى. اسأل الله ان يزرع فى قلبك كرها لهذة المعصية حتى لا تأتيها ابدا.
تم النشر الخميس، ٢٣ فبراير ٢٠٢٣
لازم تتعامل مع ده قلبا وخشوعا,, وقالبا بحلول منطقيه فانت ذكر نفسك وقتها قد ايه ذنب تافه وانك اقوي بربنا عليه, زي ما كتبولك فالكومنتات انك مش هتحب تبعث علي ده وانك تذكر ربنا كتير فتحرج وانك تتوب بالصلاه او الصوم او الصدقه فالشيطان يدورلك علي صيده تانيه وقالبا بانك 1) تشبع شهوتك ورغبتك بالحلال ال ربنا انعم عليك بيه 2) تعمل عدم متابعه للصفح دي 3) بدل نظرك ليهم لنظر برضو, بمعني > انه دايما العاده بتحتاج تبدلها بشئ ايجابي ولكن بيشبع نفس الجانب وهو انك تغذي عينك بشئ تاني بتحبه ان كان مناظر طبيعيه او رسومات مش حرام طبعا
تم النشر الخميس، ٢٣ فبراير ٢٠٢٣
اولا حافظ ع صلاتك ويكون في ذكر بتردده ع لسانك على طول عشان هتتكسف من ربنا انك تعصيه وانت لسه ذاكره على لسانك ولسه مصلي وخلي عندك احساس انه لقدر الله تكون بتذنب الذنب ده مره وتموت تخيل انك هتبعث عليه وربنا الملائكه والناس يوم القيامه هيشوفوك عليه الاحساس ده كفيل لو صدقته فعلا يخليك كل متفكر تكرر الذنب ده وتشوف صور انك ترجع عنه وتخاف منه جدا جدا وان شاء الله تبطل تماما وربنا يثبتك يارب
تم النشر الخميس، ٢٣ فبراير ٢٠٢٣
استعيذ بالله من الشيطان و ما تسيبش لنفسك وقت فراغ و ما تقعدش لوحدك
تم النشر الخميس، ٢٣ فبراير ٢٠٢٣
ماذا يعقب النظر الي المتبرجات ؟
تم النشر الخميس، ٢٣ فبراير ٢٠٢٣
لعرض السؤال في فدني اضغط هنا