انا طالبه في ٢ث وجيت من فترة حسيت أن نزول الدروس مش مناسبني ولا مناسب شخصيتي وان تحصيلي متغيرش كتير عن السنوات اللي فاتت وبفكر اخد اون لاين من دلوقت وف ٣ث
الاسباب اللي خليتني اشوف الموضوع مش مناسبني أن باجي من الدروس مرهقه جسديا ونفسيتي تعبانه مش بقدر أذاكر حاجة ولاحظت أن عندي مشكلة ف التعامل وبييجي ف دماغي اسئله كتير بسبب المشكله دي أثناء الحصص ،
زي مثلا يا تري المستر شايفني مش فاهمه ولا ريأكشني موضح اني فاهمه وغيرها من الاسئلة الكتير
مش عارفة إذا قرار اني اخد اون لاين دا هيبقي كويس ولا لا
للعلم انا عايزة اخد ف كل المواد عدا الرياضه
السلام عليكم ورحمة الله وبركاته اهلا بيكي الدراسه الاونلاين حلت و لسه بتحل مشاكل و صعوبات تواجه طلاب كتيره و من ضمنها الأشياء الي ذكرتيها و علشان تحددي دا مناسب لكي ولا لا فكري في النقاط دي اولا :ربنا يوفقك و تحصلي علي اللي تتمنيه يا رب ثانيا : قرار زي دا معناه انك هتقومي بتقسيم المواد لدروس و وضع خطه شهريه تتناسب مع وضع المنهج، و كمان محتاجه قوه و عزيمه للانتهاء من تلك الخطه الدراسيه. ثالثا : من الجيد طرح هذا السؤال قبل دخول الدراسه و الأن أمامك فرصه كبيره تقدري تجربي دا بينك و بين نفسك قبل الدخول وقت الدروس و ساعتها مفيش وقت للتجربه. رابعا : هتحتاجي مساعده أحد الأفراد في المنزل للمتابعه معاكي و المراجعه. خامسا : بعد التجربه تقدري تحطي مميزات و عيوب الدراسه الاونلاين و مميزات و عيوب الدروس خارج البيت و تختاري الأكثر مزايا و الأقل عيوب. و اخيرا استعيني بالله و جربي و ان شاء الله توصلي للقرار السليم. بالتوفيق و السداد.
تم النشر الجمعة، ٢٨ مارس ٢٠٢٥
بصي انا تالتة ث حاسة ان مش كله ينفع اونلاين الا لو انتي احساسك بالمسؤولية كبير جدا ولو انتي مش مرتاحة سنتر انتي ممكن تاخدي اونلاين وفي نفس الوقت تخلي حد رقيب عليكي بمعني تعرفي حد من عندك في البيت تديله جدول نزول الحصص ويتابعك دة هيكون كويس هو الاونلاين كويس جدا بس مشكلته في الالتزام والتراكمات لازم ولابد علشان تاخدي الفكرة دي انك تتيقني يقين تام جدا انك هتلتزمي بصي حاولي متخليش كله اونلاين يعني مواد اللغات حاولي خديها سنتر هي والفيزيا لو انتي علمي ونصيحة ليكي من قبل ما تخشي تالته اهو خليكي مع مدرس واحد متشتتيش نفسك وحكاية مشكلتك في التعامل والأسئلة اللي في دماغك دي مش صح مش مهم ريأكشنك يبان ازاي اهم حاجة تكوني طالعة من الحصة فاهمه كويس وراضية عن نفسك انك قعدتي وحاولتي تفهمي غير كدة ده كلام في النفس فسيبك من الأسئلة دي وركزي أفضل وأهم حاجة تاني لو انتي متأكدة ١٠٠ في ال ١٠٠ انك هتلتزمي توكلي علي الله في الاونلاين غير كدة انزلي سنتر
تم النشر الجمعة، ٢٨ مارس ٢٠٢٥
السلام عليكم، الموضوع كله هيعتمد عليكِ، إذا كنتِ من النوع اللي بيمتلك حس المسؤولية وقادرة تتحكمي في نفسك وتخططي لوقتك وتديريه صح، أعتقد هيكون أفضل كتير بالنسبة لك الدراسة أونلاين وهتوفر لك وقت وجهد كتير. إذا كنتِ مش هتلتزمي مع نفسك وتكوني حازمة معها ومحتاج حد يكون دائمًا مشرف ويلزمك بأداء واجباتك ويكون فيه مراجعة باستمرار فأعتقد هتحتاجي الدروس العادية رغم سلبياتها عشان تقدري تلتزمي ومتقصريش. جربي كده شهر خلال الإجازة تتعاملي كأنك بدأت دراسة وتعملي جدول وتتابعي الدروس الموجودة أونلاين وشوفي فعلا قادرة تتحكمي في يومك ووقتك ولا لأ. لكن لازم فعلا تعملي التجربة كأنك في دراسة حقيقية، مش في إجازة وعارفة إنك بتجربي وخلاص. وكمان خلال شهر التجربة ده ممكن تدربي نفسك فعلا على الالتزام إذا عندك مشكلة فيه وتدخلي تحدي مع نفسك. بالتوفيق إن شاء الله.
تم النشر الخميس، ٢٧ مارس ٢٠٢٥
عزيزتي، أشعر بك وبما تمرين به من صعوبة في التكيف مع نظام الدروس التقليدية. من المهم أن تكوني في بيئة تعليمية تتناسب مع أسلوب تعلمك وشخصيتك. إذا كنت تجدين أن الدروس الأون لاين يمكن أن تساعدك في تحسين التحصيل الدراسي وتخفيف الضغط النفسي، فهذا قد يكون خياراً مناسباً. إليك بعض النقاط التي يمكنك التفكير فيها عند اتخاذ القرار: تقييم الوضع الحالي : فكري في ما إذا كانت الدروس التقليدية تؤثر سلباً على صحتك النفسية والجسدية. إذا كنت تعانين من الإرهاق والتوتر، فقد يكون التحول إلى التعليم الأون لاين هو الحل. تحديد الاحتياجات : هل تحتاجين إلى تفاعل مباشر مع المعلم، أم أن التعلم الذاتي في المنزل سيكون كافياً بالنسبة لك؟ تأكدي من أن النظام الجديد يوفر لك الدعم الذي تحتاجينه. التوازن : إذا قررت الانتقال إلى التعليم الأون لاين، حاولي أن توازني بين الفصول الدراسية والمذاكرة الذاتية. تأكدي من تخصيص وقت كافٍ لكل مادة، مع التركيز على الفهم وليس مجرد الحفظ. الدعم الاجتماعي : لا تنسي أهمية الدعم من الأهل والأصدقاء. يمكنك مشاركتهم بالتجربة الجديدة للحصول على نصائح ودعم نفسي. في النهاية، استخدمي ما هو مناسب لك ويدعم تطورك الأكاديمي والشخصي. إذا كنت بحاجة إلى مزيد من المساعدة في اتخاذ القرار، لا تترددي في استشارة معلمتك أو مستشار مدرسي. وفقك الله في دراستك وأي قرار تتخذينه.
تم النشر الخميس، ٢٧ مارس ٢٠٢٥
بص لو منتظمه كويس جدا غير كدا هتتأخري وتراكمي فلو مثلا تأخد سنتر المواد اللي هترتاح فيها وبتفهمي منها يبقى احسن من ناحية الانتظام
تم النشر السبت، ٢٩ مارس ٢٠٢٥
دى احد عيوب الدروس الخاصه حتى لو الطالب مستريح فيها وبينجز تبقى مرهقه بدنيا وبتاكل وقت كبير من اليوم /لكن تبقى هى الاصل مدرس وطالب قصادوا والمدرس يتابع الطالب ويثير اهتمامه ويشجعه/فى المقابل الدروس الاون لاين مريحه وموفره للوقت بس مافيش التفاعل المطلوب بين الطالب والمدرس ولو تصحيح الاختبارات والواجبات بيظل ناقص. عموما جربى فى الجزء الباقى ليكى من تانيه وممكن ترتاحى فى الاون لاين وممكن تاخدى رايك حد جرب اولتين فعلنا من معازفك
تم النشر الخميس، ٢٧ مارس ٢٠٢٥
لعرض السؤال في فدني اضغط هنا