أنا ذكية ( تقريبًا) بس بنسبة كبيرة تفكيري غلط، مثلًا باجي أحل مشكلة أحلها بطريقة غلط، مع أنه مش غباء بس هو تفكيري غلط ( أبطل أفكر؟🙂)
ودا سبب تنزيلي للبرنامج إني أشوف مشاكل الناس وأشوفكم بتحلوها أزاي فأحاول أظبط تفكيري.
(في طريقة أعرف أفكر صح؟)(مع العلم أني أمفروض أعتبر كبيرة وبيكون في أصغر مني بس بيفكر في الحل بطريقة أفضل)
حياتي مفهاش خبرات تقريبًا كلها عبارة عن من المدرسة للبيت وحاليًا بقيت مِن الجامعة للبيت والتمرين للبيت
انت اختصرت مشكلتك في اخر سطر حياتك مفهاش خبرات وده ملخص المشكله ال هي مش مشكله هي بس طبيعه سنك وطبيعه مرحلة حياتك دلوقتي الخبرات بتيجي من المواقف والاحتكاك والتعامل مع الناس بكرة ان شاء الله تبقي بتروحي شغل او عندك زوج واولاد او مسؤولة عن مجموعه في عمل تطوعي او بتنظمي رحله لمكان ما كل دي مواقف بتصقل شخصيتك وبتزيدك خبرة وكل مرة هتغلطي فيها هتتعلمي من غلطتك ومش هتكرريها باذن الله عشان انت ذكية ربنا وهبك ذكاء متكرريش به اخطائك ولكن لازم تتعرضي لمواقف وتتعلمي منها وتقيمي نفسك وتصرفك فيها ممكن تسمعي من غيرك او تحكي مع اقارب اكبر منك فتحاولي تحكمي على المشاكل ال بتسمعيها والحلول ال بتسمعيها هتديكي احساس معين ان التصرف ده كان حكيم اكتر من ده او التصرف ده غير مقبول او التصرف ده كان سبب في ان المشكله تكبر اكتر والزمن بيربي كل ما تكبري وتتعرضي لمواقف كل ما هتتعلمي اكتر وتستفيدي اكتر بس بلاش تفهمي نفسك ان تفكيرك غبي عشان متعمليش لنفسك احباط وتؤذي نفسك من غير قصد تفكيرك مش غبي تفكيرك في اي موقف بيكون ناتج عن ال شفتيه مناسب وقتها ولكن لما يخلص الموقف وتحلليه مع نفسك قيمي تصرفك وشوفي ايه الافضل ال كان ممكن يتعمل وايه الغلط ال اتعمل وكده عشان لما يتكرر الموقف او ما شابهه تعرفي تتصرفي صح متقوليش تفكيري غبي قولي تفكيري تحت التقييم ينضج ويتحسن مع الوقت مفيش حد راضي عن كل مواقفه وكل ردود افعاله في كل المواقف حتى الناس الاكبر منك ال وصلت ٣٠ و٤٠ سنه بتيجي عليهم مواقف بيتلخبطوا فيها وبيحسوا انهم تصرفوا غلط عادي جدا كلنا بنتعلم واسالي الله التوفيق والسداد والرشد
تم النشر الجمعة، ٣١ مارس ٢٠٢٣
تقريبا الاجابة في اخر سطر انت قولتيه، هو ان حياتك علطول من المدرسة للبيت ومن الجامعة للبيت ... حياتك مفهياش خبرات، مفهياش جديد. الناس بتتغير لما يكون في حياتها تغييرات واحداث كتير. انزلي تطوع، هتتعملي حاجات كتير وهتستفادي جدا .... شوفي انشطة طلابية عندك في الجامعة ... لو فيه مثلا حاجة نفسك تتعلميها انزلي خدي فيها كورس ... اختلطي بالناس وانغمسي في مشاكلهم، واقري كتير علشان دماغك تنفتح ع اللي حواليكي ... وكله هيجي بالتدريج.
تم النشر السبت، ١ أبريل ٢٠٢٣
مش ضروري ع فكره طريقه تفكيرك تكون غلط او عدم ذكاء عموما حل المشكلات بيكون متفاوت ونسبي وصالحيه الحل متفاوته ممكن تنفع مع مشكله متنفعش مع التانيه ممكن حل لشخص عنده نفس الشكوى تنفع معاه ومتنفع مش شخص تاني معاه نفس الشكوى لان بيحكمهم ميول ورغبات وظروف بيئيه وسن وحجات كتير كمان ف حياتك بيحكمها حجات كتير مش لازم عشان الحل ده منفعش ف هو غلط لا هو صح عادي بس ممكن المره دي مكنش ينفع ومحتاجين ندور ع حل تاني ومن الطبيعي اننا منلاقيش الحل الصح كل مره ومن اول مره وانتي كل مبتكبري خبرتك بتزيد بعلاقاتك ف الجامعه ومع اهلك وعلاقات التمرين كل ده متستهونيش بيه هو بيفرق كده ف وعيك وادراكك وحلك للمشكلات
تم النشر الجمعة، ٣١ مارس ٢٠٢٣
بصي ابسط حاجه ف حوارك ده أن مشاكلك متحلهاش بنفسك اعرضيها ع حد بتثقي فيه و يكون رايدلك الخير و بيحبك و هو هيساعدك و مره و اتنين و تلاته ورا بعض هيبقي عندك خبرات 🤍
تم النشر الجمعة، ٣١ مارس ٢٠٢٣
أنصحك بتطوير مهارات التفكير الإيجابي والابتعاد عن التفكير السلبي. قد يكون التفكير السلبي هو السبب الرئيسي في توقف تطورك، لذلك قم بالبحث عن مواضيع تتحدث عن النمط الإيجابي للتفكير. كما يمكنك تحديد الأهداف والأحلام التي ترغب في تحقيقها ووضع خطة عمل لتحقيقها. وقم بتشجيع نفسك بالتفكير في النجاح والمكافأة الذاتية عند تحقيق هذه الأهداف. لا تنسَ أنَّ الخطأ من الإنسان، وهو يفيدنا في التعلم وتصحيح أخطائنا. لا تخافي من الخطأ ولا تحاولي إخفاءه، فالأفضل أن تواجهيه بصدر رحب وتتعلمي منه.
تم النشر الجمعة، ٣١ مارس ٢٠٢٣
• القراءة ، والتعامل مع الناس ، والاستماع للمشاكل ومُحاولة حلها يجعلك تُصححي طريقة تفكيرك.
تم النشر الخميس، ٢٥ يناير ٢٠٢٤
لعرض السؤال في فدني اضغط هنا