عندي مشكلة اني معنديش مشكلة او انا مش فهماني
ايوة بالظبط زي ماقريت العنوان كدة
حياتي مش فهماها ومش عارفة انا فين وبعمل ايه
بحس بتوتر شديد اتجاه اي حاجة انا موجودة هنا عشان عندي احساس ان انا مش في حالة طبيعية
انا اتخرجت واشتغلت معيدة وأعتقد كان دة هدف تخرجي كان حلمي اسافر وادرس خارج مصر بس دة لحد دلوقتي مش عارفة احققه عقد كتير متعلقة بالشغل ودراسة الماجستير وطريقة تعامل الدكاترة وطريقة تعامل الناس في الشغل بحس فجأه ان كل ده مش عيزاه وعايزة اسبب كل حاجة وامشي وعايزة ابقي لوحدي بدون سبب
بصي قربي من ربنا اكتر وان شاء الله هتحسي براحة وحولي بتفكريش كتير في حاجات سلبية فكري على طول في حاجات إيجابية ومتفقديش الشغف في حاجة واهم حاجة اليقين ولو عندك يقين بحاجة بجد هتتحقق يعني مثلا انتي لو عندك يقين بي انك هترتاحي وخلاص متأكده هيتحقق فعلا لأن اليقين والثقة بالله اهم حاجة وعايزة اقولك على حاجة اخيرة مفيش حاجة مستحيلة على ربنا❤️
تم النشر الثلاثاء، ٢٣ يوليو ٢٠٢٤
كون إن حضرتك معيدة فده يدل على إنك مجتهدة، فممكن تكون محتاجة تاخدي أجازة لفترة
تم النشر الاثنين، ٢٢ يوليو ٢٠٢٤
يا حبيبتي، أحياناً بنمر بفترات بحياتنا بنحس فيها إننا مش فاهمين نفسنا أو مش عارفين احنا فين ورايحين على فين. ده شيء طبيعي ومش لازم تحسي بالقلق منه. خليني أساعدك شوية نوضح الأمور. أولاً، فكري في اللي بتحبيه وبتمتعك في حياتك. ايه الحاجات اللي بترفع معنوياتك؟ حتى لو كانت حاجات بسيطة زي قراءة كتاب أو مشاهدة فيلم مفضل. ثانياً، حاولي تقسمي أحلامك الكبيرة لأهداف صغيرة تقدري تحققيها على مراحل. مثلاً، حلمك بالسفر والدراسة برة ممكن تبدأي بتعلم اللغة أو البحث في الخيارات المتاحة. كل خطوة صغيرة هتقربيك من تحقيق حلمك. ثالثاً، خدي بالك من نفسك وخصصي وقت للاسترخاء وللهوايات اللي بتحبيه. ممكن كلها حاجات بسيطة تفرق معاك زي الرياضة أو التأمل. أما عن التعامل مع الدكاترة والزملاء، جرّبي تتكلمي معاهم بصراحة وبهدوء عن اللي مضايقك، يمكن تلاقي تفاهم ودعم. وأخيرًا، فكرة العزلة والهروب أحيانًا بتحسسنا بالراحة مؤقتًا، لكن مش دايماً الحل الأمثل. حاولي تشاركي مشاعرك مع صديقة أو مرشدة نفسية تساعدك ترتبي أفكارك وتوصلي لحلول عملية. إحنا كلنا بنمر بلحظات من عدم اليقين والتوتر، لكن المهم إنك متنسيش إنك قادرة على تجاوزها ومش لوحدك ف ده. أنا هنا معاك، ومستعدة أسمعك وأساعدك بكل ما أقدر.
تم النشر الاثنين، ٢٢ يوليو ٢٠٢٤
ربنا يوفقك ويجعلك الصعب سهل وييسر امورك ويعينك ولو عوزت اي حاجه اكيد اساعدك بالتوفيق يدكتوره
تم النشر الاثنين، ٢٢ يوليو ٢٠٢٤
عشان حضرتك طووول ما بتفضلي تقول كلام سلبي عن نفسك فعقلك اللاواعي ثبت الفكره دي خلاص. ارجعي تاني وافضل قولي كلام ايجابي عن نفسك انا مجتهده وناجحه وكدا يعني بالنسبه للسفر برا كلنا عايزين نسافر م لوحدك 😂 المهم اكيد لو ليكي خير فيه ربنا مش هيبعدو عنك. رب الخير لا ياتي الا بالخير وقربي م ربنا وادعي كتييير
تم النشر الاثنين، ٢٢ يوليو ٢٠٢٤
بدال حضرتك شغاله معيده فدا يدل ع انك شخص ما شاء الله مجتهد وبالنسبه للحاله اللي انت فيها اكيد ف حاجه ماثره عليك ممكن تجيلنا فتره كدا عايزين نبعد عن كل الناس بس مش بتطوول لدرجه انك عايزه تسيب الشغل وحاولي الفتره دي تشغلي وقتك باس حاحه بتحبيها ارجعي الجسم تاني مارسي رياضتك المفضله اقري كتب
تم النشر الاثنين، ٢٢ يوليو ٢٠٢٤
لعرض السؤال في فدني اضغط هنا