انا مش عارفه اعمل ايه

Question

السلام عليكم أنا ١٨ سنه تالته ثانوي كان ف جروب تيليجرام لدرس الفيزيا ف زميل ف الجروب دخل قالي انتي بتاخدي مع المستر قولتله اه قالي ممكن ابعتيلي ملزمه كذا ف بعتهاله ومن ساعتها وهو بيطلب مني حاجات ف الدراسه الموضوع أطور بقى يسألني عامله اي وراكي دروس اي وبتاع وساعات كان بيهزر معايا وانا كنت بتجاهله وارد ع قد السؤال بس الموضوع ده من ٣ شهور لحد ديلوقتي جيت امبارح قولتله انا هعملك بلوك قالي بجد قولتله اه قالي ليه قولتله عشان شوفت شيخ بيقول أن الكلام بين الولد والبنت حرام جدا ف زعل وقال تمام يا .... براحتك بس الحب مش حرام قولتله انت زعلت قالي لا اعملي اللي يريحك بس قبل ما تعملي بلوك عايز اقولك ع حاجه احنا مابنتكلمش كتير بس انا بجد حبيتك قولتله تمام أنا هعمل بلوك وابقى افكه بعد ٣ ثانوي سلام قالي سلام ف أنا ديلوقتي حاسه بالذنب من ناحيته وان كمان اتعود اتكلم معاه واحنا مكنش ف بينا كلام حب ولا حاجه كان بحدود بس انا بحالات شويه وبعمل بلوك وكنت بتخانق معاه كتير ساعات وهو كان بيستحملني وعايزه افك البلوك وف نفس الوقت مش عايزه عشان حاسه بذنب كبير

Accepted Answer

يا اختي والله مشينا من الطريق ده قبلك🙂🥲اهو انا جيالك من المستقبل😂بصي هو انتي بتلفي و بتدوري و بتقولي مفيش حاجة و اول ما قلتي هعملك بلوك بقى يقولك بحبك و اعترف علي نيته الأساسية امال انتي فاكرة ايه هيعوز منك ورق و مذكرات صدقيني ولا بيذاكر اصلا🤣و اصلا كان شوية شوية يقولك اشرحيلي انا مش فاهم و السؤال ده إجابته ايه و الموضوع ده بتكتب إزاي و انت عاملة ايه و اخبارك ايه و انا حبيتك🤡اهو كان الموضوع بيتدرج كدة و في الآخر هيوصل لنفس النقطة✨المهم انا هقولك بس ما تزعليش مني انتي بتلفي و بتدوري و الا مكنتيش هتقوليله انا هعملك بلوك ال هو انتي بتستأذنيه يعني ولا بتعملي إيه أنا عارفة كويس دي طريقتنا في المماطلة و أننا بنقدم رجل و بنأخر رجل و مترددين و مش عارفين نمشي في الطريق الصحيح ال هو يعني إحنا عارفين بس مش عايزين نعمل مدة من الآخر يعني ... هي هي نفس الغلطات مش هطول عليك اكتر من كدة ... نصيحة مني لو اديتيه فرصة ولو ارتبطوا من الآن هقولك انو ده شرعاً لا يجوز و ان ده خازوق اه والله تفتكري هيتجوزك مثلاً لا و الف لا اهو أقضية زمن و خلاص كام شهر ولا سنة سنتين لو جاهدتي و هتفركشوا لأنو اصلا البداية غلط و انتي لسة صغيرة ولا تتخيلي اصلا انو هيتجوزك وهو مش هيقول لا ده بالعكس هيحلفلك و يتقسملك أنه هو هيتحوزك و يعيشك ملكة 😂و في الآخر هتلاقي نفسك ملكة الخازوق🤡 اهو انا بنصحك يا اختي الطريق ده كلو شوك و من هنا لحدي تدخلي الجامعة اعرفي أن انتي صح و انو الحرام حرام مهما كانت نيتنا صافية و مهما عزنا الحاجة في الآخر احنا بنعوز اللي يبهدلنا و يكسبنا ذنوب مش اكتر خليك علي قناعاتك و اسمعي لشيوخ اكتر عشان تطمني و ميهزكيش كلام اي حد وهو ولا زعل ولا حاجة هو مش زعل منك هو زعل أن خطتو فشلت😂ف هو انتقل للخطة ب ال هي يحسسك انك غلطانة و انو هو مظلوم و بيحبك يا عيني و انتي الوحشة اللي صديتيه🤡اوعك تنخدعي و خليك علي كلامك و الحرام حرام لو حللوه كل الناس و خلي بالك انتي كدة أُقامت عليك الحجة يعني لو ارتبطي هتتحاسبي هتقولي ايه؟ كنت عارفة بس قلت اتأكد🤷🏻‍♀️ طبعاً وقتها مفيش كلام مفيش مبررات ربي يغفر لينا و يعفو عنا و يصفح عنا 🌸💕

Answer

افضل قرار انت اخذتيه انك عملت له بلوك ما ترجعيش انت صح شيطان هيحاول يستدرجك ما بني على باطل فهو باطل حاولي تعفي نفسك الامور دي بتدمرك واحده واحده ابعدي عنه انت لسه صغيره

Answer

متشيليش البلوك و حاولي متفكريش فالموضوع لانه فالاخر مش هسيبك. ف حالك و هنقعد يبعتلك و ممكن يصعب عليكي ف تردي عليه و مره ف مره الموضوع هيطور و هتلاقي نفسك بتكلميه كل يوم ف زعليه احسن ما تزعلي ربنا💗

انا مش عارفه اعمل ايه

نفسية

اكتئاب

سؤال من احد أعضاء فدني

تم النشر الاثنين، ٢٩ يناير ٢٠٢٤

5 إجابة

8 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك