عندي صاحبة من الجامعة على المستوى الشخصي هي شخص جدع ليها مواقف لطيفة زي أنها ممكن تلف معايا نشتري حاجة تسال عليا حاجات كدة
بنشتغل مع بعض في مكان واحد بقالنا اربع سنين خلال الاربع سنين شفت اكتر حد منافس ليا و مبيحبليش خير يكون في فرص مثلا في الشغل اكون بجهزلها تاخدها مني اقول عادي ربنا مش كاتب ليا الخير و مطلعة عليا في الشغل اني بتاعت مشاكل انا مبسبش حقي الصراحة بس مبفتعلش مشاكل دايما بتشيلنا اننا سيئين في كل حاجة الكلام ده ساير عليا و على صحابنا بس انا اكتر حبة
و لما بحاول أخفى عنها حاجة بمشي فيها في حياتي الناس المسؤولة في الشغل يحكوا معاها عني ثقة فيها يعني الاقيها فجأة بتنافسني في الحتة دي فجأة من غير ما مثلا تكون عندها نية أو شغف للحاجة دي
انا تعبت و حاسة أن حياتي بتتخرب على ايديها حتى اهلي بدأوا يكلموني بصيغة اني انا مقصرة عشان كدة هي بتوصل مش أنها بتضاربني في شغلي !!!
طيب ليه متقعديش وتتكلمي معاها مدام حباها عشان متخسروش بعض واتكلموا مع بعض وكل واحد يقول الي في قلبه عشان متحسيش بكده تاني وتبقوا متفقين علي انكوا صحاب قبل قبل ماتكونوا في الشغل
تم النشر الأحد، ٧ أبريل ٢٠٢٤
بتنافسك نافسيها! هي أكيد حست إنك هتاخدي مكانها أو إنك أحسن منها وعشان كدا بتحاول تعلي عليكي ودا سبب تصرفاتها إعتبيرها منافسه ليكي ومتاخديش الأمر إنها بتتعصب اعصابك بل خديها منافسه وتحدي إنك برضو هتكوني أفضل ومش مقصرة وعامله اللي عليكي وزيادة
تم النشر الجمعة، ٥ أبريل ٢٠٢٤
طيب خلينا نقول ان صاحبتك حصلها فتنه بسبب الشغل والفلوس وخصوصا لو شغلكم ده معتمد على العمولات الاصدقاء والاهل هما بشر ووارد تتغير نفسيتهم زى اللى حصل مع صاحبتك هى بتحبك بس بدأت تحب نفسها اكتر لدرجة انها مهتمه توصل للى عاوزاه بغض النظر عن التكلفة ضرورى تتكلمى معاها بكل وضوح عن التغيرات اللى حصلت ولو فى حاجات من اللى انتى شايفه صاحبتك فيها بالشكل ده بناءا على كلام اشخاص وبس فانتى ضرورى تتأكدى من اللى حصل فعلا عشان ميبقاش عليكى غلط انتى بقى متقلقيش من اى منافسه لان الرزق محدش بيعرف ياخد رزق حد ولو لقيتى منها تجاوب وتفهم لكلامك معاها يبى كويس ..لو لقيتيها انفعلت وبس يبقى قوليلها خلينا ناخد فتره كده كل واحده تراجع نفسها فى افعالها وبعدين نقدر نقيم تانى الغلطة فين
تم النشر الخميس، ٤ أبريل ٢٠٢٤
طب ابعدي عنها احسن لان كده ممكن يحصل حاجاه حولي تمسحي رقمها و تبعدي عن أي حد هي بتحبو تمام
تم النشر الخميس، ٤ أبريل ٢٠٢٤
انظري الي الموقف من منظور إيجابي هي منافسه لكي فحاولي التفوق عليها وانظري الي إيجابيات الموقف هي دافع يجعلكي تكثفي جهودك وبالتالي تجعلك تتطوري اما عن صداقتها فأنا أرى الابتعاد عنها قدر الإمكان دون خسارتها افضل لانها ببساطه تتجسس علي حياتك لتدمر حياتك وتبني حياتها علي أنقاض حياتك أتعلمين كان لي صديق في الدراسه مثل صديقتكي هذه ولكي اتفوق عليه فعلت شيئان الاولى كانت الابتعاد عنه لأنه كان يسرق من حياتي لكي يبني حياته وأيضاً كنت طوال الوقت منشغل به وذلك كان كسلاسل تكبلني وتمنعني من التقدم والثانيه انشغلت بنفسي فبدأت أن اضاعف ساعات دراستي وان اقرأ والتعلم واتثقف حتي صرت افضل عشرات المرات مما كنت عليه وتفوقت في دراستي وأصبحت الاول علي إدارتي التعليميه باختصار هذه فرصه لكي تكوني افضل عشرات المرات فاغتنميها ولا تهدريها
تم النشر الخميس، ٤ أبريل ٢٠٢٤
انا فاهمة عشان مش المفروض تضاربني في رزقي ده الحاجة لو عرفت اني بسعر ليها بتروح تسعى ليها بردو و مش بس كدة تقلل من شغلي
تم النشر السبت، ٦ أبريل ٢٠٢٤
وابعدي
تم النشر الجمعة، ٥ أبريل ٢٠٢٤
كل واحد بيدور علي مصلحته انتي فاهمة أنها صاحبتك مش تهتم لمصلحتها لاء انتي تبيعك علشان مصلحتها متقولهاش حاجة حرصي منها والعديد عنها بالتدريج
تم النشر الجمعة، ٥ أبريل ٢٠٢٤
لعرض السؤال في فدني اضغط هنا