السلام عليكم
انا طالبة فى الصف الثالث الثانوى وعندي مشكلة كبيرة فى الذاكرة غير الضغط الى انا فيه وبحس انى مش هعرف اعمل أي حاجة وفيه افكار كتير سلبية فى دماغى مش بعرف امشيها ولو مجبتش المجموع الى انا عاوزاه ممكن أكتئب غير كده افكار انى خلاص الدنيا وقفت ومفيش امل تانى فى أي حاجة الصراحة افكار كتير عن الانتحار استغفر الله الأفكار دى بتتكرر كتير
وعليكم السلام ورحمة الله وبركاته خدي خطوة وإبدئي، عشان تحللي حتىٰ فلوس الدروس اللي أخدتيها وعشان متزعليش بعدين فاهمة هيا سنة اوحش حاجة فيها الضغط من اللي حواليكِ بس خليكي انتي رحيمه مع نفسك بإنك تاخدي خطوة انك تحققي حاجات من اللي نفسك تحققيها وحطي كذا هدف عشان متوهيش بعدين بس خلي موضوع الأهداف ده بعدين في الأجازة بعد الإمتحانات لو بحثتي هنا في التطبيق عن اسئلة بخصوص الثانوية العامة هتلاقي اجابات من الخبرا كتير وبالتوفيق
تم النشر السبت، ٢٥ يناير ٢٠٢٥
السلام عليكم، دي كلها وساوس مش أكتر ومفيش مشكلة بذاكرتك... كل الحكاية إن الضغط اللي انتِ معيشة نفسك فيه بسبب الثانوية العامة والقلق مسبب لك تشتت وإحساس بمشكلة بالذاكرة بالإضافة للأفكار السلبية والشكوك دائما في نفسك ومذاكرتك وإنك مش هتجيبي مجموع وهكذا. الحل إنك الأول تستعيني بالله وتجددي نيتك من الدراسة. الاستعانة بالله بجد وإنك تستشعري معنى التوكل عليه وإنه لا حول ولا قوة إلا به... هو وحده القادر يغير حالك ويعطيكِ القوة عشان تنجحي في دراستك وحياتك كلها. ثانيُا، انسي خالص مسألة المجموع والامتحانات وخلي همك بس تركزي على الدراسة وهتتعملي إيه جديد كل يوم. ثالثا، النوم مهم جدًا، طول ما أنتِ مش بتحصلي على ساعات نوم كافية وبتهملي صحتك هتلاقي ده بيأثر بالسلب على تركيزك وبالتالي هتحسي إن فيه مشاكل بالذاكرة رغم إن كل الحكاية إن مفيش طاقة أو تركيز. رابعًا، ابدأي ورتبي وقتك وجدولك واهتمي جدًا إن يكون فيه جدول للمراجعة المنتظمة عشان تثبتي المعلومات اللي بتذاكريها أول بأول. خامسًا، راقبي نظام يومك ووقتك، ممكن تلاقي وقت كتير ضايع منك في حاجات ملهاش لازمة ممكن تستغلي الأوقات في جدولك لكن في نفس الوقت تخلي فيه فواصل راحة عشان جسمك وعقلك وتجديد نشاطك. آخر حاجة، قسمي وقتك وجدولك مع أوقات الصلاة هتلاقي إن شاء الله تنظيم وبركة في يومك ووقتك. إن شاء الله أكون أفدتك وبالتوفيق.
تم النشر الثلاثاء، ٢٨ يناير ٢٠٢٥
وعليكم السلام ورحمة الله وبركاته، أولا، أود أن أُعبر لك عن مدى تفهمي لمشاعرك، ففترة الثانوية العامة تعتبر من أكثر الفترات تحديًا وضغطًا بشكل خاص. من الطبيعي أن تشعري بالقلق والضغط النفسي بسبب الأعباء الدراسية والأهداف المرتبطة بها. بالنسبة لمشكلة الذاكرة، يمكنك تحسين تركيزك عن طريق تنظيم وقتك بشكل جيد، وتحديد أولوياتك في الدراسة، وعمل جدول زمني يساعدك على مراجعة المواد بشكل دوري، وهذا سيساهم كثيرًا في تحسين أدائك. أما بالنسبة للأفكار السلبية، فإنه من المهم أن تتعلمي كيفية التعامل معها. حاولي تحديد مصادر تلك الأفكار وما يثيرها في ذهنك، وابدئي بتحديها. تذكري أن ما تشعرين به ليس نهاية المطاف، وكل تحدٍ يمكن التغلب عليه بالصبر والجهد المستمر. في حالة شعورك برغبة حادة في إيذاء نفسك، من الضروري جدًا أن تتحدثي مع شخص تثقين به، سواء كان صديقة، أو معلمة، أو مستشارة نفسية. الدعم قد يكون حاسمًا في هذه اللحظات. لا تترددي في طلب المساعدة، فهناك دائمًا أمل، وسبل للتغلب على تلك الصعوبات. وفقك الله وسدد خطاك، ونسأل الله أن ينعم عليك بالراحة التامة والسعادة.
تم النشر الجمعة، ٢٤ يناير ٢٠٢٥
شكرا
تم النشر الثلاثاء، ٢٨ يناير ٢٠٢٥
ربنا يجبر بخاطرك وتجيبى أعلى الدرجات
تم النشر الثلاثاء، ٢٨ يناير ٢٠٢٥
شكرا بس ممكن دعوه عشان رايحه اجيب الشهاده
تم النشر الثلاثاء، ٢٨ يناير ٢٠٢٥
بصى عشان انتى لسة خارجة من ابتدائي مخلياها صعبة بس هى سهلة جدا سيبى التوتر دة لتالتة اعداى حتى
تم النشر الثلاثاء، ٢٨ يناير ٢٠٢٥
السلام عليكم.. هذه وساوس مافيكي شيئ. الشيطان يحاول يكبرلك الموضوع. توكلي علي الله
تم النشر السبت، ٢٥ يناير ٢٠٢٥
يارب💛 إن شاء الله خير
تم النشر الجمعة، ٢٤ يناير ٢٠٢٥
يارب تنهى على خير اللعبة لسة فى اولها لسة الطريق طويل
تم النشر الجمعة، ٢٤ يناير ٢٠٢٥
شكرا
تم النشر الجمعة، ٢٤ يناير ٢٠٢٥
أنا مقدر الضغوط بتاعة الثانوية العامة اللي أنت بتمري بيها بس انا مكنتش بعاني من الضغوط دي بفضل آية واحدة بدأت بيها تالتة ثانوي ونهيتها بيها وهي،، "وأن ليس للإنسان إلا ما سعى *وأن سعيه سوف يرى* ثم يجزاه الجزاء الأوفى"،، إن شاء الله ربنا مش هيضيعلك تعب واعلمي أن رب الخير لا يأتي إلا بالخير 💛
تم النشر الجمعة، ٢٤ يناير ٢٠٢٥
يارب وانتي ربنا يجبر بخاطرك🤍🤍
تم النشر الثلاثاء، ٢٨ يناير ٢٠٢٥
وعليكم السلام انا برضو زايك كده انا في أولى اعدادي صعبه عليا الدراسه كتير والضغط النفسي كمان انا كمان الذاكره عندي صفر بنسى ما بتذكر اي شي ولما اجي اذاكر اصدع بطريقه غير طبيعيه
تم النشر الثلاثاء، ٢٨ يناير ٢٠٢٥
العفو 🤍 خدي نفس عميق وانهى اللعبة زي ما بدأتيها 💯😾💪
تم النشر الجمعة، ٢٤ يناير ٢٠٢٥
لعرض السؤال في فدني اضغط هنا