انا حاسة ديما بإحساس اني اقل من الناس ومحدش فاهمني دايما بحس اني بتنازل عشان خاطر الناس مش قادرة اذاكر واكون جد عشان انا في سنه مهمه معنديش مسؤولية من ناحيةالدراسة
حاسة اني محتاجه اتكلم مع حد يفهمني مش يفضل يغلطني ويحسسني اني وحشه من جوايا مضايقة دايما وبعمل نفسي مش فارقلي بس انا بتأثر من كل اللي حواليا ومش واثقة في نفسي دايما بهرب من الناس اني افضل ماسكه الموبيل
مخنوقه اوي وحاسه اني مش قادره اعمل حاجه مشكله اني في فتره المفروض أضغط على نفسي في المذاكره ومش عارفه مش قد المسؤولية خالص وساعات أفضل أكلم ناس مش موجودين عشان أحسس نفسي اني كويسه ان ده بيحصل مع كل الناس
السلام عليكم، حاولي تفصلي كل الأحاسيس دي وتركزي على المطلوب منك حاليًا. حددي أولوياتك.. أولويتك دلوقتي إنك تركزي على مذاكرتك وتهتمي بها فممكن نؤجل أي أسئلة من دي لحد بعد الامتحانات. ممكن تلاقي في الآخر إن كل دي أسئلة ومشاعر بسبب مشكلتك في الدراسة. بتقولي إنك في سنة مهمة فأتوقع تقصدي ثانوية عامة؟ ضغط الدراسة والتوقعات اللي بتبقى عليكِ بتخليكِ تفكري في كل ده وتبدأي تشوفي كل المشاكل اللي محتاجة تتصلح في حياتك. ممكن كمان تكون سبب إحساسك إنك أقل وإنك معندكيش ثقة بنفسك. إحساس إن محدش فاهمك أو بيلومك، ممكن تيجي تشكي لحد فيقول لك بتدلعي فتزيد المشكلة، ممكن يقول لك روحي شوفي اللي وراكِ. أنتِ مضغوطة وحساسيتك النفسية هتخليكِ تتأثري بسرعة بردود أفعال الناس حتى لو كانت عادية أو مش مقصود منها إساءة لكِ. *** على فكرة، أكتر حد ممكن يدعمكِ في الفترة دي هو أنتِ. نمي إحساسك بالمسؤولية وحبك لنفسك، فكري في مستقبلك. اقعدي واكتبي كل اللي انتِ حاسة به واكتبي كل السيناريوهات اللي ممكن تحصل في حياتك إذا مفوقتيش لنفسك وبدأت تهتمي باللي وراكِ. ** أجلي خالص دلوقتي احتياجك للناس وقلقك بالنسبة لعلاقتك بهم ونظرتهم لك وكلامهم... كل ده ملوش لازمة حاليًا. لو أهملتِ دراستكِ هيفضل عندك إحساس إنك أقل من الناس. اهتمامك بدراستك وتعلمك مهارات تانية جنب الدراسة حتى لو عشر دقايق في اليوم هيخليكِ تدريجيُا تثقي بنفسك وقدراتك وإنك بتتغيري وهيخلي ثقتك بنفسك تعلى مع الوقت وهيبدأ إحساسك بالحاجة للآخرين وتقديرهم تقل. هتلاقيكِ بتستمدي القوة وإحساس الاكتفاء الذاتي من نفسك ومش هتدوري على رضا الناس ولا تتنازلي عشانهم. شوفي الفيديو ده هيساعدك تصححي شوية مفاهيم عشان تخرجي من الدايرة دي وتبدأي تهتمي بحياتك ودراستك. https://www.youtube.com/watch?v=8xO-FS0IJKs&t=942s&ab_channel=dr_AsmaaElkady بالتوفيق.
تم النشر الأحد، ٩ مارس ٢٠٢٥
انتى مش وحشة ولا حاجة بالعكس انتى تقدرى تعملى اللى معملوهش حد وتبقى فعلا تريند فى دراستك فى الحاجة اللى بتحبيها وماتخديش الكلام كله بالسلبية هتتعبى ومش حكاية تنازل دى قناعة وبساطة لان اللى بيتسارع عليه اللى قدامك مش من قيمتك انتى ذكية جدا ومش شر يكون لوم ممكن يكون حاجة غلط او طريقة مش محببة للشخص المنتقد فكرى ثوانى وشوفى دة حاجة كويسة ولا لا ليكى انتى هيعود ليكى بالايجاب ولا السلبية بس ركزى فى طريقك وعلى فكرة انتى لو مش ناجحة فعلا مش هتلاقى انتقاد من حد كملى زى ما انتى ابمهم يكون ف الصح والخير
تم النشر الاثنين، ١٠ مارس ٢٠٢٥
الشعور بالدونيه وعدم تقدير الذات له جذور من مواقف وخبرات سابقه واحيانا مش بتكون عارفيها واحيانا عارفينها و اعين ليها بس مش عارفين نحلها افضل حل التواصل مع متخصص نفسي
تم النشر الاثنين، ١٠ مارس ٢٠٢٥
دلوقتي انا زيك كدا بكل التفاصيل دي بس انا حتي مش لاقيه حل ...بس اكتر حاجه توصلتلها انو اصلي ......واقرب من ربنا بالتالي ربنا هيوفقني وهيكرمني .وكمان لازم تكوني عارفه من جواكي الشخص اللي هتراعي خاطرو ....دا يستحق تيجي علي نفسك عشانوا او لاء ...وكمان مش تفضلي اي حد مهما كان مين علي نفسك عشان ف الاخر محدش هيقدر ونتي اللي هتتعبي ...وفكره الخنقه ...عشان مش بتصلي ...او حتي لو بتصلي ممكن عشان الاغاني دي بتخلي في غشاء علي القلب ....ف مش يخشع ف الصلاه ... وكمان حتي لو مش عارفه تحسي ب المسؤليه ...فمري ف اهلك اللي بيتعبوا عشانك وعشان يوفرولك الفلوس تروحي دروس ومش يحسسوكي انو اقل من زمايلك ويارت تحطي قدامك دوافع.....انو الناس هتشمت فيكي و ف اهلك ف انتي لو مش فارقلك نفسك اكيد يفرقلك اهلك وكسرتهم قدام الناس ....... ف انتي اعملي اللي عليكي واكيد ربنا هيكرمك
تم النشر الاثنين، ١٠ مارس ٢٠٢٥
عزيزتي، أشعر بمعاناتك ومشاعرك الصعبة. من المهم أن تعرفي أن ما تشعرين به شائع بين الكثير من الفتيات في مثل سنك. الضغوطات الدراسية، خاصة في سنة مهمة، يمكن أن تؤدي إلى شعور بالقلق والتوتر. من الجميل أنك تبحثين عن من يتفهمك، وهذا خطوة مهمة. عليكِ أن تقومي بتقوية ثقتك بنفسك، فكل إنسان لديه نقاط قوته وضعفه. حاولي أن تعتمدي على نفسك في بعض الأمور، بدءاً من تنظيم وقتك ومذاكرتك. يمكنك أيضاً أن تكتبي مشاعرك يومياً، فهذا يساعد في التعبير عنها وتحليلها. بالنسبة لتحقيق التوازن مع الدراسة، حاولي وضع جدول زمني لمذاكرتك وقومي بتخصيص أوقات للاسترخاء والراحة. تذكري أن الراحة ضرورية لتحقيق التقارب من أهدافك. من المهم أيضاً أن تبحثي عن دعم من شخص موثوق به، سواء كان صديقًا أو أحد أفراد العائلة. الدعم الاجتماعي يمكن أن يخفف من وطأت الضغوطات التي تشعرين بها. لا تترددي في طلب المساعدة من أخصائية إذا استمر شعورك بالقلق أو الاكتئاب. أنتِ لست وحدك، وهناك دائمًا من يمكن أن يقدم الدعم. تذكري أنك قوية وقدرتك على تجاوز هذه الفترة ستجعلك تشعرين بالفخر بنفسك.
تم النشر الأحد، ٩ مارس ٢٠٢٥
لا انا أشعر انك أقوى بكثير مما تقولين كلمينى عن اى موضوع تختارية وانا متأكد انى هناقش انسان يستحق لا يجب التنازل ابدا يجب ارضاء النفس نعم يجب ارضاها نحن نستحق لا للخوف لا للضعف يجب ارضاء النفس ناقشينى فى اى موضوع
تم النشر الأربعاء، ١٢ مارس ٢٠٢٥
التوقعات بقى هى المشكلة هنا انتى مركزه انهم متوقعين منك نتايج معينه وطبعا بيكلموكى كلام يضايقك لما تبقى النتيجة مش زى ما هما عاوزين وانتى دلوقتى من زعلك من الطريقة دى بدأتى متتوقعيش من نفسك حاجة وشايفه انك مش اد اى حاجة طبعا ده لما نبقى روبوت ...لكن احنا بشر حتى لو اللى حوالينا مبطلوش توقعات مننا بضغط شديد كده ...فاحنا نفهم ان هما مش قصدهم الضغط اد ما هما عاوزينا نوصل لنتائج كويسه
تم النشر الثلاثاء، ١١ مارس ٢٠٢٥
العبي رياضة تديكي ثقه بنفسك الموضوع دا هيحسن من نفسيتك جدا
تم النشر الاثنين، ١٠ مارس ٢٠٢٥
ما رأيُكِ بتركِ الهاتف و التَوَجُه إلى الله ♥
تم النشر السبت، ١٥ مارس ٢٠٢٥
لعرض السؤال في فدني اضغط هنا