لدي مشكله وارجو مساعدتكم انا دائما لما بتكون في مشكله واي حد يوجهني بيها سواء زوجي أو اهل زوجي أو الأقارب مبعرفش أن أوجه ولا اتحاور معاهم ولاادافع عن نفسي كل اللي انا بعملو أن بعيط ومبقدرش أن اتحكم في دموعي حتي لو انا مش غلط دائما بحس أن انا ضعيفه وان بيستغله النقطه دي
ساعدوني ابقي قويه واقدر اوجهم واسيطر علي دموعي..
التنفيس الانفعالي من الحاجات المهمه جدا للصحة النفسية وكبت المشاعر نتيجة الايذاءات النفسية الجسم والعقل بيرفضها فبيخرج عن طريق الم جسدي وبكاء وقد يصل الي صريخ لاصغر الأسباب.. عدم ردك على الايذاءات الموجه نتيجة لتعرضك في الصغر الي الرفض وعدم الاهتمام أو الاستجابة لمشاعرك فعقلك قرر انه يختار الصمت حتى لا تتعرضي لرفض أو إيذاء لفظي وأصبح الصمت هو حيلة دفاعية للحفاظ على نفسك ولكن هذه الحيلة خاطئة وقد تصيبك بأمراض نفسية لذلك عليكي تعلم أساليب شفاء الطفل الداخلي و رفض كل إيذاء نفسي وتتعلمي قول لا في اي شئ ترفضيه .. اهم شئ ان يكون الرفض بشكل واعي بمعنى التحدث مع الطرف الاخر فيما ترفضيه وكمان من الحاجات اللي هتساعدك برفع الوعي الذاتي هي القراءة وارشحلك كتاب لاتكن لطيف اكثر من اللازم
تم النشر الجمعة، ٢٢ مارس ٢٠٢٤
لازم تثقي بنفسك وتكوني على استعداد لأي حوار او مواجهه مع شخص وده بيتم عن طريق انك تعودي نفسك على مناقشه والقوة في الرد
تم النشر الأحد، ٢٤ مارس ٢٠٢٤
العياط مش ضعف .. العياط مشاعر عادى ومش لازم تكبتيها وبعدين ممكن متعرفيش تتكلمى فى الوقت الحالى بس ممكن تتكلمى فى وقت تانى لما تهدى.. ممكن تقولى أن حاليا مش فى حالة كويسة أن أتكلم لما أهدى هتكلم
تم النشر السبت، ٢٣ مارس ٢٠٢٤
عيطى ..بس وانتى بتتكلمى وتقولى لا مش عاجبنى اللى حصل عيطى بس وانت بتوقفى اللى بيحصل وفيه اذى ليكى سيبى الدموع تنزل بس مش لوحدها ..خرجى معاها احساسك بكلام كررى الكلام تانى بعد ما العياط يخلص على نفس الاشخاص ولو عيطى تانى وانتى بتكررى عادى . شويه بشويه هتبرمجى مخك ونفسيتك انهم مش محتاجين يلجأوا للعياط بس لانك بتعرفى تقولى اللى عندك وتعترضى
تم النشر الأحد، ٢٤ مارس ٢٠٢٤
مينفعش تسكتي لحد بيهينك.. او بيقلل منك ... اعرفي قيمتك كويس واللي يلومك ردي عليه وقولي اللي جواكي من غير عياط
تم النشر السبت، ٢٣ مارس ٢٠٢٤
لازم تتعلمي تثقي فنفسك اكتر
تم النشر السبت، ٢٣ مارس ٢٠٢٤
كبداية هرشحلك انك اول ميخلصو كلام وييجي دورك فالرد، اعتذري لمدة دقيقة وروحي بعيد عنهم جهزي ردك وارجعي اتكلمي، وكل ما ييجي دورك فالرد اعملي كدا، بالاضافة انك تقفي قدام المراية وتتكلمي مع نفسك وتحاوريها وانتي بتبصي فعينك فالمراية كنوع من التدريب، ومع الوقت هتتعودي.
تم النشر السبت، ٢٣ مارس ٢٠٢٤
لعرض السؤال في فدني اضغط هنا