وعليكم السلام الصداقة بحلوها ومرها هتفضلى تتعلمى فيها حاجات كتير طول ما انتى عايشة مفيش اجابات واحده لكل العلاقات ولا حد يقولك ايه الرد. بس خلينى اقولك ان نظرية البيست فريند اللى موجوده حاليا دى ...غلط جدا واللى فهمت ان صديقتك اقنعتك بيها ودفعتك ليها عشان تكونوا اتتين بس وتخرجوا اى حد تالت من الدايرة. ممكن درجات الصداقة تختلف بين اصدقائى ويكون فى حد اقرب من التانى ...او واحده ممكن احكيلها قبل الباقيين....او واحده ائتمنها اكتر من الباقيين ...لكن ده مش معناه ان دايرة الاصدقاء تكون فيها شخص واحد. من حقك ومن الطبيعى يكون ليكى اصدقاء مختلفين واللى منهم يحاول يتعامل بمبدأ الاحتكار ارفضى ده فورا. الفكره دى بتكون زى السم ...صحبتك بدأتها معاكى و زرعتها فيكى واديكى اتعاملتى بيها زيها وعاوزاها ليكى لوحدك.( ده غصبن عنك لانك مش واخده بالك من اللى اتزرع فيكى بالغلط ) كويس انك وقفتى عند الموقف ده وسألتى عشان متتماديش فى الفكرة وتتحولى لشخص انانى عاوز الخاجة ليه لوحده وغير كده يغضب ويقلب الدنيا. صاحبتك دى فهميها الكلام ده وقوليلها هنبقي كلنا اصحاب والبيست ده بيبقي بافعاله ومدى حفاظه على زعل اصحابه ...مش يبقي بيعمل اى حاجة ومعتمد على انه فى مكانة البيست مهما حصل. اختارى اصحابك كويس لانهم بيفرقوا كتير فى حياتك وشخصيتك اللى هتتكون....واتبعى احساسك من غير ما تستنى كتير ومرات متكررة من الاذى ....متخسريش نفسك عشان حد .
تم النشر السبت، ٢٥ فبراير ٢٠٢٣
شوفي في حاجه لازم تاخدي بالك منها .انه طبيعي الواحد يبقا ليه اكتر من صحاب ويكون قريب منهم عادي ف مش معنى ان ليها صاحبه تانيه انها مش صحبتك لان الصحوبيه احتواء وامان وحريه مفيهاش قيود ع الصحاب تلزمني بحاجه اكتر من الاخلاص والمساعده والثقه مفيهاش احتكار حاولي تفكري انك لو عندك صاحبه تانيه غيرها هل معنى ده انها مش صحبتك وانك بتحبي التانيه اكتر منها يعني حطي نفسك مكانها وشوفي هتتصرفي ازاي وبعدها احكمي عليها قريبه منك ولا لا لكن فيما يخص انها بتعمل الي بيزعلك دايما اتكلمي معاها انك بتدايقي من اسلوبها وان مش من الطبيعي ان الصحاب يقصدوا يضليقوا بعض بالشكل ده اتكلمي وحطي حدود وقيود لحد متلتزم بأنها تراعي الحجات الي بتزعلك
تم النشر الجمعة، ٢٤ فبراير ٢٠٢٣
عليكم السلام ورحمه الله وبركااته هي العشره مش ساهله نستغني عنها! ولو هي طول الفتره وحشه يبقي خلاص تمام تجنبيها ,,بس احنا دايما بننسي نحط نفسنا مكان ال قدامنا وبنعذر نفسنا ونحاسب ال قصادنا وعكسنا الايه ! فاقعدي مع نفسك كده وشوفي هي فعلا وحشه ,طيب هي ملهاش اي ذكري حلوه ورصيد اعاتبها بيه.. ومتعامليش الناس باصلهم واخلاقهم هتبقي شبهم,, حافظي علي نقائك وده مش معناه اقلل من كرامتي بالعكس دي منتهي العزه انك تبقي اصيله ومش متكبره بلاش نعمم مقوله اعتزل واتجنب !مش هنعيش لوحدنا ومش هنفصل الناس علي مزاجنا ,لاننا بشر زيهم مش كاملين برضو حببتي لو هي تستحق فرصه وعتاب تمام .. انتي بس ال هتقيمي صح .. فبلاش تسرع وقرار فوقت زعل .. اما لو فعلا ملهاش رصيد خلاص تجنبي بالحسني ومن غير ما تكسري خاطرها والله الغني والصحاب كتير كويسين فغيري نشاطك معاها وقللي وجودكم واتعرفي علي صحاب جداد عادي انتي ملك نفسك مش ملك حد وممكن تجاوبيها ببساطه انك بتحبي ال بيحبك وبتقدري ال بيقدرك ومكانته غاليه وال مش بيعمل كده بحبه برضو بس حب عادي مش مميز
تم النشر الجمعة، ٢٤ فبراير ٢٠٢٣
مترديش عليها لا رسايل ولا مكالمات لو الظروف جمعتكم تكونى باردة لازم تعرف قيمتك
تم النشر الجمعة، ٢٤ فبراير ٢٠٢٣
بلاش عشان اللى جاى مش حلو ليكى وابعدى عنها بدون اى تعب
تم النشر الجمعة، ٢٤ فبراير ٢٠٢٣
كلميها ببرود ومترديش ع الكلام اللي. بيدايقك واتجنبيها كأنها مش قاعدة
تم النشر الجمعة، ٢٤ فبراير ٢٠٢٣
احنا مع بعض كل يوم
تم النشر الجمعة، ٢٤ فبراير ٢٠٢٣
طيب ابعد ازاي ممكن تقوليلي طريقة اعملها واي حاجه اعملها علشان اقدر انسي ؟
تم النشر الجمعة، ٢٤ فبراير ٢٠٢٣
لما بحاول ابعد يا ندي هي بتيجي تتكلم معايا وعلي الرغم من أنها ظلمتني كتير بخاف اكسرها وهي دايما خايفة علي كرامتها وبجد هي خلتني حاسه اني مش عندي كرامه وكنت دايماً بقول عادي مش مشكلة صحبتك بس هي استغلت ده وعملت كل حاجة اذتني انا بجد تعبت اوي ومحتارة اعمل اي 😭
تم النشر الجمعة، ٢٤ فبراير ٢٠٢٣
لعرض السؤال في فدني اضغط هنا