اتمني الي يرد يقرأ كويس ويفهمني بالله عليكوا ،،جماعه ونبي انا مدمره وحياتي كلها بايظه انا في ثانويه عامه في 3 السنادي وكنت مخطوبه لواحد دايما مشاكل وخيانه وكنت كل مره برجع ويقول اخر مره بس للاسف مفيش حل كان بيرجع اسوء من الاول لحد لما قولت خلاص كفايه كده وقررت ابعد واول مره اقدر ابعد وافركش لاكن للاسف حياتي بقت اسوء بقيت مرعوبه منه ومعتش بخرج من البيت بسببه دروسي ومذاكرتي وحياتي كلها باظت انا حاسه اني خايفه اوي منه خايفه يعمل حاجه فيا ومش متطمنه انا الاولكنت فاكره حب طلع مرض هو خاني وانا بعدت وبعدين دخلي ورديت عليه اتكلمنا وفهمتوا اني عمري ما هرجع وبعدين عادى قفلنا كلام تاني يوم كلمني مع انو كان قال انو معدش هيكلمني المهم غلطت للمره التانيه ورديت عليه ورمي كل اللوم عليا وانا قولتلك انو هو سبب وهو انهار وريني أن حياته مدمره مع أصحابه وأهله ومحدش واقف جمبه وهو شايف أن كل ده بسببي واني دمرت حياته الي مخوفني انو كلم مستر علشان يصالحني عنده قاله لا مينفعش ودي حاجه مليون ف الميه جت اوي ع كرامته خصوصا انو تقريبا عنده اضطراب شخصيه نرجسيه ف كل ده هو بيرمي الذنب عليا انا واهلي رافضين رجوعي وانا كمان رافضي بس خايفه اكتير مرعوبه انا كنت حكيت هنا كتير الي بيحصل معايا وقولت لي افركش احسن المهم قصد يعني كام باب واكتر من حد ويقوله لا هو شايف أن كل ده بيقول منه وطبعا كل ده بيجي ذنبي انا وبيحط اللوم عليا مع انو هو الي خاني بس بيقولي أنها حاجه قديمه وبيقولي لي مصدقتنيش قولتله انا سامحتك كتير بس رامي اللوم عليا شايفني وحشه ومدمره ليه حياته حكالي حاجات عن حياته الي مدمره ونزل استشار الناس في حكايتنا بس من غير ما يذكر اسماء او كده والناس ردت بالسخريه والضحك والتريقه عليه وبالتالي حس بالاهانه اكتر وكالعادة بتيجي فوق دماغي انا بقيت مرعوبه وخايفه ومش حاسه بأمان واهلي محدش فيهم معايا مفيش غير امي متعرفش تعمل حاجه ولا هقدر احكيلها حاجه حتي هيا رفضت عادة ترد عليه أو تكلمه وده دايقه اكتر هو متعلق بي تعلق مرضي وانا حاسه اني بقيت مرضيه منو هو حقيقي ورني ايام ما يعلم بيها الا الله ولما اسأله يقولي شيطان وكده المهم الوقتي انا مرعوبه انا حاليا قفلت معاه كلام ع اني هشوف وهفكر بس علشان ارضيه انا خايفه يكون مصيري زى نيره او يكون مصيري اني افضل خايفه طول عمري وحياتي تضيع وخصوصا اني ف سنه مهمه اعمل اى ارجوكم انا اتدمرت ،،،، تعديل جماعه انا عاوزه حل معاه وحل مع نفسي لاني بحبوا عاوزه مش عاوزه الموضوع يكبر عاوزه لو دكتور نفسي يقولي اتعامل مع الشخصيه دى ازاى او حد يطمني بس وعاوزه أكد ع حته انو شايف انو بقل من نفسو علشان ودى حاجه ممكن تخليها يكرهني
انتي خايفة مش اكتر من المواضيع اللي بتحصل في المجتمع .. لكن مفيش اي تهديد يذكر عملوا ليكي الشخص ده. ف حاولي تشيلي كل المخاوف اللي ف دماغك ديه ... لان ملهاش اي اساس. وياريت متحاوليش تردي عليه لو كلمك، علشان متزوديش معاه ف الكلام.
تم النشر الأربعاء، ٢٤ أبريل ٢٠٢٤
اتكلمي مع حد كبير في العايله يمنعه انه يوصلك وانتي مش تركزي معاها وركزي في دراستك والي حصل مع نيره دا مكتوب وبعدين الي قتل نيره دا مش عارفين اذا كان مريض او لاء دي تهيأت انتي بتعمليه لنفسك انه بيراقبك وانه ممكن يعمل فيكي حاجه ممكن بتعملي كدا عشان ضغط الثانويه
تم النشر الثلاثاء، ٢٣ أبريل ٢٠٢٤
طيب يعني انا قريت كويس وفهمك ان شاء الله اولا من اللي انت بتوصفيه فده مش شخصيه نرجسيه لان الشخصيه النرجسيه ما بتحاولش ان هي تتوسط لحد يصالحها على حد ولا الكلام ده خالص شخصيا نرجسيه بتبقى. بشكل تاني يعني لا هو مش شخص نرجسي هو بس هو شخص بيحبك اه لكن اخطائه للاسف سبيها الدنيا توصل لطريق بالنسبه لك مسدود. انت خوبك هو المشكله الاقيك انت هو اللي زياده وانت حاطه جوه دماغك سيناريوهات كثير وحاجات وحشه ممكن تحصل لو انت ما استجبتيش لكل محاولاته ولكن من اللي انت بتحكيه فده مش حقيقي يعني هو مفيش تهديد هنا حقيقي خالص ما فيش اي ملامح تهديد هو كل اللي هو بيحاول يعمل ان هو بيحاول ان هو يتصلح معاكي وان هو يخلي حد يخليك تغيري رايك مش اكتر من كده كون ان هو بيستخدم فكره او بيردد عليك فكره انا كده بقلل من نفسي يعني فهو بس بيعمل عليك نوع من الضغط النفسي وبيوريكي ان هو بيبذل مجهود ومن ضمن المجهود ده ان هو يكون بيضغط على نفسه او بيجي على نفسه. ان هو يطلب من حد انه يصالحكم على بعض او ان هو يطلب من حد ان هو يتكلم معك وده كله وممكن لحد ده يرفض وممكن حد ده يقول له لا انت اصلا اللي غلطان ويلوم عليه فكل الحاجات دي هو بيتحملها وبيقول لك شوفي انا هتحمل عشانك ايه بس لكن كده هديك انا مش شايف انهم التهديد انت اللي محتاجه تهدي علشان هو مهدتكيش بقى اي حاجه ومش كل حد بيحب واحده او يحاول يرجع لها وهي بترفض بيحصل زي نيره يعني ما تخليش القصه دي تخليكي. معناه انه انا احتمال ان انا اوافق مره تانيه بس.
تم النشر الثلاثاء، ٢٣ أبريل ٢٠٢٤
هتشكرى ربنا انو حطك فى التجربة دى و انتى لسا صغيرة مع كامل احترامى هو حس تعلقك بيه فا ضمن وجودك و انتى متعلقة بيه لسد فراغ داخلى كلمة ( حب ) متذكريهاش ابدا الى لما تفهميها و محدش بيعرف يحب غير لما يحب نفسو الاول .. اظن الكلام واضح اولا .. اقعدى مع نفسك و اتكلمى بصوت مسموع و اسألى الاسألة دى و كلمى نفسك اكنك حد غريب مش انتى من الاخر بدون مشاعر بص يا بنت الحلال انت بتشكرك ربنا. بص يا بنت الحلال. ١ . هو انا بحبو .. تب بحبو ليه ٢ . انا ايه الى تاعبنى بالظبط ٣ . هل يستاهل ٤ . لو كملت ايه الى ممكن يحصل ز لو سبتو ايه الى ممكن يحصل ٥ . و قربى من اهلك شوية و من ربنا قبل اي حد بص مبدئيا يعني
تم النشر الثلاثاء، ٢٣ أبريل ٢٠٢٤
لو كان فيه أي تهديد منه أو حاسة بخطر على نفسك ممكن تعملي (محضر عدم تعرض) في أقرب قسم شرطة .. ويا ريت تخلي حد كبير في العائلة يتكلم معه ويخبره أن الموضوع انتهى ويطلب منه ألا يكلمك مرة أخرى
تم النشر الثلاثاء، ٢٣ أبريل ٢٠٢٤
محضر عدم تعرض
تم النشر الثلاثاء، ٢٣ أبريل ٢٠٢٤
لا ب
تم النشر الثلاثاء، ٢٣ أبريل ٢٠٢٤
هو هددك بأي حاجة فعلية؟
تم النشر الثلاثاء، ٢٣ أبريل ٢٠٢٤
لعرض السؤال في فدني اضغط هنا