أنا التلوقتي شغاله في مستحضرات التجميل وبجيب منتجات من الأصليه واي شخص بيطلب حاجه بجبها وعمله جروب واتس الجروب عملاه من السنه الجروب الناس بتخرج منه ومفيش حد بيدخل وانا بنزل ومفيش حد عاوز يشتري مني انا ببيع من بره الجروب اكتر من الجروب نفسه معني كلامي البيع في الجروب عدد قليل جدا وفي نفس الوقت في اشخاص عملين الجروب من قريب العدد اللهم بارك وصلت إلي أكثر من ١٠٠٠شخص في وقت قليل أنا مش بحقد عليهم وفي ناس طلبوا مني اني اعمل فودافون كاش وانا مش عارفه اعمله وانا نفسي اكبر مشروعي وعاوزه اعرف ازاي اعمل فودافون كاش ملحوظه أنا عمري ١٧سنه
أولا موضوع محفظه فودافون كاش او اي محفظه على اي رقم لازم خط يكون متسجل ب اسمك يعنى لو معاكي خط مثلا بس متسجل ب اسم ولدك أو ولدتك عادي بتروحي معاهم الفرع ال هو مثلا فودافون او اتصالات أو أورانج على حسب نوع الخط وبتقللهم عايزه انقل ملكيه الخط بيخدو منك البطاقه وبطاقه الشخص ال مسجل ب اسمه الخط وخمس دقايق ب الكتير وبيبقا كدا الخط بقا ب اسمك او تشتري خط جديد وتسجليه ب اسمك وبتقللهم برضو في الفرع عايزه اعمل محفظه الكترونيه الموضوع مبيخدش 10 دقايق على بعض في نفس الفرع وبتفعليها وانتى موجودة هناك والموضوع سهل جداً متصعبيش على نفسك يعنى ثانيا بقا موضوع الشغل وان الجروب مش بيكبر وكدا تقدري انك مثلا تنزلي على جروبات فيس اعلانات ل شغلك يعنى مثلا شوفي جروبات على الفيس تكون ليها علاقه ب المجال ال انتى شغاله فيه ونزلي شغلك عليه وال يحب يتواصل معاكي تقدري ساعتها تنزلي للينك الجروب بتاعك وبالتالي الناس هتبدء تدخل الجروب أو برضو في فكره تانيه انك تعملي زى مسابقه للناس ال موجودين ف الجروب بتاعك أن مثلا ال هيدخل صحابه أو أهله هياخد خصم مثلا على المنتج ال انتى بتبعيه وشوفي انتى هتقدري مثلا تقللي في سعر اني حاجه من غير ما تخسري وهكذا ووحده وحده الدنيا بتكبر وشغلي دماغك في افكار تانيه برضو وربنا يرزقك أن شاء اللّه وستعيني بالله وربنا هيكرمك
تم النشر الأحد، ١٢ مايو ٢٠٢٤
والله برافو عليك انك ١٧ سنه وبتعملي كده بسلازم تبقى عارفه مش بسهوله هتنجحي لان لما تنجحي هيبقي كبير ودائم فلازم تواصلي واصبري علشان النجاح يبقى دائم
تم النشر الثلاثاء، ١٤ مايو ٢٠٢٤
ممكن تنزلي عالفيس أو تعملي جروب فيس او تعملي عروض دا هيجذب ناس اكتر أو شوفي الناس دي بتعمل ايه مختلف واعمليه مش غلط لو معاكي خط فودافون بتروحي اي فرع للشركة وبتقوليلهم انك عاوزة تفعلي فودافون كاش وهما بيعملوا
تم النشر الأحد، ١٢ مايو ٢٠٢٤
الافضل أنها تكون بيدچ علي الفيس بوك مش واتس عشان لو حبيتي تعملي تمويل للصفحه وتزودي الاعضاء فيها وفرصه الشير. كمان اكتر ، أما فودافون كاش دي محفظه بتفعليها من أقرب فرع فودافون لحضرتك صوره البطاقه ورقمك متسجل بأسمك وهما بيفعلوها لحضرتك في الفرع
تم النشر الأحد، ١٢ مايو ٢٠٢٤
ممكن حد يجاوبني
تم النشر الأحد، ١٢ مايو ٢٠٢٤
فودافون كاش بتروحى اقرب فرع ليكى بالبطاقة وبتفتحى محفظة بس اهم حاجة الخط يكون باسمك والشغل ممكن تعملى بيدج وتنزلى عليها الشغل وتعملى اعلان ممول ليها
تم النشر الثلاثاء، ١٤ مايو ٢٠٢٤
كلمي حد من اللى نجحو ف وقت قصير هيساعدك ف الماركيتينج لنفسك
تم النشر الاثنين، ١٣ مايو ٢٠٢٤
حضرتك من محافظة ايه لو الاسكندريه انا اعرف صديقة شغالة في مستحضرات التجميل بردو ممكن تشتركي معاها وتكبروا المشروع سوا؟
تم النشر الأحد، ١٢ مايو ٢٠٢٤
انت عاوزة تعملي فودافون كاش؟ روحي لأي فرع فودافون وقوليله عاوز اعمل فودافون كاش
تم النشر الاثنين، ١٣ مايو ٢٠٢٤
تعال وانا اساعدك واكبر المشروع معاكى ابعتلى ماسج وكلمنى
تم النشر الاثنين، ١٣ مايو ٢٠٢٤
أنا من محافظة الجيزه
تم النشر الاثنين، ١٣ مايو ٢٠٢٤
لعرض السؤال في فدني اضغط هنا