بتمني من ربنا يرجعني ليه ومش عارف ابدا
البداية أسهل حاجه فعلا. والأصعب الثبات لأن مغويات الشيطان وحيله هتكتر أكتر إنت بتخسره كده فيضاعف معاك لكن ف البداية هو بيبقي نسيك شويه فأنت بجد اضحك عليه.. أنصحك بفيديو خطوات الشيطان حلو آوي أتأكد إني ال بيعمل خطوه وآحده بس قرب لربنا ربنا بيسرله باقي الخطوات جدا فابدا بالذكر كتييييير والدعااااا كتير وأكيد الصلاه بس الذكر والدعا هيقويك ع الصلاه وبعد كده كله هيتفتح فوشك من صوم وقرآن وعلم.. أبدا بمعرفه أسماء الله الحسني بتفرق آوي آوي لما تفهم فضل القرب والعباده في كتاب أسمه وكفي بالله حبيبا وإن ربي لطيف وكتاب معجزات الذكر ولانك الله ولكنود و فاتتني صلاه وكتب كتير حاول تقرأ حاجه فيهم هتاخد بايدك آوي وتفهمك كتير
تم النشر الأحد، ٢٦ فبراير ٢٠٢٣
البدايه بسيطه جدا جدا بس اهم حاجه في الموضوع ده ان تكون عندك نية صادقه جدا من حواك وخالصه لله وحده انك فعلا عاوز ترجع محدش يقدر يعرف او يحدد صدق نيتك غير ربنا سبحانه وتعالى ده اولا: اصدق النيه ثانيا ادعي كتير جدا جدا طول الوقت قل اللهم ردني اليك ردا جميلا ثالثا اهتم بصلاتك وحافظ عليها مجرد ما تسمع الاذان لو نيتك صادقه هتقوم على طول مهما كانت الملهيات الصلاة رقم ١ في حياتك ..اكيد حضرتك شفت الطفله ال وهي طالعه من تحت الانقاض مستاءة من نفسها جدا عشان فاتت عليها الصلاة !!! رابعا اعمل ورد ثابت يوميا من القران حتى لو صفحه واحده في اليوم خامسا حافظ على اذكار الصباح والمساء واقراهم بقلبك وحس بمعانيهم ولو مش قادر تحافظ عليهم كلهم حاول متهملهمش اقرا ال يتيسر لك منهم سادسا يومك ميعديش من غير صلاة ضحى وورد ذكر مثلا عشرين تسبيح وعشرين حمد وعشرين استغفار وعشرين صلاة على النبي صلى الله عليه وسلم وعشرين تكبير وعشرين حوقله وكده دي بدايات الالتزام وان شاء الله تزيد
تم النشر الأحد، ٢٦ فبراير ٢٠٢٣
سؤال مشابه لسؤالك وان شاء الله الاجابات تفيدك https://fedni.net/q/79015038
تم النشر الأحد، ٢٦ فبراير ٢٠٢٣
ابدء بذكر الله باللسان وخصوصاالاسغفار وع الوقت ربنا هيقربك ليه
تم النشر الأربعاء، ١ مارس ٢٠٢٣
لعرض السؤال في فدني اضغط هنا