انا شخص رسبت مرتين في الثانويه العامه بعدها تشقلب حياتي حاولت تخطي الامر كذا مره لكن افشل في كل مره احاول اشوف حاجات جديده بس للاسف بقيت اصطدم في المجتمع اللي يقول لي انت مش هتعرف تعمل حاجه طالما انت معكش شهاده حاولت اعيد المره الثالثه بس حصلت مشاكل عائليه خلت والدي بالانفصال عن بعضهم ووالدي ذهب وتركنا للضياع لم يترك اي شيء لنا فاتوررت للعمل من أجل امي و اخوتي خصوصا ان اختي الان في الثانوي العامه واريد ان اوفر لها كل سبل النجاح لكي لا تضيع مثل ما انا ضعت بس انا الان تعبت نفسيا وحاسس اني عايش ميت لا افعل اي شيء سواء اني بشتغل اي شغلانه علشان اقدر اوفر المال لعائلتي بس انا كل ما اشوف حد في الجامعه واسمع السيره بحزن غصب عني خصوصا انا بعد بعد كل شغل بلف واشوف ليا طريق ثاني يعوضني عن فشلي في الثانويه العامه بس مش بلاقي ومش بقدر اقول لعائلتي الا انا حاسس بيه وبين لهم اللي انا كويس بس انا مبقتش قادر استحمل حتى صديقي المقرب بقيت اكلمه ما بيردش عليا وشاف اصدقاء جديده بقى يخرج ويتصور معاهم ونساني خالص ما بقاش يكلمني بقيت حاسس اني لوحدي في الدنيا ما بقيتش اتكلم خالص مع حد كلامي كله بقى فالحدود الموقف اللي انا فيه مش عارف افضفض مع حد المشكله الاكتئاب بقى ياثر على صحتي اصعب حاجه في الدنيا يبقى عندك حلم وضيع منك حتى مش تلاقي بديل مش عارف تشوف حلم جديد مش عارف تعمل حاجه جديده انا حتى الكليه اللي انت مش حبيبها مش عارف تخشها ما عندكش الوقت ده حرفيا ما عنديش طول اليوم تشتغل عشان توفر مبلغ قليل قوي يا دوبك يعرف يعيش اسرتك بالعافيه انا اصلا نسيت اخر مره كنت مبسوط فيها امتى الايام كلها بقت زي بعض مستقبله بقاش لي ملامح خصوصا ان انا خلاص كرهت الثانويه العامه امتحانها ما بقتش حتى عاوز اعدي من جنب المدرسه اللي كنت انا فيها وكاني بقا عندي عقده منها بحاول اشوف اي حاجه بس مش لاقي ومعنديش وقت غير يوم الجمعه هو الوحيد الي بقا في شويه وقت وبردو بنزل اشتغل فيه وناس بقيت تعملني علي اني جاهل او مش متعلم وديه حاجه قتلاني خصوصن اني عارف اني مش كده بس بتاثر بردو ما بقتش عارف هفضل كده وهل هقدر اتزوج ابني اسره في المستقبل ولاه خلاص كده خصوصا انا في مصر تحديدا بقى مش عارف ليه يحكموا ويرفضوا شخص سبب مؤهله الدراسي خلاص بقيت احس انها خلاص كده خلصت انا دلوقتي بفكر اني اودي عليتي لبر الأمان بس انا عن فسي حسيت اني انتهيت خلاص اسف لو طولت عليكم بس ما كنتش اعرف افضفض مع مين
رأي الشخصي ده مش فشل ممكن يبقي ليك حاجه تانيه ربنا شايلهالك ثق في قدراتك الي وصلتك لثانويه عامه وقادر تستحمل كل الضغط الي فيه وساكت ده قوه وقدره كبيره علي الصمود حاول تشوف كورسات بشهدات كويسه وكورسات حاجات بتحبها زي برمجه او اي حاجه من المجالات المطلوبه شوف صناعه اتعلمها بجد واتقنها وافتح شروع لنفسك الشهاده الثانويه ملهاش علاقه ب اخلاق وشغف وتربيه الشهاده موقفتش مستقبل احمد حلمي الكومديان المشهور مع انه شال الثانويه العامه تالت مرات ورا بعض مفيش حاجه هتقف علي دي ثق في نفسك وفي ربنا وخاليك عارف ان كل دي تجارب ربنا عايز يشوفك قوي وعلشان تحس ب اختك وبضغطها دلوقتي انت مش وحش او فاشل انت بس متوفقتش وده ممكم يحصل مع ناس كتيره الاهم متتهزمش
تم النشر الجمعة، ١٦ يونيو ٢٠٢٣
صديقي العزيز من الواضح انك ذكي جدا وشخصية قوية وعندك تحمل المسئولية فشلك ف الثانويه العامه مش غلطتك لانها بسبب ظروف علي حسب ما فهمت من كلامك ولو غلطتك فخلاص انتهت حدث حصل وانتهى دي مش نهاية الدنيا هون علي نفسك وما تحسس نفسك بالذنب ولا تجلد نفسك لانة كل دة مش هيحصل ممكن تكون انت شاطر ف مجال تاني من غير شهادة ثانوية عظماء وعلماء ف الاول قالوا عليهم انهم اغبياء!! مش فشلوا وخلاص ثق بنفسك اولا وسيبك من كلام الناس ومعتقادتهم المتخلفة انة لازم يكون معاك شهادة ثانوية ولازم جامعة حاليا احنا في زمن " انت بتعرف تعمل اية واية مهاراتك" اللي بيتكلم عن الشهادات دة انسان تفكيرة محدود ووعية شبة منعدم دور علي نفسك خارج ديرة " لازم يكون معايا شهادة ثانوي" كلمني لو احتجت تتكلم معايا او تسال ف اي حاجة وانا معاك ماخفش انت قدها يا بطل ٠١٢٢٧٩٦٩٢٥١
تم النشر السبت، ١٧ يونيو ٢٠٢٣
حاليا الشهادة مبقتش ليها المكانة المهمة زي زمان، علشان كده انت لو تقدر تتعلم اي تخصص على الانترنت من التخصصات المطلوبة حاليا، واللي اساسا مش مطلوب منك انه يكون معاك مؤهل .. تقدر تحقق حلمك وتكون احسن من اي حد معاه شهادة. أنا مقدرة شعورك كويس .. واللي انت بتمر بيه، وان الناس للاسف شايفة المظهر من بره فقط .. لكن انت ممكن تعوض ده وتحول ده لنجاح .. وفيه ناس كتير مروا بتجربتك وقدروا يخلقوا النجاح ده بعد ما الكل قالوا عليهم فشلة! ولكن ف الاول الاخر .. متخليش حد يحكم عليك بكده وتصدقوا .. محدش كان مكانك، محدش شاف اللي شفتوا، محدش عاش اللي انت عيشتوا ... كل واحد وله الظروف اللي وصلتوا للمكان اللي هو فيه .. ف متخليش الناس قدام عينيك .. خليهم ورا ضهرك وامشي وسبيهم وانتبه لمستقبلك .. عارف فيه 15 شركة من حوالي سنة او 2 قالوا انهم بيهتموا بالمهارات فقط، مش المؤهلات الجامعية .. معنى كده انه فعلا عادي جدا تتعلم اي مهارة وتشتغل وتنجح .. بدون شهادة اه .. تقدر تعمل ده. ومع ذلك برضه لو عايز تدخل الجامعة وذاكرت .. تقدر تعمل ده .. بس بلاش النظرة السودواية اللي انت بتبصها للعالم ولنفسك، فيه حاجات كتيرة كويسة ممكن تعملها.
تم النشر السبت، ١٧ يونيو ٢٠٢٣
بص أنا أقدر أقولك حلول لكل ده و اقولك اخت حضرتك محتاجه إيه و تبذل مجهود فى إيه لكن كل ده مش هيجيب نتيجة لكن اللي هيجيب نتيجة فعلاً إنك تسمع كلام ناس اتحطوا فى مواقف شبه مماثلة أو مماثلة تماماً و نجحوا انهم يخلوها لصالحهم https://youtu.be/iwTCcPUlCIc https://youtu.be/M77sNp0GfQ4 https://youtu.be/Tnt4NJcPMfM دول اتنين منهم podcast وواحد منهم بيديك بدل المثل 15 أو يزيد عن ناس فشلت فى الثانوية و دلوقتي مسكتوش و عيشتهم مرتاحة القناة إسمها دروس أونلاين هتفيدك نفسياً و مهنياً و معلوماتيا و ثقافياً و منهجيا و لغوياً و تعليميا و فى حاجات كتير اللي فات ده كلو علشان تطمن نفسك و تشوف إنك قدامك فرص لسا مستغلتهاش نيجي بقى لنقطة مهمة جداً ( نظرتك لليوم ) أنا لاحظت إنك باصص لليوم بشكل غير متفائل بالمره يعني من بدأيتوا بتقول هو يوم زي الزفت بدل ما تقول كده قول يوم جديد و فرص جديدة يا أخي ده حتي حديث فى الأثر بيقول (ما من يوم ينشق فجره، إلا وينادى: يا ابن آدم أنا خلق جديد، وعلى عملك شهيد، فتزود مني، فإني إذا مضيت لا أعود إلى يوم القيامة) هتقولي ضغوطات و مش قادر أعمل كده. لا بالعكس تقدر بص لأبسط الحاجات نظره حلوه و هتفرحك روح شغلك حتي لو مش بيجبلك ما يكفي حاجاتك و أنت مبسوط ده المثل بيقول حب ما تعمل حتى تعمل ما تحب تفائل و سبها على الله قول يارب (أم واحد من الناس اللي جمعت أحاديث الرسول صلي الله عليه وسل كانت بتدعي لأبنها كتير لحد لما جالها فى المنام ملاك و بيقولها طلبك إيه من كتر ما بتدعي صوتك وصل للسماء السابعة و فعلاً دعوتها اتحققت و كان تقريباً هو مسلم أو البخاري) بلاش تروح شغلك مبسوط محدش فينا بيروح شغلوا مبسوط أصلا بص لأختك و هيا بتروح الدروس و جيا من الدروس و أفرح علشانها بلاش أختك بص لأبسط حاجه و فكر فيها تفكير متفائل و هتفرح بدون سبب . بالنسبة للناس اللي حواليك أى حد بمعنى كلمة أى حد يقول عليك كلمة أو يكلمك بكلمة أو يوصفك بتعبير هو صح فيه ،،، ايه ده يعني أنا فعلاً جاهل؟؟؟ لا لا مش قصدي المقصد كل الناس عندها كلامها اللي مصدقاه أو شايفاه صح و ميه ميه بس ده ميخليش كلامهم فعلاً يمشي علينا حاول تتجاهل الكلام اللي ملهوش لازمة ،،، ازاي ملهوش لازمة ؟ أصل كلام الناس لا هيقدم ولا هيأخر لو عملت بكلامهم هتتعلم و هتبقى عارف حاجات كتير و وقت لما تيجي تتكلم و تقول أنا متعلم أو تبين حتى إنك متعلم هيطلع مجموعة من الناس و تقولك بيتفشخر أنو متعلم و ناس تانية هتقولك و إحنا ملنا و ناس تانية تنبهر بيك فمش مهم كلامهم أو حتي رأيهم غير لما إحنا نكون عايزين نسمع كلامهم و رأيهم بالنسبة لتعليم التعليم مش مقتصر على الجامعة أو حتى الثانوية فى كورسات كتير مجانية على نت و ده أظن حد رد إجابة و عارفهم اكتر مني فهيفيدك أحب أقولك لو بدأت فيهم و خلصتهم و اشتغلت بيهم هتحمد ربنا و مش بعيد تتصدق ببيتك للناس لما تشوف إن اللي أتعلم فى جامعة أحلامك فى مستوى أقل من مستواك ساعتها وبس إن شاء الله توصل لمكان يليق بيك و تكون وسط ناس عاقلة و فاهمه متقولش عليك كلام مش فيك .
تم النشر الجمعة، ١٦ يونيو ٢٠٢٣
هحكيلك تجربتي الشخصية مش هقولك حد زميلي انا طول فترتي الدراسية كنت برتب ع الدفعة وكنت متفوق جدا ومعروف بين المدرسين جيت ف تالتة ثانوي عملت الي عليا وذاكرت وكنت بتعب جدا وكنت بطلع دروس برا بلدي ولكن النصيب كان أكبر من جهدي وجبت 60ف المئة طبعا دا ميدخلش حاجة حكومي كنت مسافر برا وتعبت جدا لحد ما خلصت الورق وبعد كدا حصل ظرف مقدرتش اسافر جيت بعد كدا اقدم ع جامعة لقيت أن معظم الجامعات قفلت التقديم قدمت ف جامعة خاصة واتقبلت الحمد لله بقيت ف مستوي احسن من اصحابي الي جابو قمة وتعبت جدا علشان اقدم اصلا ف الجامعة والحمد لله برتب ع الدفعة كل سنة انا ف bis ف عايز اقول ان النجاح مقياسة مش الرقم بتاع الشهادة البني ادم نفسه هو مقياس النجاح انت الي ف ايدك تعمل كل حاجة مدام انت عارف قدرتك وبتقنع نفسك انك تقدر حاول لحد ما تنجح ماتيأسش وبالتوفيق
تم النشر السبت، ١٧ يونيو ٢٠٢٣
هحكيلك بردوه كان ليا زميل ليا فى الثانوى كان مستواه عادى فى اعداد جه فى ثانوى شد حيله وكان بيحب بنت زميلتنا ودخلوا الجامعة سوا وماشاء الله كان بيتقدملها ويترفض عشان لسة صغير ومش مجهز نفسه بقي يشتغل ويحوش ويطلع م الاوائل كل سنة ربنا يبراك للجميع يارب فالدنيا مش سودة زى مانت شايف فكرة انك قولت الكلام دا فانت حاسس بالمسؤلية ودى بداية الطريق اعزم النية وتوكل على الله مافيش حاجة بعيد عن ربنا طول مانت نيتك خير
تم النشر الجمعة، ١٦ يونيو ٢٠٢٣
تانى حاجة انا ليا صديقة فى الجامعة كان والدة مدرس جت فى ثانوى حياتها كانت بايظة يمكن اكتر منك حبة لحد ماشالت المادة بتاعت باباه ومدتين كمان عادت ٣ ث مرة تانية ودخلت الكلية وبقت ماشاء الله ترتب كل سنة لعند مابقت معيدة النجاح مش صعب عموما بس هو الاصرار
تم النشر الجمعة، ١٦ يونيو ٢٠٢٣
الدنيا مبتقفش عند فشل حقيقي انت مش محتاج دروس ومصاريف عشان تعيد تالتة اظن المناهج ثابتة ومتغيرتش يعنى انت درسته مرتينفالتالتة هتكون اسهلك كتير
تم النشر الجمعة، ١٦ يونيو ٢٠٢٣
متحملش وتضغط علي نفسك كتير ..انت صغير في السن وابداء من جديد..اولا لازم تشيل الأفكار السلبيه دى من دماغك وتكون صدقات جديده تكون ايجابيه..أما صاحبك اللي موقفش جنبك ده مش صاحب اصلا..و كويس أنه بعد وانت تبعد عنه..ابحث عن ذاتك وصلي وقرب من ربنا حتلاقيها فرجت بس اسعي انت بس تكون الافضل حتلاقيها انحلت ..دور علي شغل يناسبك وحتلاقي..أما بخصوص الشهاده ولا تشغل بالك محدش عارف يجوز بناته اصلا ولا في جواز في الوقت الحالي
تم النشر الأحد، ١٨ يونيو ٢٠٢٣
اذا اردت التكلم معي لمناقشت الكورسات والمساعده انا في الخدمه وتقدر ترود عليا ونتواصل
تم النشر الجمعة، ١٦ يونيو ٢٠٢٣
رأي الشخصي ده مش فشل ممكن يبقي ليك حاجه تانيه ربنا شايلهالك ثق في قدراتك الي وصلتك لثانويه عامه وقادر تستحمل كل الضغط الي فيه وساكت ده قوه وقدره كبيره علي الصمود حاول تشوف كورسات بشهدات كويسه وكورسات حاجات بتحبها زي برمجه او اي حاجه من المجالات المطلوبه شوف صناعه اتعلمها بجد واتقنها وافتح شروع لنفسك الشهاده الثانويه ملهاش علاقه ب اخلاق وشغف وتربيه الشهاده موقفتش مستقبل احمد حلمي الكومديان المشهور مع انه شال الثانويه العامه تالت مرات ورا بعض مفيش حاجه هتقف علي دي ثق في نفسك وفي ربنا وخاليك عارف ان كل دي تجارب ربنا عايز يشوفك قوي وعلشان تحس ب اختك وبضغطها دلوقتي انت مش وحش او فاشل انت بس متوفقتش وده ممكم يحصل مع ناس كتيره الاهم متتهزمش
تم النشر الجمعة، ١٦ يونيو ٢٠٢٣
لعرض السؤال في فدني اضغط هنا