ساعات الواحد متقابله مواقف كتير في حياته بيكون مثلا يتسرع في الرد او كده فممكن يكون غلطان فهيجي مثلا وقت للاسف او كده ما يرضاش فليه كلمه اسف او الاعتذار على خطا مثلا بيكون تقيل قوي على النفس ويقول مثلا الشخص لا انا مش هتاسف لا كده ما سبب هذا ؟
هناك عدة أسباب لصعوبة الاعتذار عند البعض: 1. الكبرياء وعدم الرغبة في الاعتراف بالخطأ: بعض الأشخاص لديهم كبرياء كبير ويرون أن الاعتذار عن الخطأ يعني الضعف والهزيمة، لذلك يتجنبونه. 2. عدم تحمل مسؤولية الأخطاء: البعض لا يريد أن يتحمل مسؤولية أخطائه ويلقي اللوم على الآخرين، لذا لا يعتذر. 3. الخوف من ردة فعل الآخرين: بعض الأشخاص يخافون من ردة فعل من اعتذروا لهم، خوفاً من أن يتم استغلال ذلك ضدهم، لذلك يتجنبون الاعتذار. 4. عدم إدراك أهمية الاعتذار: البعض لا يدركون أن الاعتذار يمكن أن يحل المشاكل ويرضي الآخرين، ويعتقدون أنه لن يغير شيئاً، لذلك لا يعتذرون. 5. العادات والتربية: بعض الأشخاص تربوا في بيئة لا تشجع على الاعتذار واحترام مشاعر الآخرين، مما يجعل الاعتذار أمراً صعباً بالنسبة لهم.
تم النشر الاثنين، ٣ يوليو ٢٠٢٣
النفس السوية الواعية لا تتكبر عن الاعتذار النفوس اللى عندها افكار غلط هى اللى بتشوف الاعتذار ضعف او دليل على عدم ثقة لذلك بيتهربوا او يتكبروا عن الاعتذار سبب تانى بيكون نوع من الغباء ...بيتمثل فى ان الشخص فاكر نفسه مبيغلطش اصلا
تم النشر الاثنين، ٣ يوليو ٢٠٢٣
من وجهة نظري ان الانسان ده بيكون شايف ان الاعتذار بيقلل من قيمته او بيقلل من موقفه قدام الطرف الآخر و ده ممكن يكون نابع من مشاكل في طفولة بس لازم الانسان ده يقعد مع نفسه و يكتب كل حاجة بيحس بيها لما يتحط في موقف ده هل بيحس باحراج او خوف او عدم ثقة في نفس و يبدأ يعالج الاحسايس دي و يتناقش مع عقله أن الاحاسيس دي غير صحيحة و ان في ناس في حياتنا تستحق اننا نعتذرلها عن الاخطاء الي ارتكبنها في حقهم و ابعد عن اي حد بيطلب منك الاعتذار بعدين لما تعتذرله ميقدرش ده و يضغط عليك و يستخدمها نقطة ضعف عليك و قوة لي
تم النشر الأربعاء، ٥ يوليو ٢٠٢٣
الأسباب كتير، ولكن اهمها الكبر، الشعور بالأنفة وأن الاعتذار اهانة أو امتهان لكرامة الشخص، وخاصة اذا كان هناك جفاء بيننا وبين الطرف المستحق للاعتذار
تم النشر الثلاثاء، ٤ يوليو ٢٠٢٣
معظم الناس بتشوف ان الاعتذار دة زي انكسار او اعلان عن الهزيمة هو سعات بيكون من الاحترام اننا نعتذر عن خطأ عملناه زي خبطنا حد كبير او وقعنا حاجة و جت علي شخص عن طريق الخطا او مثلا غلطت في شخص في وقت غضب الحجات دي واجب علينا نعتذر و الي مش بيعتذر بتكون قلة ذوق منه ولاكن مش طول الوقت نعتذر لان دة هيبين الواحد ضعيف اه لما اغلط لازم اقول انا غلطان و اعتذر لاكن لما اكون مش غلطان او شايف ان فيه حاجة مش مستحقة اني اعتذر يبقي ساعتها ارفض رفض تام و كل شخص يعمل الي يعجبه لاكن هو مش طول الوقت ما نعتذرش ولا طول الوقت نعتذر لاننا م بنعتذر ضعف مننا دة احترام و علي حسب كل موقف ممكن الشخص يرفض انه يعتذر ولازم ننظر للموضوع من وجه تاني لان ممكن يكون الشخص دة هو المظلوم عشان كدة مش عايز يعتذر و دي مش تبقي قلة ذوق او ادب لاكن لما حد يرفض انه يعتذر و هو الغلطان تبقي قلة ادب من الشخص دة و يكون شخص ميستحقش التعامل معاه
تم النشر الثلاثاء، ٤ يوليو ٢٠٢٣
أهلا يا صاحبي، في حاجات كتير بتخلي الواحد يتقفل على نفسه وميعرفش يعتذر. أول حاجة الكبرياء، في ناس بتحس إن الاعتذار ده ضعف وهما مش ضعفاء. تاني حاجة الخوف، في ناس بتخاف تعتذر عشان محدش يستغلها. تالت حاجة مش بيعرفوا أهمية الاعتذار، بيفكروا مش هيغير حاجة. رابع حاجة التربية، في ناس تربت من غير ما حد يعلمها تحترم مشاعر التانيين. خلاصة الكلام ده كله، الاعتذار مهم جدا عشان يخلي العلاقات كويسة. محدش كامل والغلط ممكن يحصل من أي حد. لكن لما بنعتذر بنبان للتاني إننا بنحترمه وبنقدر مشاعره. يا ريت كلنا نتعلم نتقبل أخطائنا ونعتذر عنها.
تم النشر الاثنين، ٣ يوليو ٢٠٢٣
لعرض السؤال في فدني اضغط هنا