حاسه ان جوايا طاقة عياط رهيبه و استسلام لكل حاجة و خوف و قلق مش عارفه ايه مصدره حاولت اقعد مع نفسي كذا مرة و اكتب علشان اشوف مالي و فيا ايه معرفتش بردو...
يمكن علشان في قرار كده بس و متوترة مش عارفه اخده ولا لا بس معتقدش هيسبب ليا حتي اني يبقا جوايا طاقة عياط كده..
كمان حاسه اني نفسي بتهرب من حاجة مش عارفه ايه هي بهرب منها بأن اقعد لوحدي و علي موبايل علي طول...
مش عارفه حتي ارجع روتين يومي طبيعي الي كنت ماشية عليه عندي احساس بأني اقعد لوحدي بس و مع نفسي و علي موبايل و خلاص و دي اكتر حاجة بكرهها كل حاجة بتدمر و نفسيتي بتدمر اكتر لما ببقا يومي كله عبارة عن موبايل و بس و انا اصلا شخص بيكره موبايل جدا بحاول الاقي تفسير و اعرف مالي بس مش عارفه للأسف هل هي ممكن تكون مشاعر مكبوته؟
ممكن حد يساعدني و يفهمني اتعامل مع نفسي ازاي الفترة جايه؟
التقرب من الله سبحانه وتعالى هوا الحل الوحيد هوا الخلاص من كل الهموم
تم النشر الاثنين، ١١ سبتمبر ٢٠٢٣
ياريت تحاولي تفرغي طاقة العياط ديه .. لان مينفعش تبقى مكبوتة بالشكل ده. ولو القرار اللي انتي فيه هو ده سببه ياريت تشاركيه معانا لعل وعسى نساعدك فيه! وياريت بلاش هروب، الهروب مش هيفيد بأي حاجه، الحل علشان تتخلصي من اللي انتي بتمري بيه انك تواجهي، واجهي اللي بيحصل معاكي.
تم النشر الثلاثاء، ١٢ سبتمبر ٢٠٢٣
واضح ان القرار اللى مش عارفه تاخديه قرار هيفرق فى حياتك كتير او لو اخدتيه هيبقى صعب ترجعى لورا و النتايج معجبتكيش مضغوطة من رأيك الشخصى تجاه اراء الاخرين بتضحكى على نفسك كأن الوقت لما يعدى الضغط هيعدى ...وده طبعا مش حقيقى انصحك تصلى وبس ...وعيطى براحتك ...وقولى يارب انا نفذت منى الافكار ...دبرلى امورى
تم النشر الاثنين، ١١ سبتمبر ٢٠٢٣
التقرب من الموبايل بيكون لي اسباب كتيره معرفشي اي سبب تقربك منه بس ممكن يكون زي ما انتي قولتي مشاعر مكتومه او هروب من حاجه مش عاوزا تواجهيه او. تعلم بحد شدك لي دايما عن طريق الموبايل او انك بتلاقي راحتك غي انك تبقي ماسكه دايما وتساب كتيره بس كل دا تقدري تتخطيه تقدري تبعدي عنه هقولك انتي مهما كنتي متعلقه بيه هتقدري تبعدي قربي من ربنا اكتر ازاي يعني ممكن استخدم الموبايل في كدا وكل يوم تاخد قرار بانك تمشي حاجه من الحاجات اللي بتشدك ليه تمحيها نهائي من عليه كل يوم حاجه لانك ممكن لو محيتيهم مره واحده ترجعيهم علي طول تاني وتبدليهم باذكار وادعيه احاديث تنزلي كتب ثقافيه وثقه بالنفس تنزلي مصرف للقراءه وعمري وقت انك تقري كل يوم جزء او اللي تقدري تقريه وتختميه دايما قراءه ادعيلي ربنا كتير وتحافظي علي صلاتك تنامي وقتك كل دا هيساعدك اووي وهتلاقي نتيجه بس المهم تكوني انتي فعلا عاوزا تغيري من نفسك وإنشاءلله هتقدري ادعي كتير ربنا كبير وهيستجيب لدعائك ربنا يفرح قلبك ويبعد عنك كل شر يارب
تم النشر الاثنين، ١١ سبتمبر ٢٠٢٣
الحزن فترة وبتعدي ومفيش مشكلة ناخد وقتنا فيه ، حاولي تشوفي حد متخصص في القرار إللي حابة تاخديه واستعيني بالله واستخيري ، ومتقلقيش من أي نتيجة واي المشكلة حتى لو خدنا قرار غلط دي طبيعية الحياة لعبة Just a game وكله بيعدي ، طول ما الأمر دنيوي ف بسيط أهم حاجه الآخرة
تم النشر الثلاثاء، ١٢ سبتمبر ٢٠٢٣
روحي مكان فادي وصوتي تلعي كل الي جويكي هتكون تحسن رهيب
تم النشر الاثنين، ١١ سبتمبر ٢٠٢٣
لعرض السؤال في فدني اضغط هنا