انا عارفة انه خايف عليا وعاوزني اكون احسن منه واكون متميزة بس مش كل ما انقصفي امتحان من امتحانات الدروس يقعد يسمعني كلام جارح اني فاشلة واني مش هنفع وانه لو كان مكاني كان جاب الدرجات النهائية واني مش بذاكر واني مهملة انا اصلا مضغوطه لوحدي بسبب ان امتحانات الثانوية قربت ورمضان قرب وانا مش لميت المنهج في معظم المواد وعندي مشكلة في الفيزياء والانجليزي وطول الليل بحلم بكوابيس انا مش عارفه ارضي ابويا ازاي او اني احل مشاكل المواد أو مشكلة الكوابيس مش عارفة اعمل اي محتاجه مساعده
اهدي خالص لان توترك وضيقك ده هيعطلك كتير وثقي ف ربنا ومجهودك و انك هتنجحي وتدخلي الكليه الي نفسك فيه وللأسف هو فاكر كده انه بيحمسك مش بيكرهك ولا بيحبطك او مقلل منك بس هو فاكر ان ده اسلوب تحفيز ف اقدر انصحك بنصيحه تفيدك ف مذاكرتك الفتره الجايه وتقلل من ضغطك وتوترك حاولي مع بدايه المذاكره تذاكري ماده واحده بس قدامك مش مواد كتير وكتاب واحد مش كتب كتير وتذاكري بصوت عالي متذاكريش بصمت وحاولي تذاكري عن طريق الشرح انك تشرحي لحد وان بتذاكري عشان تقوي عندك الفهم والتركيز ف يكون النسيان اقل واستخدمي خرايط ذهنيه لتلخيص كل جزء ولخصي الاجزاء المهمه عل هيئه نقط بسيطه سهله الحفظ والفهم وعيدي على نفس المعلومه الي حفظتيها كتير عشان تساعدك على سهوله عمليه الحفظ والتخزين وقسمي الماده اكتر من جزء وكل جزء تخلصيه قومي اتحركي كلي حاجه اشربي حاجه خمس دقايق وارجعي تاني وبعد كل جزء كبير تخلصيه كافئ نفسك بحاجه بتحبيها تحفزك انك تكملي وابعدي عنك اي مشتتات وقت المذاكره الاصوات العاليه والفون والتلفزيون مثلا وبعد كل درس بتروحيه ترجعي تذاكري الدرس لانك لسه سمعيها وتحلي عليه الواجب وتبصي على درس قديم من اول السنه عشان تراجعي وممكن تطلبي من المدرس امتحان ع جزء قديم ف كل متذاكري قديم تمتحني عليه ف نبقي راجعتي وثبتي معاكي المعلومات وخدتي ثقه ف مذاكرتك وان شاءالله هتقدري تنجزي وتلمي المنهج وترجعي اشطر من الاول وتدخلي الكليه الي نفسك فيها
تم النشر الثلاثاء، ١٤ مارس ٢٠٢٣
كويس اوي انك عارفه ان كل اللي بيعمله ده من خوفه عليكي وعايزة احسن حد في الدنيا، واحنا هنلعب على الجزء ده أول حاجة روحي واتكلمي معاه .. قولي له انا عارفه ان حضرتك عايزني اكون مويسة وشاطرة، بس انا مش قادرة اعمل ده لوحدي، لازم حضرتك تساعدني على ده، وللاسف حضرتك بتقول كلام جارح ليا كتير وده بيضغط عليا نفسيا ومش ببقى عارفه ارضي حضرتك ازاي ولا حتى اركز. حاولي توصلي له الكلام ده بشكل هادي ومحترم .. واعملوا اتفاق مع بعض انك هتبزلي كل ما عندك عشان تبقى احسن في كل مرة.
تم النشر الاثنين، ١٣ مارس ٢٠٢٣
آنتي حليتي نص مشكله باستيعابك إنه من خوفه وحبه بس أسلوبه خاطئ.. محتاجه بس تتنفسي وتهدي عشان تتجاهلي كلامه السلبي وتستعيدي حماسك وطاقتك وتشجعي نفسك من تآني وبدلي كل كلامه ده بكلام محفز لنفسك.. وسايسيه وراضيه وطمنيه إنك هتشدي حيلك آكتر وفهميه إنك محتاجه منه يشجعك مش يحبطك وانك نفسك تفرحيه بس بهداوه وإنه كلامه فعلا بيأثر عليكي ولو مستجبش يبقي عملتي إلي عليكي ووضحتيله وبعد كده انسي خالص كلامه وانجحي لنفسك ،، استغلي كلامه ده لصالحك واعندي لمصلحتك إنك قدها عشان تستحقي فرحه نجاح وتعب تلمي المنهج بقي هتلاقي هنا اسئله كتير آوي اجابتها كلها أفكار وخطط للمذاكره ولم منهج بإذن الله يارب بالتوفيق
تم النشر الاثنين، ١٣ مارس ٢٠٢٣
انا حاسس بيكِ، كُنت في مكانك يوما ما، مش وقت اني اتكلم علي والدك اكتر ما هتكلم معاك عنك، انت في مرحلة مهمة مش مصيرية زي ما بيقولولك، بعيدا عن كُل شىء في الفترة .ي لازم يكون تركيزك مُنصب انك تنجزي ما وراءك علي اكمل وجهه واحسن طريقة لجل لما تيجي المراجعه تكون الأجزاء المُتساقط قليلة ويسهل لملمتها، اعلم ان كُل هذا ليس إجابة لما تريدين. من هنا تبدأ فكرة اني ارضي والدي كانت صعبة جدا بس مش مستحيلة، الفكرة كلها كانت سنتين مذاكرة ثانوية عامة ومجموع جامد جدا وان يشوفك بتتغبي دول كفاية يرضوة جدا جدا ومش هنتكلم تاني معاك. انت: طيب اعمل اي الفترة دي علشان يخف كلام جارح وانا ما انت قولت انا في فترة حساسة ..؟ بكل بساطة الاستعانة بصديق، كانت أول محاولاتي مع والدي والحمدلله نجحت، أقرب حد لوالدي وعارفك وشايف اللي انت فية يتكلم معاة مش انت اللي تتكلمي معاة لان ممكن يشوفها انك بتقولية ازاي يتعامل معاك والخ من الأفكار الخاطئة، اللي عايز اقول شخص قريب من والدك يتكلم معاة بدون ما يبين انك اتكلمتي معاة علي والدك واللي بيعملو معاك. ودي ليك بقي مني : بعد كل امتحان كنت ارجع لوالدي او والدتي اقولهم الكام درجه اللي نقلتهم دول اوعدكم مش هيكون بنفس الكم المرة الجاية مع ابتسامه خفيفة منك وكل شىء يكون علي ما يرام بإذن اللة. وحصل وعدي ليهم كان بيخليني حريص ونركز تركيز تام في امتحاناتي + كمان كنت بكتب الأسئلة اللي غلطت فيها وتخيليِ اجي 8 اسئله من الأسئلة اللي غلطت فيها في الامتحانات الجزئية علي مدار السنة والحمدلله حليتهم صح اعملي كدا وبأذن الله يوفقك الله. السعي وراء رضى والديك امر نبيل ولكن والديك بشر ومن نقصنا كبشر الرضي ليس مُتاح لنا جميعا بل هو موزع بنسب متفاوتة بيننا ويختلف المجهود المطلوب بذلة لإرضاء شخص لآخر، كل ما عليك ارضاء ذاتك وتعلم بعض الكلمات التي تعينك علي ارضاء والديك مع المجهود طبعآ.
تم النشر الاثنين، ١٣ مارس ٢٠٢٣
اضغطي نفسك أد ما تقدري ف المذاكره وخصوصاً الفتره الأخيره دي لأن هي دي أهم فتره ف الثانوية كلها والله وأهم من ده كله أوعي تبوظي علاقتك بربنا طول الفتره دي وحاولي أد ما تقدري تحلي كتير جداً جداً حتي لو هتقعدي م الدروس وتحلي مع مدرسين أونلاين بس أهم حاجه حلي ؛ ومتزعليش من والدك هو علشان طالع عينه علشان المصاريف فا نفسه يشوفك حاجه كبيره وصدقيني بصي للتعب اللي هو فيه وحاولي تقدريه بس بمذاكرتك
تم النشر الثلاثاء، ١٤ مارس ٢٠٢٣
لعرض السؤال في فدني اضغط هنا