انا بتعرض لمشاكل كتير واي حاجه خير بعملها بتتقلب عليا بشر ودائما مصدقه معايا وانا الحمد لله بصلي وبقرا الاذكار وبقرا سورة البقره يوميا بس فعلا بيحصلي مشاكل كتيره ومافيش حاجه يتمناها وتحصل الفكره أن عاوزه اوصل بنفسي للرضا ارضي بنصيبي وابقي مرتاحه
فعلا نفسي ابقي مرتاحه
شوفي انا هقولك ترضي ازاي أولا الرضا بالمقسوم إنك تعرفي إن لو عاوزه حاجة وربنا مش كاتبها .. لو طيرتي مش هتبقى ليكي، ولو مش عاوزه حاجة وربنا كاتبها لكي برضو هتجيلك حتى لو عملتي ايه،، فيبقى القلق او التفكير او عدم الرضا ملوش مجال هنا ومش هيغير حاجة لأنك ببساطة تحت مشيئة وإرادة الله عز وجل،، واعرفي ان لما ربنا يكتبلك او يمنعك من شيء فهو خير طبعا وربنا اعلم بينا وبحالنا وإن كان الواحد بيثق في اختيارات ابوه وامه ما بالك بربنا؟!،،،، اما الخير اللي بيتقلب شر فانتي يا بشمهندسة أخطأتي! الخير متقلبش شر ولكن الخير قبله الله منك بنيتك الصافية ويرده لك خيرا وإنما البشر من ردوا بالسوء على الإحسان، ولما نعرف ان ربنا عاين لنا حقنا نهتم بقا بردود فعل البشر ليه؟؟؟!،، وأما المشاكل فعلى فكرة كل ما هتقربي من ربنا كل ما هيبتليكي اكثر..لو الواحد ربنا مبتلاهوش يقلق لان ربنا مش رايد له الخير،، الابتلاء خير هو صعب لكن الصعب جزاؤه اكبر..حافظي دايما على جملة (أستغفر،الحمد لله) مع بعض قولي الجملة كلها كتير زي التسبيح فإما انتي عندك نقمة بسبب ذنب فتستغفري منها وإما عندك نعمة فتحمدي ربنا عليها.
تم النشر الأربعاء، ١١ يناير ٢٠٢٣
ممكن نعرف تفاصيل اكتر .. علشان نقدر نساعدك! ممكن أسالك تفكيرك في الشئ ده بيبقى ازاي؟ كيف تفكري بالاشياء ؟ وكيف تنظرين إليها؟
تم النشر الأحد، ٨ يناير ٢٠٢٣
لعرض السؤال في فدني اضغط هنا