السلام عليكم و رحمه الله
انا كنت بصلى و بتوضى عادى بس من فترة بقيت اقول لا انا مصلتش صح انا متوضتش صح و كدا و حاولت اتغلب على الموضوع ده بس لسه لما باجى اتوضى بقعد تقريبا نص ساعة و لما بغسل ايدى او رجلى مثلا بقول اصل المياه موصلتش هنا و افضل اغسل فيها كتير و تعبت بصراحة من الموضوع دا و عايزة حل
دي وساوس من الشيطان بس لو جت لك الافكار دي تاني قولي انا مهما عملت مش هوصل لدرجة الكمال في علاقتي مع ربنا تصالحي مع طبيعة البشر الخطاءة لان احنا بنعبد الله علي قدر استطاعتنا احنا لو قعدنا نعبده ليل نهار مش هنوفي له حقه حطي الافكار دي في دماغك كمان اضحكي علي الشيطان وقولي أذكار بعد الصلاة علشان لو فيه خلل في الصلاة وده طبيعي استغفري ربنا عليه احمدي ربنا علي نعمة انك حاسة بالتقصير وانك عايزة تعبديه صح لانك لو حسيتي بإنك ممتازة في الوضوء والصلاة وانك محصلتيش ساعتها هتتغري بالعبادة ربنا يبعد عننا ده
تم النشر الجمعة، ١٤ مارس ٢٠٢٥
وعليكُم السَّلامُ ورحمةُ اللَّه وبركاتُه الشك " الشك " وركزي كويس إنت شاكة مش متأكدة الشك بعد العباده مش بتاخدي بيه تمـام... موضوع الوسواس الحل إنك متستجبيش له يعمثلا شكيتي انك ممسحتيش على شعرك لاء انتي مسحتي انتهى... المطلوب منك بس إنك تركزي وتتوضي على مهلِك خالص وتتجاهلي اي صوت يجيلك بعد العباده... من الحجات اللي هتريحك وتسهل عليكِي الدُنيت انك تعرفي أركان الوضوء و إيه الفرض و إيه السنَّة وكده هترتاحي اوي بإذن الله وربّ يصلحلك حالك
تم النشر الخميس، ١٣ مارس ٢٠٢٥
عليكم السلام ورحمة الله وبركاته اللي إنتي فيه ده من الشيطان بس الحل بسيط إتوضي مره واحده بس وتجاهلي أي أفكار تجيلك حتي لو حسيتي إنك ماتوضتيش كويس ما تعديش الوضوء تاني وكذالك الصلاه ماتعديهاش صليها مره واحده بس وحطي في دماغلك إن ده من الشيطان فماتلتفتيش ليه.
تم النشر الخميس، ١٣ مارس ٢٠٢٥
وعليكم السلام ورحمة الله وبركاته. أختي الكريمة، أشعر بقلقك ومعاناتك مع وساوس الوضوء والصلاة. هذه الحالة تعتبر تحديًا يواجهه الكثير من الناس، ومن المهم أن نتعامل معها بحكمة وصبر. أولاً، يجب أن تتذكري أن الوضوء والصلاة شرعيا ميسرَان، وقد قال الله تعالى: "وما جعل عليكم في الدين من حرج" (الحج: 78). وهذا يعني أن الله سبحانه وتعالى لا يود لنا أن نفرط في عبادتنا بسبب الوساوس. إليك بعض الخطوات العملية التي يمكن أن تساعدك في تجاوز هذه الوساوس: تحديد زمان للوضوء : حاولي تحديد وقت معقول للوضوء، لا يتجاوز 5 إلى 10 دقائق. يمكنك استخدام مؤقت لتذكير نفسك بالوقت. الوضوء بنية واحدة : تأكدي من بدأ الوضوء بنية واحدة وركزي في كل خطوة تقومين بها. قد يساعدك ذلك في تقليل التفكير الزائد. خلاصات من العلماء : اقرئي أو استمعي إلى فتاوى العلماء حول الوضوء والصلاة، فقد يساعدك ذلك على فهم أهمية البساطة في الأمور الشرعية. التقليل من الوساوس : عندما تشعرين بتلك الوساوس، قولي لنفسك "لقد توضأت وصليت كما أمرني الله، وأنا أستطيع أن أؤدي عبادتي ببساطة". دعم نفسي : تذكري أن هذه الوساوس هي نوع من اختبار الإيمان، وثقي أن التجاوز عنها يقوي إيمانك ويزيد من صبرك. الاستشارة : إذا استمرت الحالة، فمن الجيد التحدث مع مختص نفسي أو إمام موثوق للتوجيه والدعم. أخيرًا، تذكري أن العبادة عبادة لله وحده، وكوني صادقة مع نفسك ومع الله في نيتك وعبادتك. أسأل الله أن ييسر لك أمرك ويمنحك الطمأنينة.
تم النشر الخميس، ١٣ مارس ٢٠٢٥
لعرض السؤال في فدني اضغط هنا