السلام عليكم
انا عندي 17سنة
عندي اصحابي من زمان بنخرج مع بعض وبنتكلم وعلاقتنا كويسة وهم محترمين ومتدينين
بس فيهم واحد دايما عايز يلفت النظر وبيعمل اي دور عشان الناس تتكلم عليه او يبقى محور الحوار ودايما عاش في دور الكاريزما ويقعد يألف قصص هو قايلنا اصلا انها مش حقيقية وطبعا في من صحابي دول بيتكلموا معاه في الوهم اللي هو بيتكلم فيه
هو اقل واحد صاحبي فيهم ولما بيعمل كدا معايا باخد الموضوع بهزار او بتجاهله بس مش كتير
بس لو انا عملت حاجة مميزة مثلا في المذاكرة او الكورة او اي حاجة بنعملها بيقلل منها ومني ولو بتكلم مثلا ممكن يقولي اخرس او يعمل حاجة تشد الانتباه له.
مع اني بعامله كويس وعلى طول انا اكتر واحد بساعده واشجعه وممكن اديه فلوس من عندي طبعاً باذن ابويا
ورغم دع بيعاملني ببرود
انا مش عارف دلوقتي هل اتجنبه ومخرجش خروجة هو فيها ولا اعمل ايه عشان اصحابي التانيين متمسكين بيه وهو بيعاملهم كويس عشان هم اقربله وعشان طبعا بيعاملوه بالطريقة اللي هو عايزها واللي انا رافضها الصراحة
تنصحوني اعمل ايه ؟
وعليكم السلام طيب يعني بما انكم اصدقاء من زمان يعني ممكن يكون الموضوع ده جديد شويه على صحتكم ده ويكون بدا حاسس ان هو مش مميز زي ما انتم مميزين فممكن يكون الموضوع ده معك انت اكتر من الاتنين اصحابكم التانيين فلذلك هو بيحاول يظهر ان هو مميز وده اللي بيخليه معك انت بالذات يعني بيحس بنوع مثلا او الغبطه فمعلش انتم تعذروا في الموضوع ده يعني ما تنفرش منه قوي كده ولا ما تتعاملش طبعا بطريقه هي الملك مش مناسبه ولكن ابدا كده امدح في مميزاته بس الحقيقيه مش اللي هي القصص من غير حقيقيه خليك في القصص او حاجات الحقيقيه وابدا اوري له ان انت عندك مميزات وما تحاولش تخ. ترع حاجات مش عندك مش محتاج ده شوفي الحاجات اللي عندك وانت امتى اساعده فيها وقل لي صحابك التانيه انتم تساعدوه في الحاجات اللي موجوده عنده عشان يتميز بها اكثر او يحسنها وتبقى حاجه فعلا يتكلم عنها ما يتكلم عن حاجات مش حقيقيه اعتقد دي هتبقى احسن بكتير من انك تشوف والله يتعامل معاه ولا ما تعملش معه همم خليكم صاحبه طيبه مع بعض على الخير ولو اي حد يعني. شويه وظهر في شخصيته تقلبات في اتجاه مش صح انتم تاخدوا بالكم منه وتحوطوا لانه من اهم الحاجات في حياه البني ادم هي الصحبه الصالحه فتقوم انتم كويسين مع بعض خليكم مع بعض وبطلعه ولا انت تاخده بعدك وتمشي صحاب.
تم النشر الجمعة، ١٩ أبريل ٢٠٢٤
انصحة وتكلم معاه وفهمو ان دة هايخسرو الى حواليه بيبقى دايما فى اشخاص تحب تبان ان هى المميزة ومفيش منها اتنين ومتحبش حد تانى يظهر لازم وجودهم هو إلى ياخد الوجها بس دة غلط بطريقتو ممكن يخسر ناس حوليه وللاسف تلاقيهم بيقولو كلام على اى حد ظهر يكره الناس فيه علشان يظهر هو بالنسبة ليك اتعامل معاه ولا كأنو بيعمل حاجة لانى ده بيكون عامل زى المرض بس دة ميأثرش عليك هو يحاول يداري عليك علشان يظهر انت برضو اعمل وطور من نفسك وخدو على قد عقلولقيت ده هايأثر عليك يبقى الأفضل انك تبعد عنو
تم النشر الجمعة، ١٩ أبريل ٢٠٢٤
الأصل أن تنصحه وتبين له فإن لم يستجب وعادت مصاحبته بضرر في دينك أو نفسك فالهجر والابتعاد اولى قال ابن عبد البر رحمه الله: أجمعوا على أنه يجوز الهجر فوق ثلاث، لمن كانت مكالمته تجلب نقصا على المخاطب في دينه، أو مضرة تحصل عليه في نفسه، أو ديناه فرب هجر جميل خير من مخالطة مؤذية. ولكن احرص على ألا يدخل الأمر في حيز الهجر التام بل يمكنك أن تكتفي إذا لقيته بالسلام عليه ونحو ذلك من المعاملة المحدودة دون اختلاط به.
تم النشر الجمعة، ١٩ أبريل ٢٠٢٤
اتجنبه طبعاً عشان دا شخص عنده نقص في نفسه ف بيحاول يعوضه بالأدوار اللي بيعملها دي تعاملك معاه هيبقي عامل اي وخلاص لكن متخليش في مجال للكلام بينكوا
تم النشر السبت، ٢٠ أبريل ٢٠٢٤
انصحك انك خلي عندك ثقه في نفسك وكويس انك عارف انه غلط ان الشخص يتباهي بحاجات وهميه بس متدخلش معاه في صدام هو حر في تصرفاته طالما مش بتاذيك لاكن لو قلل منك متردش عليه وكمل كلامك وتجاهله خالص كانه مش معاكو في الخروجه حتي لو قلل منك كانه معملش حاجه واديله رد فعل عكس توقعه يعني بيقلل منك عشان يضايقك انت ابتسم ابتسامه حد واثق من نفسك وان كلامه ماثرش فيك اصلا
تم النشر الجمعة، ١٩ أبريل ٢٠٢٤
لعرض السؤال في فدني اضغط هنا