بخش في حوارات كتير كل يوم وانا مستقم حمدلله ومبتلي في ديني اهلي بيخافو ادخل في تطرف وكده وهم ينصحوني فبيقع مني اوراد كتيرة من عبادتي انا مثلا بصلي الفجر في مسجد اهلي بيقولو لي اصلي في بيت لأن جو بارد طيب انا معايا لبس حمدلله واقدر البس لبس يدفيني يعني مليش عذر بقو بيعملوا معايا حاجات غريبة صراحة انا بقيت اخفي اعمال عبادتي واورادي خوفا انهم يمنعوني نظرة ناس ليا بقت غريبة اوي انا بعمل منبه كل يوم عشان اصحي صبح اصلي القيام واصلي الفجر امي بتصحي لي مخصوص عشان تقفل منبه ومصليش وانا مش عايز كده خالص عشان انا كده ببعد عن طريق الهداية واني ابقا من أولياء الله صالحين انا بقيت لما اقرأ قرآن أو اصلي في ليل بقفل علي نفسي أوضة انا يمكن الي بقوله كلام غريب بس انا بقالي شهرين كاملين بصلي قيام وبقول اورادي وأذكار ومحدش يعرف اهل امي بيتريقوا عليا وبيبعدوني عن طريق الهداية وشغفي في دين ان اخدم دين ربنا وافوز بالفوز العظيم واكون من أولياء الله صالحين كل ده اهل امي بيعدوني عنه وهما اصلا مش بيصلوا ازاي اتصرف لما يحاولوا يبعدني عن طريق الاستقامة وشغفي في دين؟
تتصرف إنك تذكر نفسك دائماً لاطاعة لمخلوق في معصية الخالق حتي لو أهلك بحجه الخوف تجتهد في عبادتك وتنصح أهلك بالحسني وأن التزامك لايعني أنك متطرف لا ده طاعه لله عز وجل احنا مخلوقين للعباده والعمل زائد لا تهتم لنظره الناس طالما بتطيع رب الناس أنت صح وكمل ربنا يثبتك علي طاعته ويهدي والديك يارب
تم النشر السبت، ٣ فبراير ٢٠٢٤
بص اولا مفيش حاجه اسمها مبتلي ف ديني و كويس عارف ان اهلك بيعاملوك كدا بسبب خوفهم عليك حتي لو دا غلط الخوف ميفرقش بين الصح و الغلط ف انت متدخلش ف صراع معاهم لانك بالتاكيد هتخصر ف حرب مع اهلك انت ف غني عنها حاول تتفهم كلامهم اكتر ما تحاول تقنعهم بوجه نظرك بمعني طمنهم عليك علشان يحسو بالامان و الخوف ينتهي لو قفلو المنبه خلي عقلك يصحيك نام بدري هتصحي بدري و انت نيتك صافيه و جميله جدا بجد. برافو عليك و علي شجاعتك ف اختيارك الطريق دا طريق الصالحين بس في نقطه حابه اوضحهالك ان الاصلاح مش بس صلاه و صوم الصلاح افتكر دايما ان الابتسامه صدقه اماطه الاذي عن الطريق صدقه انك تعدل بين اتنين صدقه انك تساعد والدك ف الشغل صدقه انك تقول كلمه حلوي لامك تسعد قلبها ابتسم دايما خلي اصلاحك ف تصرفاتك لقيت مكان مش مرتب رتبه لقيت مشكله محتاجه تتحل بهدوء و عدل مفيش مانع انك تساعد السيده عائشه لما سالت عن رسول الله قالت كان قرأن يمشي علي الارض مقلتش كان حافظ القران او كان بيصلي كتير ولا بيصوم بذياده الدين معامله خلي كل اللي يشوف تصرفاتك يتعلم منك ومن اتزان كلامك واسلوبك الراقي متبقاش نسخه ما يسمو برجل دين تكون بس منظر خارجي و قال الله و قال الرسول وانت داخليا مش عايش الاسلام الحقيقي اي السلام الداخلي و التسليم لقدر الله اتاقلم ف اي وضع تتحط فيه و تاكد انك ف المكان المناسب و الوقت المناسب ورسالتي دي وصلتك ف الوقت المناسب علشان توضحلك شئ ما هيغيرلك مجري حياتك ياريت ترجع تقرا الرساله كذا مره علشان تستوعب انا نيتي اوصلك اي متنساش ربي شايفك و هو معاك دايما
تم النشر الجمعة، ٢ فبراير ٢٠٢٤
الحمد للّه رب العالمين، والصلاة والسلام على أشرف الأنبياء والمرسلين، نبيّنا محمد وعلى آله وصحبه أجمعين، ومن تبعهم بإحسان إلى يوم الدين. اعلم يا اخي ان كل ما تتعرض له الان ستُثاب عليه في الاخرة. ﴿ وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ﴾ اخلص النيه لله و لا تلتفت لكلام اهل والدتك او كلام اهلك فالطاعه انما هي فالمعروف. و حاول ان تنصح اهلك بالصلاه فتركها كبيره من اعظم الكبائر و تاركها وعده الله بالعذاب. و للأسف التبس اليوم علي الناس التطرف بالالتزام. فأصبح كون الشخص ملتحي او مصلي للفرائض فالمسجد او كونه شخص غيور علي اهله و نساءه او عدم استماعه للموسيقي او مشاهدته للمحرمات جزءاً من التطرف وليس الالتزام وهذا كله بسبب الاعلام و الصوره المشوهه المنتشره للشيوخ والملتزمين وللأسلام. استعن بالله ولا تعجز واعلم ان الصحابه تعرضوا لما هو اسوء وتمسكوا بالدين. اسأل الله ان يعينك علي ما انت فيه. استمر في دعوتهم وتحذيرهم من ترك الصلاه و قم بتشغيل القرأن في المنزل وارقي نفسك يومياً او كل فتره. وبارك الله فيك
تم النشر الجمعة، ٢ فبراير ٢٠٢٤
هذه المعاناة لوحدها ستأخذ عليها أجر
تم النشر الجمعة، ٢ فبراير ٢٠٢٤
لعرض السؤال في فدني اضغط هنا