بدأت اتعرف على شاب ، حبتى على خد كلامه ، وطلب أننا نتعرف ونعرف بعض عن طريق الفون واكلمه فيديو واصورله نفسى كل يوم سيلفى ، عشان بوحشه وحاطط دا شرط تعرفنا وأننا نكمل أو لا فى الاول كنت أرفض يحاول كتير حاليا شكله زهق أو فى حد تانى والحالتين انا منفذتش حاجه من الكلام دا ، وقالى خلاص بلاش أحسن ، قولتله تمام بلاش وانا مش متعوده اعمل كده اصلا ومش هعمل حاجه مش مقتنعه اصلا أنها صح
ايوة طبعا اتخدعتي والعلاقة بينكم اول التعارف كلها هراء في هراء ليس عالاقل علاقة زمالة او صداقة حتى واتتي بتوهمي نفسك انك هيبقى عندك حبيب لانك فارغة عاطفيا بيضحك عليكي وانتي تقريبا عاوزة تتحبي وخلاص هو شايفك مجرد نزوة لا اكثر نصيحة ابعدي عن الشباب والتعامل معهم لانهم ممكن يودوكي لطريق لا تحمد عقباه
تم النشر الأربعاء، ١٢ يوليو ٢٠٢٣
ده انتي تحمدي ربنا انك ع مبدأك يابنتي و انك. معملتيش كده.. ده ستر من الله عز وجل.. ودعاء اهلك ليكي... بصي ياجميله♥✨ الحرام ربنا مش بيبارك فيه وبيبقي تقيل ع القلب انتي من البدايه غلط.. ليه اصلا تتعرفي ع حد وييقي بينكم كلام تحت مسمي (الحب) و ده كذب اصلا.. ف الاخر انتي نذوه و يوم م هيدور هيدور ع المحترمه اللي هو فاكر انها مكلمتش غيره.. بس و ما ربك بظلام للعبيد🤍 و بصي لاهلك.. ميستاهلوش منك كده ولا راسهم تتحط ف الارض بسبب موضوع ف الاساس حرام وتافه والله استني رزقك ونصيبك اللي ربنا شايلهولك.. عززي نفسك وكرامتك.. انتي غاليه وعاليه بلاش تنزلي من نفسك لمجرد موضه جديده منتشره عفانا الله حاجه اخيره.. الحاجه اللي متتعملش ف النور ف تبقي غلط يعني طول م انتي بتداري يبقي غلط سواء الموضضوع ده او غيره شوفي بتخافي ازاي وبتكلميه لما اهلك يكونوا مش موجودين وكل الكلام اللي معروف ده.. و للاسف منعرفش ان ربنا شايفنا و معانا (يستخفون من الناس ولا يستخفون من الله و هو معهم) ربنا يهديكي ويكتبلك الخير يارب
تم النشر الخميس، ١٣ يوليو ٢٠٢٣
بصي كنت حاطه ايدي على قلبي انك تكملي وتقولي انك سمعتي كلام ومش عارفه تتصرفي الحمد لله الحمد لله انك ما عملتيش كده وبعدتي عن الموضوع ده المهم بعد ما انا هسقف لك على انك ما سمعتيش كلامه اكيد لازم ازعق لك طبعا واقول لك ان اللي انت عملتيه ده غلط ان اصلا الدين بتاعنا قال لنا ما نتحدثش مع الرجال لغير الضروره قولي لي دلوقتي انت تحدثتي معاه لغير الضروره ليه يا حبيبه قلبي مش ربنا قال لنا نقعد في بيتنا معززين مكرمين والشخص اللي عايز يتقدم لنا ده يكون شخص محترم كويس جاي علشان احنا متربيين وعلشان احنا بنات كويسين مش عشان لا شكلنا ولا فلوسنا ولا اي حاجه ليه ما سمعتيش كلام ربنا ما كنتيش اصلا وقعتي في الموضوع ده من الاول حاولي تقربي من ربنا اكثر وتقوي علاقتك بيه هينجدك من كل الكلام ده
تم النشر الخميس، ١٣ يوليو ٢٠٢٣
شوفي يا أخت! أي شاب يطلب من البنت صور لها؛ فهذا يدلّ على سوء نيّته، ولا يريد الزواج ولّا يحزنون! وكي نُحسن الظنّ به: قولي لهذا الشاب: إذا كنت تريد الزواج مني، فتقدّم إلى أهلي؛ فإن وافق فبها ونعمت، وإلّا فاقطعي علاقتك به ولّا كرامة. فهناك شباب لا يهمه إلا قضاء شهوته، ثم يرمي بالضحية في بحار من الآلام والحسرات. وأنا أتكلّم عن واقع، لا عن خيال؛ والواقع خير شاهد!
تم النشر الخميس، ١٣ يوليو ٢٠٢٣
مبيحبكيش هو عايز حاجات مش كويسة وبس وبيجر رجلك لو كملتي هتكوني بتجني علي نفسك
تم النشر الخميس، ١٣ يوليو ٢٠٢٣
من رأيي بلاش تدخلي اي ارتباط خالص كله من برا بيبان حلو انك تستني نصيبك يجيلك في الحلال احسن مليون مره هتستنزفي طاقتك علي الفاضي
تم النشر الخميس، ١٣ يوليو ٢٠٢٣
انتي صح اوعي تبعتيله حاجة ابدا و اقطعي اتصالك بيه لأن دا حرام أصلا مينفعش
تم النشر الجمعة، ١٤ يوليو ٢٠٢٣
انتي صح جدا .. وجدعة انك مبعتيش له اي حاجه .. ده ولا حب ولا اي حاجه ده بيتسلي واللي بيقول بيحبك لازم يجي البيت من بابه مش من الفديو
تم النشر الجمعة، ١٤ يوليو ٢٠٢٣
ولا حب ولا بتاع عيل وبيلعب وانتى صح ومتتعرفيش على عيال تانى مهما كان
تم النشر الخميس، ١٣ يوليو ٢٠٢٣
خافى الله عز وجل
تم النشر الأربعاء، ١٢ يوليو ٢٠٢٣
تقريبا هي عارفة انه بيضحك عليها بس عاوزة اهتمام من اي حد وغالبا هي سن مراهقة والسن دا خطير جدا
تم النشر الأربعاء، ١٢ يوليو ٢٠٢٣
صح جدا كملي علي كده
تم النشر السبت، ١٥ يوليو ٢٠٢٣
عملتِ الصح، بس لتكوني تمام أكتر تذكري إنه مجرد الحكي معه بلا ضرورة حرام، وابعدي عن أيّ علاقة بتغضِب ربنا، الله يرضى عنك 🤍
تم النشر السبت، ١٥ يوليو ٢٠٢٣
أنا سعيدة أنك لم تنفذي طلبات الشاب. من المهم أن تضع حدودًا لأولئك الذين يحاولون التلاعب بك أو التحكم فيك.
تم النشر الخميس، ١٣ يوليو ٢٠٢٣
انتي صح و اللي زيه ميستاهلش تفافتك.
تم النشر الخميس، ١٣ يوليو ٢٠٢٣
طب مانتي عملتي اللي انتي مقتنعة بيه ؟ فين المشكلة ؟ احساس بالذنب مثلا ؟
تم النشر الأربعاء، ١٢ يوليو ٢٠٢٣
لعرض السؤال في فدني اضغط هنا