أنا عندي مشكله اني دايما متردده في كل قرار دا كمان بيخلني معنديش شخصيه قويه واهلي مافيش اي حاجه بتيجي منهم منفصلين وانا لوحدي معنديش اخوات وكل حد فيهم بيص لنفسه محدش حاسس بيا يبقا همي الاول والاخير أن حد يسمعني ويفهمني بس مش بلاقي الفكره أن بقالي فتره مكتئبه ومش عايزه اتكلم مع حد مع اني شخصيه اجتماعيه جدا وبحب اتكلم واهزر ف فعلا تعبت من الحياه الوحده دي و أنا معنديش لا اب ولا أم خايفين عليا أو بيسمعو وتعبت من كلامهم اللي بيحرجني اللي محسسني اني فاشله مش بنفع في حاجه
كل الناس عندها مشاكل و بتختلف كل مشكله و كلها تنفع تتحل بس الفرق بين اللي بيقف قدام مشكلتو بكل صبر و قوه و اللي بيستسلم و نفسيتو تدمر طالما انتي اجتماعيه اتعرفي ع ناس كويسه تعرف دينها و صُحبه صالحه تقدري تحكيلها ع اللي جواكي و جربي بردو تكلمي مامتك تاني ف انك ملكيش ذنب ف اللي بيحصل و احكيلها اللي جواكي يمكن تسمعك و متتردديش ف قراراتك لما تقرري حاجه فكر قبلها ان كانت حرام او عيب و لو الأجابه ب لاء اعمليها و توكلي ع الله أو الأحلى صلي استخاره هتحددلك قرارات كويسه و اصبري يمكن ف المستقبل كل حاجه تتغير الله أعلم بردو يمكن يكون امتحان من ربنا بيختبر صبرك احمديه ع كل حاجه حتى لو مصيبه قولي الحمد لله ع كل حال و الحمد لله ع نعمه الأسلام و متفضليش تفكري ف كل اللي بيحصل ف البيت خلي عندك لا مبالاه ب اللي بيحصل اه انتي عايشه ف دا بس انتي ممكن تغيري و لو شويه من اللي بيحصل عن طريق انك تنزلي و تشتركي ف جيم او حاجه تنمي بيها موهبتك تضيع تفكيرك ف المشاكل و تخرجك من المود
تم النشر السبت، ١٧ فبراير ٢٠٢٤
المشكله اني معنديش ثقه في نفسي مش بحب اكلم عني خالص دي مشكلتي
تم النشر الأربعاء، ١٤ فبراير ٢٠٢٤
عرفه مين اكتر واحد هيسعدك وهيسندك لو الكل سبوكي ، عرفه مين اكتر واحد ديما معاكي بعد ربنا وعمره ماهيسيبك وكل ما تقويه هيقويكي ، "نفسك" اه نفسك، يسلام لو حبيتي نفسك وقوتيها ومفيش حاجه تقويها اكتر من الظروف الوحشه. مثلا محدش بيهتم بيا طيب متهتمي بنفسك اتعلمي متحتجيش لحد وصدقيني لما تحبي نفسك وتسنديها هتطلعي من الفتره دي وحده قويه جدا وصلبه لو اي حصل في ثقه في نفسك وبردو حولي تصحبي وحده تكون شبهك تسنديها وتسندك. انا مش مختص بس حبيت افيدك بتجربتي واسف على الاطاله
تم النشر الأربعاء، ١٤ فبراير ٢٠٢٤
اقرئي كتير دا هيطور من نفسك بردو ، اعتبري نفسك في رحله لبناء شخص جديد شخص اقوي تمام
تم النشر الأربعاء، ١٤ فبراير ٢٠٢٤
اصدي انك مع الوقت الي هتفهمي فيه نفسك هتلاقي نفسك تلقائيا اقوي، ديما فكري قبل ما تتكلمي ادام اي حد اياً كان عشان تقل اخطئك
تم النشر الأربعاء، ١٤ فبراير ٢٠٢٤
بقولك اي انا معرفتش حد ثقتو كانت مهزوزه اكتر مني بس دا كان زمان،الناس بتقول الي بيكلم نفسو مجنون والي بيعد مع نفسو كتير بيبقي مكتئب، والعكس صحيح دول المفتاح اعدي مع نفسك كتير منها تبعدي عن المشاكل وتفهمي نفسك ، كلميها افهمي اي الي بيخوف ، اتخيلي المواقف الي بتهز ثقتك واتخيلي الرد الي هتقوليه
تم النشر الأربعاء، ١٤ فبراير ٢٠٢٤
لعرض السؤال في فدني اضغط هنا