انا بصلي دائما ومبعملش حاجة حرام رغم دا حياتي متلغبطة ومفيش حاجة بتمشي عدل ومقفلة من كل النواحي بقالها فترة كبيرة وفي ناحية تانية ناس لا عمرهم صلوا وبيعملو كل حاجة حرام وحياتهم فل
مرحبًا، إن شاء الله ربنا يسهل كل أمورك وحياتك للأفضل. بالنسبة لرأيي فلا أعتقد إن المفروض إني أربط بين كوني أؤدي الصلاة والفروض التي أمر الله بها وأبتعد عما نهى عنه وكون حياتي لا تسير على الوجه المطلوب أو هناك مشاكل أو ابتلاءات. المفترض أننا لا نعبد الله على حرف... يعني أنا أصلي وأصوم حتى يعطيني الله كل ما أريده وعندما لا يعطيني أتوقف أو أقول لماذا لا يعطيني رغم أني أطيعه. نحن نصلي ونطيع الله لأن هذا ما فرضه الله علينا لعبادته لكن في نفس الوقت نقوم بما علينا في الدنيا ونسعى في طلب الرزق ونجتهد ونحن نطلب هداية الله وتوفيقه وأن نضع في يقيننا أن الله سيبارك لنا ويوفقنا وأنه وعد أن يجعل مخرجًا لمن يتقه. لنقل مثلا طالب يصلي ويصوم ويطيع الله في كل شيء لكنه لا يذاكر ولا يقوم بما يُفترض به فعله لينجح في الامتحان وطالب آخر لا يصلي ويفعل الحرام لكنه يذاكر ويجتهد... هل إذا فشل الأول نقول كيف حدث هذا وهو يصلي ونجح الآخر وهو يعصي الله؟ ما أريد قوله هو أن عليك أن تجتهد في عبادتك وطاعتك لله لأنه حق الله عليك وفي النهاية أنت المستفيد أيضًا وفي نفس الوقت ترى ما الأسباب التي تتسبب في تعثر حياتك وإذا كان بإمكانك إصلاحها؟ قد تكون هناك حاجة لتغيير طريقة تفكيرك في الأمور أو إذا كنت فعلت كل شيء بالفعل واجتهدت ومع ذلك ما زال هناك فشل وعثرات غير مفهومة في حياتك... ربما تحتاج للجوء إلى الرقية الشرعية وقراءة سورة البقرة. ولا تنس أيضًا أن (الدنيا لو كانت تساوي عند الله جناح بعوضة ما سقى الكافر منها شربة ماء) فلو أخذ الملحد أو العاصي ما يريده من الدنيا هذا لا يعني أي شيء حقيقة... هذا اختباره ولك اختبارك فركز أنت على اجتياز اختبارك بنجاح.
تم النشر الأحد، ٢١ يوليو ٢٠٢٤
عدم التوفيق ده لأني ربنا سبحانه وتعالى بيختبر إيمانك بيشوف هتفضل متمسك بإيمانك رغم البلاء ولا هتضعف و الشيطان بيستغل الموضوع ده عشان يبدأ يوسوس ليك ويخليك تبعد عن ربنا أكتر بالإضافة أني اللي انت شايفه عدم توفيق سواء مش لاقي شغل او اي كان إيه الأسباب ده بناءآ علي إيه قولت أنه شر صدقني هيجي يوم هتلاقي في باطنه خير كتير انت مش شايفه وربنا شايلك الأحسن لبعدين أهم حاجة اوعي تضعف او تبعد عن صلاتك وإيمانك وأدعي الله دايمآ اطلب منه كل اللي نفسك فيه وحافظ علي قيام الليل وصدقني حياتك بأذن الله هتتغير ١٨٠ درجة
تم النشر الاثنين، ٢٢ يوليو ٢٠٢٤
أفهم تمامًا شعورك، الحياة أحيانًا بتكون مش سهلة وبتحط قدامنا تحديات كتيرة. أولاً، عايزة أقولك إن الإيمان وصلاتك دي حاجة عظيمة ومهمة جدًا، وربنا بيشوف كل حاجة وعارف النوايا. أوقات الحياة مش بتكون عادلة على المدى القصير، بس لازم نوثق إن ربنا بيخطط لينا حاجة أفضل على المدى الطويل. مش دايماً بنقدر نفهم ليه حياتنا متلغبطة رغم إننا بنعمل اللي لازم نعمله وبنسعى نبقى كويسين. فيه مقولة بتقول: "البلاء مع الإيمان بيقرب من الجنة". المعنى إن الابتلاءات اللي بنمر بيها ممكن تكون اختبار لصبرنا وإيماننا. الناس ممكن تبان حياتهم فل وظاهرية إنها حلوة بس ممكن يبقى عندهم مشاكل وتحديات إحنا مش شايفينها. مش لازم نقارن نفسنا بحد تاني، كل واحد فينا عنده رحلته الخاصة والتجارب اللي بيعدي بيها. مهم إنك تفضل متمسك بالإيمان وتفضضل تصلّي وتدعي ربنا دايمًا. وحاول تكلم حد من الأهل أو الأصدقاء المقربين لو حاسس إنك محتاج تفك عن نفسك شوية. وأكيد، كل فترة صعبة في حياتك هي مرحلة وهتعدي بإذن الله. فكر كمان إنك تحط أهداف صغيرة وتشتغل عليها وحدة وحدة، ده بيساعد في تحسين الحالة النفسية وبيخليك تحس إنك بتعمل تقدم حتى لو بسيط.
تم النشر الأحد، ٢١ يوليو ٢٠٢٤
ممكن تكون فترة صعبه في الحياة وهتدعي ويكون دا اختبار من الله سبحانه وتعالى كل اللي عليك تخليك زي ما انت وتدعي ربنا اكتر واكتر
تم النشر الأحد، ٢١ يوليو ٢٠٢٤
وفي الحياة دار ابتلاء في الآخر ودي رحمة من ربنا ابتلائات وأحنا عبيد لله سبحانه وتعالي بنعبده عشان يدخل الجنة برحمته
تم النشر الأحد، ٢١ يوليو ٢٠٢٤
لو واحد معاه فلوس فهو في اختبار هيشكر نعمة دي ولا هيكفر فيها ويمكن اللي معهوش فلوس لو ربنا رزقه بالفلوس الي مع غيره أو بالابتلاء اللي مع غيره هو يهلك ويفشل،، أنت مثلا مولود مسلم وواحد مولود بفطرة ربنا بس أهلهم مش مسلمين ده في ابتلاء برضو إنه يدخل الإسلام ويقدر ينجح فيه وانت ممكن لو كنت مكانه كنت تفشل ومش هتعرف تتصرف صح
تم النشر الأحد، ٢١ يوليو ٢٠٢٤
الي بيعمل ذنب أو شهوة بيبقا مبسوط انبساط لحظي وبعديها بيشعر بالندم وبيرجع مخنوق والحل إنه يرجع لربنا بس يقولك لا انا ازود في الذنوب اكتر وهكذا هو مش بياخد علاج هوه بياخد مسكنات وبيزود فيها لحد ما مرة واحدة هيدمر، الإنبساط إن الإنسان يكون قريب من ربنا ويحقق التقوى وناس كلها عندها ابتلاءات وابتلاء ده يقدر ينجح فيه وعلي مقاسه بظبط
تم النشر الأحد، ٢١ يوليو ٢٠٢٤
انا بحس ان الشيطان مبيرحمش كل الى بيحاولوا يقربوا من ربنا والكلام ده مجاش فى بالك لوحدك جه فى بال كل إلى زى حالك واكيد هو ده اختباره احنا فى دار اختبار والى بيصبر فى النهايه هو إلى بيفوز
تم النشر الأحد، ٢١ يوليو ٢٠٢٤
لعرض السؤال في فدني اضغط هنا