إذا كنت حابة أعمل خِطبة مفيش فيها رقص و لا أغاني من بتاع الأيام دي، و كمان مخليش العريس يلبسني الشبكة و حد من محارمه البنات هم الـ يلبسوني (زي مامته أو أخته)، و كمان حابة تكون الخِطبة سرية (لحديث رسول الله، أسروا الخِطبة و أعلنوا النكاح) بمعنى ميكنش متواجد غير أهلي الأقربون (عائلة أمي، و عائلة أبي) و نفس الكلام عنده.
هل دلوقتي أبقى متشددة؟ و أكون بتجمل قدام النااس علشان مش كاملة مثلا من كل حاجة، و هل دا مش من حقي و لا إيه؟
هو لازم مكنش بغلط في أي حاجة خالص علشان أعمل كدا؟
اعملى اللى تحبيه و مالكيش دعوه بكلام حد طالما انت مش بتعملى حاجة غلط
تم النشر الأربعاء، ٢٧ سبتمبر ٢٠٢٣
انتي زي القمر كملي بالطريقة إللي حباها ومرتاحة ليها وحشتها المهم راحتك ♥️
تم النشر الثلاثاء، ٢٦ سبتمبر ٢٠٢٣
اللهم الثبات ليكي يارب للاسف الدين دلوقتي بقي حاجه غريبه وتطبيقه بقي صعب للاسف بس انت لازم تثبتي علي موقفك ولو وجهة نظر العريس زيك الموضوع هيكون اسهل واتمسكوا برأيكم لكن لو هو موافق افتكر يبقي هو مش مناسب اصلا ليكي والله اعلم
تم النشر الثلاثاء، ٢٦ سبتمبر ٢٠٢٣
مفيش اي مشكله اعملي اللي أنتِ عايزاه ، بس من رأيي الافضل يتعرف انك مخطوبه عشان لو اتشافتي معاه مره ولا حاجه ميتقلش عليكي حاجه من الناس ، فاهماني؟
تم النشر الثلاثاء، ٢٦ سبتمبر ٢٠٢٣
السلام عليكم ورحمة الله وبركاته شكرا لحضرتك ع المشاركة 🌷 مبارك عليك هاخد من كلامك هالازمة مكنش بغلط في اي حاجة خالص عشان اعمل كدا ؟ مفيش حد معصوم الا الرسل والانبياء عن أنس بن مالك رضي الله عنه قال: قال رسول الله صلى الله عليه وسلم : «كلُّ بني آدم خَطَّاءٌ، وخيرُ الخَطَّائِينَ التوابون فدا مدخل كبير جدا للشيطان في كل عمل يقربنا الي الله أخلصي النيه وتوكلي علي الله ولو وزنتي امورك بعيون الناس لن تحركي ساكنا ولن ترضيهم افعلي ماترضاه نفسك وارجعيه لشرع الله وتوكلي وكلما كانت مراقبتك لله في افعالك ربنا هيباركلك فيه وانك لم تبدأي حياتك بمعصيه وعن تجربة شخصيه بس من سنين الحمد لله عملت ده ووالدته هيا اللي لبستني الشبكة وطبعا في انتقادات حصلت ولكن لم اغير لها بالا دا قرارك ولازم تكوني مقتنعة بيه وربنا يوفقك ويرشدك للصالح
تم النشر الثلاثاء، ٢٦ سبتمبر ٢٠٢٣
الموضوع ده سهل جدا جدا اهم حاجه تخلصي نيتك لله انك عاوزة رضا ربنا وانك بتتبعي سنة النبي صلى الله عليه وسلم وانك مش عاوزة تبدأي حياتك الزوجية بنعاصي ومنكرات ربنا يثبتك ويوفقك وييسرلك الحكايه كلها بتكون ثبات عالموقف وتصميم امام الجميع لازم كمان تقولي لنفسك انك اكيد هتسمعي انتقادات كتير وكلام سخيف كتير عاهدي نفسك انك هتدخلي من هنا وتطلعي من هنا اهم حاجه اثبتي على موقفك ورأيك ومتتهزيش قدام اي انتقاد واي كلمه تسمعيها وتضطري تردي تجهزي رد مسبق زي ( ومن يتق الله يجعل له مخرجا) او ( مش حابه ابدا حياتي بنعصيه) او ( من ترك شيئا لله عوضه الله خيرا منه ) بس وتقولي الرد وتقطعي النقاش بهدوء شديد جدا جدا متتنازليش ومتتساهليش لان لو تساهلتي هيفضل احساسك بالذنب والندم ملازمك طول عمرك ربنا يثبتك ويبارك لكما وعليكما ويجمع بينكما في خير
تم النشر الاثنين، ٢٥ سبتمبر ٢٠٢٣
اعملي اللي انتي حباه ومقتنعة بيه، ومش لازم تبقى زي كل الناس .. وكمان تتصنعي انك فرحانه علشان ترضي المجتمع. ده شئ يخصك انتي وهو .. وانتم شوفوا ايه اللي تحبوا تعملوه في اليوم ده.
تم النشر الاثنين، ٢٥ سبتمبر ٢٠٢٣
لا مش لازم تبقى فى قالب معين من الالتزام عشان تجتهدى فى طاعة ربنا الرسول عليه الصلاة والسلام قال ( بلغوا عني ولو آية) لا تضعى وزن لرأيهم ...يكفيكى مرضاة الله ربنا يثبتك ويقويكى وييسرلك الامر
تم النشر الاثنين، ٢٥ سبتمبر ٢٠٢٣
انتي محترمه جدا وربنا يوفقك بصي طالما الحاجه اللي في دماغك مش عيب ومش حرام اعملي اللي عوزاه واللي يريحك انتي
تم النشر الأربعاء، ٢٧ سبتمبر ٢٠٢٣
دا حقك طبعا ولو العريس رفض او معجبوش الكلام يبقا من
تم النشر الثلاثاء، ٢٦ سبتمبر ٢٠٢٣
لعرض السؤال في فدني اضغط هنا