ازاي الاقي شغل في كتابة المحتوي انا تعبت جدا عشان اتعلمه وبقدم علي لينكد ان ومفيش حاجه بتيجي و عملت كذا تاسك لحد عشان يختبرني يعني كبديل لانترفيو ومفيش حد بيكلمني
استمري في المحاولة والبحث عن وظيفة .. اصبري واسعي في كل اتجاه .. متعرفيش امتى الباب يتفتح وتجيلك الفرصة اعملي لنفسك صفحة على منصات التواصل ، اعلني فيها عن نفسك وعن شغلك ، اكتبي محتوى مفيد ، هو دا هيكون اكبر دليل على كفائتك في المجال .. هو دا نموذج متحرك لشغلك الناس هتعرفك من عليه شوفي كل مواقع الفريلانس (وهما كتير حاليا) ، اعملي عليها اكونت ، واعلني عن شغلك .. منصات التواصل الاجتماعي ، لينكد ان ، خمسات ، وغيرها .. حاولي في تسعير شغلك يكون مناسب للسوق ، وبما ان مافيش عندك خبرة كفاية ، يبقى ممكن تقبلي برسوم او سعر اقل من السوق شوية ، عشان العملا تبدا تعرفك وتكسبي الخبرة المطلوبة اظبطي كل شوية السي في بتاعك ، اتاكدي انه مافيهوش غلطات املائية ، وانه متصاغ ومتنسق مظبوط (دا عنوان شغلك) ، والانطباع الاول مهم .. وكل ما تقدمي على وظيفة ، عدلي السي في عشان يبقى مناسب للوظيفة دي بالذات ، ويكون مكتوب في السي في اهم الكلمات المكتوبة في اعلان الوظيفة ، بالظبط زي ما مكتوبة في الاعلان (المهارات، الخبرات، مجال الشغل، الخ) ، عشان يتم اختيار السي في بتاعك كخطوة اولى في فلترة الفايلات اللى بتتبعت عشان يتشاف من الموظفين اللى بيختارو الناس لمقابلات الشغل. ربنا يوفقك .. استمري ، النجاح محتاج سعي ومثابرة وصبر وحسن ظن بالله ، ورزقك هيندهك مع سعيك .. واخيرا الزمي الاستغفار والصلاة على النبي ، ربنا يرزقك من حيث لا تحتسبي
تم النشر السبت، ٥ أكتوبر ٢٠٢٤
اولا : الاستعانة بالله سبحانه وتعالى والدعاء ثانيا: تقدر/ تقدري تقدمي الأعمال التي قمت بتقديمها كتاسك كسابقة أعمال، وكذلك يمكن التطوع لدى مواقع/صفحات/ شركات لبناء سابقة أعمال يتم عرضها على العملاء فيما بعد ثالثا: فيه طريقين ممكن السير فيهم بالتوازي لكن في كل الأحوال الأمر محتاج صبر واستمرار، الطريق الأول التقديم في مواقع العمل الحر مثل مستقل وخمسات للخدمات والمشاريع وموقع بعيد للوظائف الطريق الثاني النشر على صفحتك الشخصية وعلى لينكد إن بمعنى نشر محتوى بشكل مستمر وليكن مرتين أو ثلاثة في الأسبوع مع الوقت والصبر بإذن الله تصل لأول عميل ويصبح الأمر بعدها أفضل، مع ملاحظة مع مميزات الفريلانسينج إلا أنه به عيب وهو عدم ثبات الدخل فبيتطلب إدارة لذلك
تم النشر الأحد، ٦ أكتوبر ٢٠٢٤
عزيزتي، أقدر تمامًا شعورك بالإحباط، فالبحث عن وظيفة في مجال كتابة المحتوى قد يكون تحديًا كبيرًا في بعض الأوقات. إليك بعض الخطوات العملية التي يمكن أن تساعدك في تعزيز فرصك: إعادة تقييم السيرة الذاتية : تأكدي من أن سيرتك الذاتية تبرز مهاراتك وخبراتك بشكل واضح. اجعليها ملائمة للوظائف التي تقدمي لها وركزي على إنجازاتك. توسيع نطاق الشبكة الاجتماعية : حاولي التواصل مع محترفين في مجال كتابة المحتوى عبر منصات مثل لينكد إن. انضمي إلى مجموعات مهنية، وشاركي في المناقشات لتعزيز وجودك. إنشاء محتوى شخصي : أبدعي في كتابة مدونة أو وصفحات على وسائل التواصل الاجتماعي لعرض مهاراتك. يمكنك أيضًا كتابة مقالات حول مواضيع تهمك وتبادلها مع أصدقائك ومتابعيك. التخصص : إذا كان لديك اهتمام بمجال معين، يمكنك التخصص فيه. تخصصك في مجال معين قد يجذب انتباه أصحاب العمل. العمل الحر : حاولي الانخراط في مشاريع عمل حر على مواقع مثل "فريلانسر" أو "أب وورك"، حيث يمكنك بناء سمعة وكسب خبرة. تقديم عينة من أعمالك : عند التقديم على وظيفة، اهتمي بتقديم عينات من أعمالك السابقة. هذا يساعد أصحاب العمل على تقييم مهاراتك بشكل أفضل. تحلي بالصبر وثقي بأن الجهود ستؤتي ثمارها في النهاية. استمري في التعلم والتطوير الذاتي، وكوني إيجابية. وفقك الله في مسعاك!
تم النشر الجمعة، ٤ أكتوبر ٢٠٢٤
لعرض السؤال في فدني اضغط هنا