دلوقتي انا بعاني من مشكله بقالها فترة سنه ونص تقريبا معايا ومش بقدر اتخلص منها وهي احلام اليقظة.. دايما بالي مشتت تماما ومش بقدر اركز فحاجة معينه خالص بسببها اعمل ايه عشان اتعافى منها لو حد مر بنفس التجربة.. ملحوظه جربت الاذكار صباحا ومساءا وبحاول انتظم في الصلاة الى حد معقول وقبل كدا كنت تمام جداً فالصلاة وبرضو كانت موجودة
شوف يا ابني .. احلام اليقظة دي غالبا بتبقى هروب مقنع من الواقع ، يعني م الاخر انت مش راضي بعيشتك ، وده شئ خطير وممكن يجرك لمهلكة ، الله عز وجل قسم الأرزاق بين الناس ، فلوس وصحة وذرية ونجاح عملي ومواهب وقدرات وغيره ، وعلى الانسان انه يرضى بنصيبه ويتعامل معه ، والاهم انه مايبصش للي عند غير ( ولا تمدن عينيك الى ما متعنا به ازواج منهم زهرة الحياة الدنيا) يعني تبص ف ورقتك و مالكش دعوة بالي في ورقة غيرك ، كل واحد ربنا حط له امتحان خاص به ، لو ماركزش فيه وقعد يبص يمين وشمال على اللى في ورق غيره ، الوقت هينتهي ، العمر هينتهي ، وهتندم على الوقت ده وتقول يا ريتني كنت ركزت في ورقتي وحاولت اتعامل مع اللي كان فيها يمكن كنت نجحت!!
تم النشر الأربعاء، ٨ مارس ٢٠٢٣
هى بتسيطر عليك عشان بتكون فى وضع ثبات ...افضل شىء عشان متكونش مشتت بسببها وتبدأ تبعد ذهنك عن التفكير فيها ...انك تكون فى وضع حركة او يكون معاك فى ايدك حاجة بتحركها ...كورة مطاط مثلا او سبحة او اى حاجة تاخد التركيز بتاع الحواس عشان متسرحش مع الافكار دى اللى بتتجسد قدام عينك .
تم النشر الثلاثاء، ٧ مارس ٢٠٢٣
احلام اليقظه دي بنجمعها ف حاجه اسمها افكار مفرطه ودي بتحتاج منك انك اول متحس انك داخل بمرحله احلام اليقظه دي تسجلها وبعد متسجلها تصنفها مين الي ينفع يتحقق ف ارض الواقع ومين لا الي ينفع يتحقق اعمل خطه عشان تعرف تحققه بيه الخطه دي ممكن ع المدى القريب او البعيد والي مينفعش يتحقق خالص واجهه وكلم الفكره دي قلها انها مش صح انها مش هينفع تتحقق ومش هينفع افضل معاكي عشان انتي هتسيطري عليا وهتخدي وقتي وصحتي ده لازم يكون خطابك لنفسك مع الفكره الي مش معقول تتنفذ ومع باقي الافكار الي حتى لو نفذتها بتفضل ملحه عليك كمان بتزيد احلام اليقظه وافكارها ف اوقات الضغط الشديد والفراغ ف ممكن تملى وقت فراغك برياضه بأنك تكون معظم الوقت بتستغفر بتسبح بحيث انك تتعود انك بتذكر ربنا وان عقلك مش فاضي غير للذكر دلوقتي مش لأفكار كمان ممكن تقرأ روايات او اول متحس انها هتزيد كلم حد من صحابك اهم حاجه متستسلمش ليها ابدا
تم النشر الاثنين، ٦ مارس ٢٠٢٣
لعرض السؤال في فدني اضغط هنا