انا عندي 12 تخين شويه بيتنمرو عليه في المدرسه والمدرسه فادل لها 20يوم عايز حته لو اخس 20كيلو في 20يوم
بص الاول عايزاك تعرف حاجة أن الناس المتنمرة دي بيبقا عندها مشاكل نفسية يعني ناس مش ساوية و بيطلعوا عقدهم دي علي الناس الي حواليهم علشان يحسوا بالقوة، ف الاول خليك مدرك أنهم مش صحيين نفسياً، طب نيجي بقا لأهم نقطة انتي مفروض تتعامل مع نفسك الاول ازاي؟ متستغربش اني بقولك كده بس انت لازم تعرف ازاي تتعامل مع نفسك الاول علشان تعرف تتعامل معاهم يعني ببساطة بدون تعقيد خالص دلوقتي حد جه فيهم و اتنمر عليك علشان وزنك، فبيجيلك احساس انك كاره نفسك و كاره شكلك و عايز تتخلص من جسمك ده حالا دلوقتي طب هل ده شعور صحيح؟ ابداً دلوقتي الي تنمر علي شكلك ده هو اصلا عنده مشكلة مع شكله يعني هو اصلا بيكره شكله ف بيكرهك انت كمان في شكلك و لما بيلاقيك فعلا بتدايق و بتبدأ تكره شكلك، هو بيحس بأنه جميل و احلي واحد في دنيا لكن في الحقيقة الاحساس الي بيحسه ده احساس مزيف تماماً و لما انت بتدايق بيوصل لغرضه علشان يحس الاحساس ده يعني هو بيرمي احساس جواه ليك علشان يحس هو بتحسن. حاول تقرأ كلامي كويس و لما هتفكر هتعرف أنه فعلاً الاحساسيس الي جواك الي مخلياك كاره شكلك دي مش حقيقية و دي مكنتش جواك قبل ما الشخص متنمر ده او الناس الي زيه تظهر في حياتك و قبلها كنت متقبل نفسك عادي. فأنت محتاج تقعد مع نفسك و تفكر أن فعلاً انت شخص جميل سواء تخين او رفيع او أيا كان شكلك لأن شكلك ده الي بيميزك عن غيرك انا مش هعرف اميزك عن غيرك غير عن طريق شكلك و ملامحك و كل ده، و خليك عارف انك حتي لو خسيت الشخص ده هيفضل يتنمر عليك بردو مش علشان انت وحش لا علشان هو الي وحش و هو الي ماشي بيأذي في الناس شوف ممكن يكون جرح كم واحد غيرك بكلامه و تنمره ده؟ و صدقني هتكبر و هتعرف أن الناس مبتعجبهاش حاجة خالص و مهما حاولت و سعيت مش هتعرف توصل أنك ترضي كل الناس و هتلاقي الي بيحبك و الي بيكرهك و الي هيقدرك جدا والي هيعمل زي زميلك و يتريق عليك و مهما نجحت و عملت هتلاقي بردو كده هي دي الحياة
تم النشر الاثنين، ١١ سبتمبر ٢٠٢٣
أفهم أن التنمر على الوزن من الأصدقاء قد يكون مؤلماً جداً. هنا بعض النصائح للتعامل مع هذه المشكلة: - تحدث مع أصدقائك بهدوء واشرح لهم كيف يؤثر تنمرهم عليك سلباً. أخبرهم أنك تريد منهم الدعم وليس التنمر. - ابتعد قليلاً عن الأصدقاء الذين يستمرون في التنمر وانضم إلى مجموعات أخرى من الأصدقاء الداعمين. - تحدث إلى أحد الوالدين أو مرشد المدرسة عما يحدث. هم قد يتمكنون من التحدث إلى أصدقائك أو آبائهم لوقف التنمر. - تذكر أن قيمتك لا تقاس بوزنك. ركز على صحتك وسعادتك بدلاً من آراء الآخرين. افعل ما تحب وتمتع بوقتك. - لا تلقي باللوم على نفسك. التنمر خطأ المتنمرين وليس خطأك. أنت تستحق الاحترام. أتمنى أن تجد هذه النصائح مفيدة. أنا متأكد أنك ستتغلب على هذا بكرامة وثقة بالنفس. لا تتردد في طلب المساعدة إذا احتجتها.
تم النشر الاثنين، ١١ سبتمبر ٢٠٢٣
ازيك يا حمزة عامل ايه يارب تكون بخير الفترة دي و احسن
تم النشر الأربعاء، ٢٧ سبتمبر ٢٠٢٣
لو الناس ديه اتريقت على شكلك مثلا .. غير وزنك؟ هل هتروح تعمل عملية تجميل مثلا؟ اكيد لا يعني هل كل شئ في حياتك حتى لو ادق التفاصيل .. اتنمروا عليك فيها .. هل هتغيره حتى لو كنت حابب الشئ ده؟ لازم تعرف ان المتنمر ده، هو شخصيته كده .. متنمر هتريق ع اي حد، واي حاجه. ف الموضوع ب ايدك انت مش ب ايدهم. يعني تخسس نفسك؟ لا لو حابب شكلك كده، خليك كده. خس علشان نفسك انت، مش علشان حد. ومستحيل تخس 20 كيلو في 20 يوم .. دي حاجه مستحيلة مش هتحصل. وانت مش هتقدر تعرف ازاي هتخس ايه ف قد ايه .. النتيجه بتبقى على حسب استجابة كل جسم والتاني. انا ممكن اقولك تخس ازاي او تمشي ع دايت ازاي؟ لكن لازم تبقى انت عايز كده ولازم تبقى واثق من نفسك ..
تم النشر الثلاثاء، ١٢ سبتمبر ٢٠٢٣
لعرض السؤال في فدني اضغط هنا