انا عندي مشكلة اني كل لما ادخل في حاجه في حياتي مش بتكمل للآخر انا عارفه انه نصيب بس دايما بسمع من الناس الاقريبين مني اني فقريه واللي قولي انتي نحس وكلام من ده بجد نفسيتي تعبت من الكلام ده ومش عارفه فعلا المشكله فين هل انا حظي قليل ولا ده ايه انا بصلي الحمدلله وعمري مابصيت لحد في حاجه ولا عمري بحقد علي حد بس مش عارفه ليه بيحصل كده مفيش حاجه بتكمل معايا وزهقت من كتر الكلام اللي بسمعوا من اللي حواليه وحتي مش بعرف اكسف حد وساعات بقول لنفسي بلاش اسمع للناس وأصدق الكلام ده بس بلاقي فعلا ان انا كل حاجه بتتقفل معايا وكل لما بكون في مكان بيحصل حاجه ومش عارفه ده بسب ايه لو حد عنده حل ياريت يفيدني
طيب احنا نبتعد شوية عن الكلام اللي زي ده لانه مش اكيد السبب ( فقرية، نحس، حظ) .. مفيش حاجه اسمها كده. ما هي الا مسميات بنعلق عليها كل حاجه في حياتنا. نتكلم بقى ف اللي بيحصل، هل الشئ اللي مش بيكمل ده، بيكون لينا سبب فيه؟ ولا احنا مثلا بنعمله غلط، ف علشان كده الموضوع بيطلع كمان معانا غلط. زي مثلا واحد دلوقت ذاكر وسقط .. بس طريقة مذاكرته هي كانت السبب كانت طريقة مش مناسبة وغلط، ف علشان كده سقط. محتاجين بس شوية تفاصيل، هل الموضوع ب ايدينا ولا ده حاجه خارجه عن ارادتنا، ولو خارجة عن ارادتنا يبقى كده انتي مش السبب، ده شئ مقدر ليكي. ويمكن ربنا شايل ليكي شئ افضل مستقبلا.
تم النشر الأحد، ٢٢ أكتوبر ٢٠٢٣
والله انا اكيد متأكد اني كل حاجة مش بتكمل او مش بتحصل وانا نفسي فيها مثلا اكيد ده خير من عند ربنا ولو ادركت ده بعد ١٠ سنين حاجة تانية ان طول منا حاسس اني حاجة هتحصل او حاجة مش هتكمل هي فعلا مش هتكمل وده مش بسبب اني حسيت لا ده بسبب انه نصيبي بس انا اللي توقعت السلبي قبل الايجابي ومفيش حد فقري علفكرة بس فيه حد بيبقا حاسس انه فقري فا بيشوف السلبي فقط (تفائلوا بالخير تجدوه)
تم النشر الأحد، ٢٢ أكتوبر ٢٠٢٣
في حاجه اسمها النبؤه ذاتيه التحقيق يعني اعتقاد معين خاطيء تسعين لتحقيقه بشكل مباشر أو غير مباشر ،زي كلمه( فقريه) وكلمه (نحس) خلاص انتي بتمشي في تراك انك تثبتي وتحققي المعاني السيئه دي في حياتك فأرجو أنك تضعي حدود في علاقاتك بينك وبين كل من يوجه لكي كلمهُ مؤذيه تنال منك ودي تعتبر حاله دفاع عن النفس ليست مخالفه دينيه ولا صبرك عليها شيء ايجابي ارجوكي ضعي حد لهذه الكلمات ولا تسمحي لأحد بإلقائها عليكي فهي مثل التعويذه الشريره تهدم نفسيتك وتضلل مشاعرك ابدءي من جديد وابذلي المجهود الي تقدري عليه واطلبي التوفيق من ربنا وكل ماالفكره تجيلك انك مفيش حاجه بتكمل لكي يبيها تعدي ودخلي فكره تانيه وهي (وما توفيقي إلا بالله) وان عليك السعي وليس عليك ادراك النجاح ربنا يوفقك لكل خير
تم النشر الأحد، ٢٢ أكتوبر ٢٠٢٣
لعرض السؤال في فدني اضغط هنا