وانا في ابتدائي ماكنش عندي اصحاب وكنت بتعرض للتنمر اول مادخلت رابعة اتعرفت علي شلة برا الفصل واكبر مني بسنه وكنت بحبهم اوي وماكنتش بحس بالوحدة وكان اول ماحد يجي جنبي واحد من الشلة دي كان دايما معايا وكان اي حد يجي جنبي كان بيعلمه درس وكان دايما بيفضل ينصحي ويقولي ازاى اثق في نفسي وازاى اضرب ال يجي جنبي وكان دايما يقولي اني جميلة اوي وكنا بنروح مع بعض لحد ماانا دخلت سادسة وهو راح اعدادي كنت بروح استنهم قدام المدرسة واروح معاهم المهم انا لما دخلت اعدادي بطلت اكلمهم ولا اسلم عليهم حتي عشان حسيت انه خلاص حرام المهم انا دلوقتي بقيت في الكلية وشفته صدفه وافتكرت كل حاجة وفضلت اعيط وكل شوية اعيط ومش فاهمة هل انا بحبه هو كشخص ول انا واحشني حد يكون في ضهري حد احكيلوا علي حصل معايا مع العلم اني عندي صحاب كتير جدا وكمان هو قالي من قبل انه بيعتبرني اخته الصغيرة
فين المشكلة ؟ دا العالم بقى قرية صغيرة اظن مش هتحصل مشكلة لما تروحى تسلمى عليه و ازيك عامل ايه ؟ شوف كبرنا ازاى ودخلنا كليات و بقينا مسئولين بعد ما كنا صغار و يتخاف علينا ... و سيبى الباقى يتسرسب لوحده و هيحكيلك الدنيا عملت معاه ايه و الفيسبوك و الواتس هيشتغلوا و لو كانت الظروف تسمح باستمرار العلاقة فى طريقها الطبيعى الشرعى كملى و لو الظروف عنده متسمحش لانه لسة هيسافر و يكِّون نفسه و الخطاب كل شوية هتيجى تخبط على بابك وهو عاجز عن انه يعمل حاجة فخليكى فى نطاق المعرفة و السؤال و بلاش الشعلقة فى حب مستقبله مش مضمون فى ظروف الشباب اللى زى الهباب و خدى الأمور ببساطة و ساعات بتكون الصداقة فى حدودها بالاحترام و التقدير وحسن النوايا احسن 100 مرة من الجواز اللى بينهى الشغف و اللهفة بين اى اتنين بيحبوا بعض إلا إذا العشرة و التعود كان لهم دور
تم النشر الثلاثاء، ٥ مارس ٢٠٢٤
بصي هوا ساعات بتبقي تراكمات جواكي بتحسي انك عايزه ترجعي تاني للايام دي اللي كنتي فيها مبسوطه وهوا بيكون شعور مؤقت ويروح لحاله طول م انتي بتفكري ف حاجه تاني أو بتشغلي نفسك بأي حاجه مفيده مع الوقت الشعور ده هيبدأ يختفي تدريجيا لحد م يبقي كله تمام
تم النشر الثلاثاء، ٥ مارس ٢٠٢٤
ان شاء الله ميكونش حب بالتأكيد عشان مفيش حد تحكى معاه
تم النشر الأربعاء، ٦ مارس ٢٠٢٤
لعرض السؤال في فدني اضغط هنا