الحمدلله كنت بمر بفتره صعبه جداً وكنت بعيد عن ربنا ومقصر في دراستي وكذا حاجه تانيه ولاكن حاليا الحمدلله في تحسن كبير عن الأول من نحية علاقتي بربنا ده غير العادات الكويسه اللي اكتسبتها زي الرياضه كل يوم ومنع السكر الصناعي والتقليل من السوشيال ميديا عكس زمان ده كله حلو . بجانب إني مش عارف اتطور في المذاكره زي م أنا مش قادر افتح كتاب كل لما احاول الاقي عقلي بيشتتني سواء بخروجه ب ترفيه الخ الخ الخ . خايف افضل كده لآخر السنه ومش عارف أي الحل لده
طيب هل جربت تجبر نفسك على المذاكرة .. او مثلا تقول لنفسك انا هذاكر الشوية دول وبعد كده مثلا اخرج مع صحابي او اعمل الحاجة اللي بحبها. ديه طريقة كويسة جدا انك تحفز نفسك على المذاكرة وهي انك تكافئ نفسك.
تم النشر الثلاثاء، ٣١ يناير ٢٠٢٣
حاول مع بدايه المذاكره تذاكر ماده واحده بس قدامك مش مواد كتير وكتاب واحد مش كتب كتير وتذاكر بصوت عالي متذاكرش بصمت وحاول تذاكر عن طريق الشرح انك تشرح لحد وانت بتذاكر عشان تقوي عندك الفهم والتركيز ف يكون النسيان اقل واستخدم خرايط ذهنيه لتلخيص كل جزء ولخص الاجزاء المهمه عل هيئه نقط بسيطه سهله الحفظ والفهم وعيد على نفس المعلومه الي حفظتها كتير عشان تساعدك على سهوله عمليه الحفظ والتخزين وقسم الماده ع اكتر من جزء وكل جزء تخلصه قوم اتحرك كل حاجه اشرب حاجه خمس دقايق وارجع تاني وبعد كل جزء كبير تخلصه كافئ نفسك بحاجه بتحبيها تحفزك انك تكمل وابعد عنك اي مشتتات وقت المذاكره الاصوات العاليه والفون والتلفزيون مثلا وبعد كل درس بتروحه ترجع تذاكر الدرس لانك لسه سمعه وتحل عليه الواجب وتبص على درس قديم من اول السنه عشان تذاكر الي فاتك ف نفس الوقت وان شاءالله هتقدر تنجز وتلم المنهج وترجع اشطر من الاول وتدخل الكليه الي نفسك فيها وطبعا علاقتك بربنا مهمه جدا حافظ عليها وكمان حياتك مش مذاكره بس ف خلص مذاكرتك والخروج حددله وقت مثلا مره ف الاسبوع وافصل نفسك عن المذاكره بس كافئ نفسك بالتزامك ف المذاكره بأنك هتخرج
تم النشر الأربعاء، ١ فبراير ٢٠٢٣
احييك على مجهودك مع نفسك فى انك تكون احسن ...ربنا يجعلك خير ذرية لاهلك وتكون فخور بنفسك فى كل وقت صعب . نصايح المذاكرة كتيير فى اسئلة كتير هنا. ياريت تربط المذاكرة بمجموعة من الاصدقاء اللى يشجعوك معاهم .
تم النشر الأربعاء، ١ فبراير ٢٠٢٣
هقولك علي تجربتي يمكن تفيدك لأن مريت بده كتير أوي جدا الموضوع ساعات بيكون حسد خصوصا لو انت بتعرف تذاكر ويتكون عين جامده فممكن اول حاجه تسمع الرقيه الشرعيه دايما وتقرأ الاذكار ويا سلام لو شغلت سوره البقره جنبك بصوت شيخ بتحبه مش هقولك بعد كدا هتكون تمام افضل جاهد نفسك هتحس منتش فاهم أو مشتت الدماغ مش بيدخل علطول في مود المذاكره ممكن يدخل بعد نص ساعة أو ساعة من مسك الكتاب بس كل ده انت بتهيأه واعمل تايمر لنفسك وكمية محددة هتخلصها ذاكر في مكان مريح أو أتفق مع زميل لك انكو تخلصو كذا هيشجعك...ونومك ظبطه لأن له عامل كبير في التركيز واختار اوقات صح ربنا يوفقك يا رب وبالتوفيق 💙💪🏻 عادي بيعدي علي الإنسان لحظات ذي كدا
تم النشر الثلاثاء، ٣١ يناير ٢٠٢٣
لعرض السؤال في فدني اضغط هنا