عايزة أعرف أنا مشكلتي إيه أو انا بعاني من ايه بالظبط أنا اغلب الاوقات في مشاكل و مش بعرف اتعامل و اواجه في احيان كتير خصوصاً مع أهلي و يمكن مشكلتي مع والدي هي أساس كل حاجه و لكن انا بقى بيجيلي نوبات غضب شديدة و حاجه زي تشنجات كدا في جسمي من الغضب ، أنا كمان شخص مشتت متوتر كثير التفكير و نومي مش برتاح فيه خالص و ساعات بيصيبني حالة من اني مبقدرش احدد أنا الموقف دا حصل و انا صاحيه و لا و انا نايمة ، انا شخص طموح جداً و لكن في ثانية بعد اي مشكلة مع أهلي ممكن افكر ازاي انهي حياتي من الزعل و ساعات بجلد ذاتي على اسلوبي مع أهلي حقيقي نفسي ألاقي حل بجد تعبت من المشاكل بقالي سنين مش مرتاحه نفسيا و لا عندي استقرار
بالنسبة لأهلي ف انا ماما متوفيه من سنين كتيرة و دا مأثر على نفسيتي
الفترة الأخيرة من كتر الزعل و المشاكل جسمي كله بيوجعني و بيجلي نوبات هلع كتير
كل ده حصل بسبب وفاه والدتك فيه ناس بتقدر تتخطي ده و انتي مقدرتيش لأنها من الواضح كان كل حياتك عن والدك و يمكن هي اللي كانت بتحتويكي ف بقيت اهلك مش قادرين يعملوا كده زيها .. كل اللي عايزاه منك انك تعيشي لسعادتك و ليكي و انك تعملي الحاجه اللي تفرحك لحد ما تقدري تقفي ع رجلك من تاني
تم النشر الجمعة، ١٩ أبريل ٢٠٢٤
انا اول حاجه عايزاكي تعرفيها انه مش لازم المشكله اللي عندنا تبقى حاجه لها تشخيص واسم مرض ده اولا عشان ما تبقيش بتدوري على حاجه زي كده المشكله اللي عندك غالبا انت ما عبرتيش من ساعه ما والدتك الله يرحمها اتوفت ما عبرتيش عن عن حزنك ده بشكل حقيقي والحاجات اللي انت مفتقداها بعد مامتك انت مش عارفه انك تستقبليها من اي حد تاني حواليك او مش لاقي حد تقدري انك تستقبلي منه اي احتياج كنت تحتاجيه من مامتك. في مشاكل اللي بتحصل في البيت او بتاثر علينا وبتخليك تبقي مش مرتاحه ومتضايقه بس هل بتعبري عنها يعني بتحصل مشكله او بتختلف في رايي مع حد من اللي في البيت او يبقى مش عاجبني حاجه قلبك تقولي ده حاسه ان عندك مساحه ده ولا انت حاسه انك مقهوره وانك مش قادره تقولي انا مش عاجبني او انا مش مبسوطه او انا عايزه ده يتغير لو مش بيحصل ده ومش بتقولي فكل اللي انت فيه ده هيبقى سببه كده انك ما تعبريش عن كل اللي جواكي فكل الكلام ده هيطلع عليك بالشكل الاعراض الجسديه بتاعه التشنجات وبانك توصلي لدرجه انك تنسي وتبقيش عارفه هو ده حصل ولا ما حصلش من كتر ما ده عامل ضغط عليك من جوا لو.
تم النشر الخميس، ١٨ أبريل ٢٠٢٤
ممكن اعرف حضرتك عندك كام سنه ويقالك قد ايه بتعاني من الحاجات دي
تم النشر الجمعة، ١٩ أبريل ٢٠٢٤
بعبر كتير لوالدي و اني محتاجه اهتمامه بيا بس مش بيعبرني بل لو اسلوبي وحش معاه بيعاقبني عقاب شديد و مش بيقدر ان كل اللغبطة دي بسبب اني مش عارفه اتعامل و في مواقف كتير اتحطيت فيها اتصرفت غلط عشان مش عارفه اتصرف صح أنا طول الوقت عندي افكار سلبية و هو مش بيطمني بل بالعكس بيهددني كتير أوي بعقاب شديد انا طول الوقت عندي افكار سلبية و مخاوف نفسي اتحرر منها الموضوع دا عندي من أيام والدتي يعني كتير و هي عايشه اتخيل انها ماتت و اننا بقينا لوحدنا و مشردين في الشارع و اعيش الحالة و اعيط و اتعامل على اساس السيناريو اللي في دماغي بكل مشاعر الخوف و الحزن و القلق و لحد دلوقتي دا مأثر عليا و على قراراتي حقيقي انا في منتهي الخوف دلوقتي
تم النشر السبت، ٢٠ أبريل ٢٠٢٤
طيب عبرت ازاي عن حزنك عليه وايه اكتر حاجه مفتقدها بعد وفاتها
تم النشر الجمعة، ١٩ أبريل ٢٠٢٤
عندي ٢١ سنة عدى على وفاة والدتي ٧ سنين
تم النشر الجمعة، ١٩ أبريل ٢٠٢٤
كل ده بسبب انك مش بتتعامل مع مشاعرك صح ولا عبرت عم حزنك علي والدتك بالطريقه الي انت عايزها
تم النشر الجمعة، ١٩ أبريل ٢٠٢٤
كل ده حصل بسبب وفاه والدتك فيه ناس بتقدر تتخطي ده و انتي مقدرتيش لأنها من الواضح كان كل حياتك عن والدك و يمكن هي اللي كانت بتحتويكي ف بقيت اهلك مش قادرين يعملوا كده زيها .. كل اللي عايزاه منك انك تعيشي لسعادتك و ليكي و انك تعملي الحاجه اللي تفرحك لحد ما تقدري تقفي ع رجلك من تاني
تم النشر الجمعة، ١٩ أبريل ٢٠٢٤
لعرض السؤال في فدني اضغط هنا