من اقل حاجه بتوتر وبحس انى عندى ضيق وصعوبه فى التنفس واعصابي بتسيب خالص كل اطرافى بتترعش ورجلى بتبقى مش شيلانى وجسمى بيطلع فيه علامات زرقاء
الموضوع ده مضايقنى جدا ومش عارفه اتصرف ازاى ؟
السلام عليكم لو من اقل حاجه بنتوتر فاحنا لازم نشوف هو احنا خايفين من ايه التوتر بيجي يا اما انا قلقان من تكرار مواقف هي حصلت في الماضي او انا قلقان من حاجات انا قاعد اعمال بتوقعها وبتخيلها ان هي تحصل في المستقبل زائد ان انا شايف انه قدراتي اقل بكتير من اني اقدر اتعامل مع المواقع. طول ما انا طول الوقت محطوط جوه الحاله دي هتبقى اقل حاجه فعلا هتوتر حتى لو يعني وانا بحاسب في المواصلات اتلخبطت في الحساب خطوتروا وهيجي لي دقيق تنفس واعصابي هتسيبه كل الكلام ده فالموضوع محتاج ان احنا نبقى نسال السؤال انا ليه عندي شكوك في قدراتي هل انا كان فيه ناس حواليا بيشككوني في قدراتي او دائما بيقولوا لي انت مش هتعرف تتصرف انت مش هتعرف تعمل انت مش هتعرف تروح ولا تيجي او قابلتني مواقف فما تصرفتش فيها كويس او ما عرفتش اتصرف فخلاص اخذت الانطباع ده عن نفسي ومش عارف اغيره ثاني. يعني يا ريت اجابه الاسئله دي اقدر اساعدك اكثر.
تم النشر السبت، ٣ أغسطس ٢٠٢٤
اذا الامر بقاله فترة طويلة (اكتر من اسبوعين) ، فهو في الغالب قلق وتوتر شديد ، وهو نتيجة لاسباب تانية مش واضحة في سؤالك. مشكلة او صدمة او ظروف حطاكي في ضغط شديد ، واوقات بتكون مشكلة حصلت بقالها فترة وخلصت ولكن التوتر والقلق مستمر معاكي. الى جانب النصائح اللي اتكتبت في الاجابات السابقة ، تقدري تلجأي للرسم والتلوين لتهدأة اعصابك ، شرب الميا بكميات كافية يوميا (2 لتر على الاقل) ، الاكل الصحي بعيد عن الفاست فود ، الابتعاد عن الالعاب الالكترونية او الافلام اللي فيها مشاهد عنف او رعب او حركة سريعة، المشي يوميا على الاقل 45 دقيقة في الهواء الطلق في جو مناسب بعيد عن اشعة الشمس المباشرة ، ممارسة الرياضة 10 دقايق على الاقل يوميا ، القراءة اخر اليوم في كتاب مفيد ولو 10 دقايق (ارشحلك كتاب دع القلق وابدأ الحياة) ، والكتابة اخر اليوم على الورق اكتبي مشاعرك وافكارك هيساعدك على تخفيف الضغط العصبي والنوم بشكل احسن. كمان حاولي تلاحظي نفسك وتفكيرك، وقاومي الاسترسال في التفكير اللى بعده بتحسي بالاعراض دي، شتتي انتباهك وتفكيرك عنه بانك تشغلي وقتك ودماغك بشغل او بهواية مفيدة ، ويكون ليكي حياة اجتماعية تاخد اهتمامك وتركيزك ، ولو تتطوعي في اي نشاط اجتماعي او تطوعي او خيري ، دا كمان هيغير كتير في نفسيتك. اذا الاعراض مش قادرة تسيطري عليها او بتزيد فالافضل اللجوء لاخصائي او معالج او طبيب نفسي ، عشان يقدر يساعدك في التعرف على السبب الفعلي ورا الاعراض دي ويساعدك في التخلص منها وحل المشكلة الاصلية فتختفي كل الاعراض دي.
تم النشر السبت، ٣ أغسطس ٢٠٢٤
آه، واضح إنك بتعاني من توتر كبير، وأنا هنا عشان أساعدك. أول حاجة، حاولي تلاقي طرق تهدي نفسك بيها. جرب كذا حاجة: تنفس عميق : لما تحسين بالتوتر، حاولي تعملي شوية تمارين تنفس. خدّي نفس عميق من أنفك، وطلعيه من فمك. كرّري ده كذا مرة، وركزي على كل نفس. ممارسة الرياضة : الرياضة حلوة جداً عشان تخفف التوتر. حتى المشي لربع ساعة ممكن يحسن مزاجك ويخليك تحسي براحة. تغيير البيئة : لو كان ممكن، غيّري المكان اللي انتي فيه. اخرجى شوية للهواء الطلق أو اجلسي في مكان هادي. التأمل أو اليوغا : جربّي تمارين التأمل أو اليوغا. دول بيروّقوا الأعصاب ويساعدوكِ على التحكم في مشاعرك. التواصل : كلمّي حد من أصحابك أو عائلتك عن اللي حاسة بيه، أحياناً بس قعدتنا مع حد قريب بتهدي. كمان لو الموضوع مستمر أو بيسبب لك مشاكل في حياتك اليومية، يمكن يكون من المفيد إنك تتكلمي مع متخصص نفسي. الموضوع مش عيب، بالعكس، هو خطوة جريئة لتحسين حالة نفسك. اهتمي بنفسك وتقبلي مشاعرك، وإن شاء الله كل حاجة هتتظبط.
تم النشر الجمعة، ٢ أغسطس ٢٠٢٤
حاولي ثم حاولي زوري طبيب نفسي يمكن يصرف لك علاج يخفف التوتر انا نفسك الله يعينا
تم النشر السبت، ٣ أغسطس ٢٠٢٤
مافيش حاجه مستاهله ليه توتر وخوف وقلق هدي بالك كافيه شي يستاهل قولي لكل شي طز.
تم النشر السبت، ٣ أغسطس ٢٠٢٤
1-الحصول على قسط كاف من الراحة 2- الضغط على كرة التوتر إذا كنت تشعر بالارتباك 3- تخصيص مكان للاسترخاء 4- ممارسة اليوغ 5- التأمل.
تم النشر السبت، ٣ أغسطس ٢٠٢٤
حاضر..شكرا لحضرتك
تم النشر السبت، ٣ أغسطس ٢٠٢٤
نفسي والله بس غصب عني للاسف
تم النشر السبت، ٣ أغسطس ٢٠٢٤
لعرض السؤال في فدني اضغط هنا