انا شاب في 3 جامعه و شغال شغل كويس الحمدلله
في شويه لا بصراحه مشاكل كتير بين ولدي و ولدتي و هما منفصلين بقالهم 7 سنين و مبهدلين بعض في المحاكم
و انا شايل 4 افراد من اول البنت 1 جامعه ل الغير ولد 2 ابتدائي بقالي علي الحال دا سنه و انا اللي شايلهم من مجميعو من فسح و دراسه و رياضة و صحه و كلو
و مافيش مجال دلوقتي ان حد من الولاد انه يشتغل لانهم صغيرين
ف كان في بنت اعجبت بيها و عايز اكلم اهلها و اتقدم ف هل دا هياثر علي قرارهم بالرفض ولا لا
و ازاي الاتفاق بيتم لان انا هتقدم لوحدي مش هيكون معايا ولا اب ولا ام و خال ولا عم لانهم كلهم ملهين في مشاكل ابويا و امي و كارهينا انا و اخواتي و مبنتعاملش
ف ازاي اكلم اهلها
للعلم انا ماركتير و بدرس بزنس و شغال اونلاين فريلانس و في شركة ف الاردن
و للعلم برضو انا عملت قاعده علشان اللي انا و اخواتي فيه
و رد الناس و والدي و والدتي كان
( اتولاهم انت )
السلام عليكم ورحمه الله وبركاته انا احب اقول لك ان انت راجل راجل محترم جدا جدا وده ضروري تكون شايف ده في نفسك. وضروري تحس بالفخر بكل ظروفك والوضع اللي انت تحملته واللي انت شايله بكل عزه نفس وهي دي النقطه. نقطه الفخر انك تتكلم مع نفسك وانك تكون متشبع بانك فخور بنفسك بكل اللي انت عامله قصاد اي حد النقطه دي هي اللي هتخليك بالظبط تبقى وانت بتتكلم مع اي حد كانك واقف قصاد المرايه بالضبط على قد ما انت كل حاجه كل يعني نتصرف معاه فيها ولكن انت ما شاء الله ما اعتقدش ان انت الشخص ده وانك لوحدك بتقدر تقعد وتتكلم وتتناقش توصل لاتفاقات وتشيلي المسؤوليات فانت تقدر تكون قاعد لوحدك وكان في جنبك رجاله كتير جدا كبار لان انت بمقامهم بالاثبات بالوضع اللي انت قادر انك تديره لوحدك فالنقطه دي ما تقلقش منها ومش نقطه يعني مش اول مره لا في ناس كتير هم يقدروا بثقتهم في نفسهم وفخرهم بنفسهم يكونوا قاعدين وفعلا يكونوا بيتكلموا انا مش محتاج اصلا حد معايا انا فعلا مش محتاج حد يتكلم نيابه عني او انا مش محتاج حد يكون هو اللي بيربط الاتفاقات لانه انا قادر اعمل ده. كلمه منك وكل وصف لحياتك ولظروفك. تكون بتتكلم فيه بفخر. على قد ما ده هيوصل للي قدامك ومش هيلاقي نفسه سبيل غير ان هو يكون فخور بيك زي ما انت فخور بنفسك. اتقدم زي ما انت عايز باي خطوه في حياتك واي اضافه عايز تعملها في حياتك وده ما فيش اي حاجه تمنعك خالص لان اللي انت عامله بيقول انك شخص مسؤول وانك ااا شخص على درايه بالحياه ممك فاعمل ده بكل اريحيه ان شاء الله ربنا هيكرمك بناس تشوف ااا اللي انت عامله ده بكل فخر وهما المبسوطين ان هم هيناسبوا شخص زيك واوعى تحس بان ظروفك عائق لانك لو انت حاسسها كده اللي قدامك هيحسها كده زيك لكن طول ما انت بتتكلم عنها ان هي مش عائق خالص وفعلا بتتعامل انها مش عائق. تكون واضح وصريح جدا ايه اللي انت تقدر عليه وايه اللي انت ما تقدرش عليه لانه ممكن تلاقي الناس طيب لا احنا حاول تشوف صرفه مثلا ان اخواتك حد يراعيهم فلما انت هتكون واضح جدا في انك بدرف ده وان ده اختيار مش موجود ده هياكد للي قدامك انك برده راجل وعندك قيود ويحترموك اكثر واكثر واذا اللي قدامك ما احترمش كل ده فيك يبقى لانه مش هو الجدير بانه يتعامل مع راجل. محترم زيك. لو انت بقى عندك يعني تساؤلات في ايه الاتفاقات او الناس بتتكلم في ايه ممكن نساعدك فيها يعني؟ ان شاء الله كده لو فعلا خلاص حابب تروح بساعدك ايه الاتفاقات اللي ممكن الناس اللي تتكلم فيها في اتفاقات ماديه وفي اتفا الموضوع بيمشي ازاي هيبقى الموضوع برده بسيط ان شاء الله ما فيهوش حاجه بس الافضل انك يكون عندك خلفيه عن الموضوع قبل اي حاجه.قات لها علاقه بالتوقيتات طبعا ده على حسب الدراسه طب هينفع خطوبه لا طب الجواز ممكن يكون بعد قد ايه يعني بكل التفاصيل المهر الشبكه كل الحاجات دي ان شاء الله نساعدك فيها يعني وبرده خلي بالك لان دي بتختلف من بيت لبيت ومن محافظه المحافظه تفاصيلها هتختلف يعني وعموما بتبقى امور طالما الناس عن فيما بينهم قبول الدنيا بتبقى مرنه وبيقدروا يتفقوا فيها يعني وعادي حتى لو انت ما تعرفش اي حاجه في الحاجات دي واا خلاص حصل قبول ان شاء الله وطلبت انت من ابو البنت انه انا الاتفاقات والحاجات دي انا ما عنديش درايه بهافضل حضرتك فهمن ادارتها ازاي مش لسه حد مش عارف الدنيا تمشي ازاي طب هل انت محتاج ان حد يكون معك قبض عم خال الموضوع ده موجود في العرف بيبقى علشان لو الشخص اللي بيتقدم ده صغير لسه احنا قلقانين من ان هو يكون قد كلامه ولا لا بنبقى عاوزين نكون في ناس كبار احنا بنثبت معاهم الكلام او بنرجع لهم لو حصل من الولد ده. اي تغذيه في الكلام او حاجه احنا ما عرفناش.
تم النشر الجمعة، ٩ أغسطس ٢٠٢٤
أعانك الله وكتب أجرك. قدم نفسك بثقة واشرح وضعك بهدوء، لا تحمل هم إجابة الطرف الآخر. يعني أنت بالتأكيد لا تبحث عن الكلام ولا الأسلوب الذي يرضيهم، بل ستقدم ما لديك بتلقائية وصراحة ووضوح وثقة فإذا ناسبهم الأمر كان بها وإذا لم يناسبهم كان بها. وهذا أفضل من الحديث غير الصريح ثم لاحقًا نصطدم بحقائق لا نقبلها. بالنسبة لزيارتك وحدك، حاول مجددًا مع والديك أن يكونا متواجدين في هذا الحدث، ربما لانت قلوبهما.
تم النشر الأربعاء، ٧ أغسطس ٢٠٢٤
أولاً، أنا معجبة بقوتك وتحملك للمسؤوليات في سنك. واضح إنك عم بتعمل مجهود كبير عشان تعتني بإخواتك، وده مش سهل أبداً. بالنسبة للموضوع اللي بتسأل عنه، قد يكون هناك تحديات بسبب الظروف العائلية اللي انت فيها. لكن فكرة التقدم لبنت تعجبك ممكن تكون فرصة حلوة. أولاً ، حاول إنك تتكلم مع أهل البنت بشجاعة وصراحة. تقول لهم إنت فيك إيه؟ وتوضح لهم إنك شاب طموح وبتشتغل وبتدرس، وبتحاول تكون كفؤ للشخص ده. ثانياً ، لو هم يعرفوا وضعك العائلي، حاول تبين لهم إنك هتكون مسؤول في حياتك الجديدة. يعني، وضح إنك مش عايز تخلّي المشاكل العائلية تأثر عليك أو على حياتك. ثالثاً ، يمكن تتكلم مع البنت نفسها وتاخد رأيها في موضوع التقديم، عشان تعرف هي كمان مرتاحة للموضوع. ووجودها معاك ممكن يعزز موقفك قدام أهلها. وأخيراً، حاول تكون صادق في نواياك وكن واضح مع نفسك ومعهم. النجاح في العلاقات بيبدأ من الصراحة والثقة. ربنا يوفقك ويعطيك القوة. اذا احتجت نصيحة تانية، أنا هنا!
تم النشر الأربعاء، ٧ أغسطس ٢٠٢٤
شوف هل حالتك المديه تسمح انك تتجوز دلوقتي ولا لا وهل بعد الجواز هتقدر على اخواتك وبيتك مديناً او لا لو تسمح أتقدم وربنا معاك
تم النشر الأربعاء، ٧ أغسطس ٢٠٢٤
حاول مره واتنين مع والديك لعل وعسي يكون حدثك سبب لرجوع أمور جاء عليها الزمان وان شاء الله ثق ف عوض الله لك
تم النشر الخميس، ٨ أغسطس ٢٠٢٤
شكرا
تم النشر الخميس، ٨ أغسطس ٢٠٢٤
تمام فكره انك تروح لوحدك تمام بس لازم تتكلم في كل حاجه يعنى هتكلم حد وتاخد ماعد وتروح وبعدين هتتكلم عن وضعك وظروفك وكل حاجه وتتفق هتجيب شبكه قد اى عندك شقه ولا لا طب هتسكن ولة اى النظام وبعدين هتمشي وتستنا رد يا موفقين يا لا
تم النشر الخميس، ٨ أغسطس ٢٠٢٤
الحاله المادية تكفي بيتين و بالنسبة للرفيهيات هتكون ضعيفه الموضوع ف اي هي الاتفاقات اللي بتم
تم النشر الأربعاء، ٧ أغسطس ٢٠٢٤
و فكره انك تروح لوحدك ديه ممكن تصعب الدنيا معهم لكن لو الاهل نقسهم متفهمين و انت تقدر فعلا انك تبعد المشاكل بتاع البيت بتاعت مامتك وباباك عن شريكت حياتك ان شاء الله وفي نفس الوقت تبقي مع اخواتك و تفهمهم ده مش بالكلام بس بالافعال ف باذن الله خير لو شايف ان اهل البنت فعلا هيفهمو ده
تم النشر الأربعاء، ٧ أغسطس ٢٠٢٤
السلام عليكم سنه الحياه انك تتجوز وانت في سن طبيعي ل ده بس فكره انك شايل اخواتك كلهم مش هكدب عليك هتاثر لان انت هتبقي داخل علي جواز ف ده بيحتاج مصاريف كتير ف لازم تشوف انت مع نفسك لو اتقدمت هقدر اخلص الحاحات الي مطلوبه مني في مده قد ابه وخليك صريح معهم مناسب معهم كان بها عشان بس متقولش حاجه و ميحصلش عكسها
تم النشر الأربعاء، ٧ أغسطس ٢٠٢٤
لعرض السؤال في فدني اضغط هنا