السلام عليكم
انا متزوجه من ٣ سنين و قبلها ٥ سنين خطوبه
كنت عارفه ان زوجي بيشرب حشيش بس دايما كان يتعهد انه هيبطل اما نجوز وبعدها تعهد يبطل اما نخلف و حاليا عندنا بنت سنتين و انا وهو صيادله وبنشتغل واجبرني احط نص مرتبي فالبيت واي فلوس تيجي من والدي احطها عشان عندنا جمعيه وشرب الحشيش ماثر عليا ماديا ونفسيا وكمان اجباره ليا اني اشارك محسسني انه مش راجل ولا يعتمد عليه مع اني دايما كنت بساعده ماديا ومعنويا بس اما حسيت انه فرض الامر اختلف هو دايما ناسيني بابسط الاشياء عيد ميلادي اي هديه حتي مش متذكرني وكل يوم بفكر فالانفصال مع اني بحبه و بنته كمان متعلقه بيه جدا بس بحس اننا مش مهمين عنده او انا اللي مش مهمه!...
على فكره انتى الغلطانه من الاول كنتى رفضتى الخطوبه كنتى فكرى بنفسك اديكى دلوقتي مش عارفه تعملى ايه المهم كلميه بطريقه جد انو يبطل ما وقف شرب الحشيش اطلقى منو عشان هياثر عليكى فى المستقبل أما بنت تكبر على فكره اهم حاجه بنتك فى الموضوع ده كلو
تم النشر السبت، ٢٨ سبتمبر ٢٠٢٤
وعليكم السلام ورحمه الله وبركاته. وصل عشان اللي حاصل ده بتشبيه يعني بسيط شويه ما ينفعش ندخل اللعبه ونقبل بقوانين اللعبه الاول وبعدين في وسط اللعبه لما نلاقي قوانين مش هتخلينا نكسب او مش هتوصلنا بنفس السرعه للمكسب نقول لا مش لاعب فانت قبلتي بحاجه في الاول فقبولك للحاجه دي من الاول يعني دي ما كانتش لو الحاجه دي كانت مخفيه عليك فالموضوع هيبقى مختلف تماما في حاجه كده يبقى بنتكلم في حته ثانيه خالص لكن دلوقتي انت قولتي بده كان عندك علم به فده هيبقى زيه زي ما تبقى انت بصيتي على عيب من عيوب البني ادم وقابلت الشخص وقابلتي انك تتجوزيه رغم وجود العيب ده وما ينفعش اقول ان هو اتعهد او وعد ان هو يبطل بعد الجواز لان دي بتبقى يعني كارت محروق قوي في كل حاجه كان بيشرب سجاير وقال هيبطلها بعد ما نتجوز لا والله عايز يعمل حاجه كان عملها قبل ما نتجوز يعني لو ده كان شرط عندك كنت تقولي لا احنا مش هنتجوز الا لو بطلت لكن نفس البشريه ااا طبيعي لما هتلاقي خلاص همم مفيش حاجه تحفزها على اللي هي بتعمله ده مش هتعم. احنا كلنا حتى بني ادمين ربنا حط لنا ثواب وحطينا جنه ونار عشان ده شيء هو خلقت النفس البشريه هو ده هيكون محفز فيه ناس المحفز بتاعها انها مش عايزه تخش النار وفي ناس تانيه محفز بتاعها انها تخش الجنه فيعني دول ليهم طريقه تحفيز ودول لهم طريقه تحفيز فانت دلوقتي خلاص الشخص ده ايه اللي هيحفزه ان هو يبطل يعني ما الحقيقه ماشيه طب حتى المشاركه بالفلوس برده حضرتك قابلت ليها ما ينفعش دلوقتي ان انا اجي على الحاجات دي واقول لا انا بسبب الحاجات دي. خلينا نقول حلول عشان ما يعني ما يبقاش بتكلم معاكي بس في انه دي الغلطه كانت فين او نبقى نتكلم في الحته دي بس الحل ايه اول حاجه ضروري شويه بشويه تبداي تسحبي همم القدر اللي انت بتشاركي به باي طريقه يعني لو والدك بيبعت لك فلوس انت خلاص الفلوس دي خلي والدتك تاخدها تحوشها لك خليها ما توصل لكيش خليها بعد ما توصل لك انت حطيها في مكان وقولي له خلاص ما بقتش معايا او انا بقيت بساهم بيها فيثاني حاجه تقدري انك تبداي تقولي له ان انت محتاج تنفذ الوعد اللي انت وعدته لي محتاج تنفذه ازاي عايزه اشوف خطوات حقيقيه؟
تم النشر السبت، ٢٨ سبتمبر ٢٠٢٤
وعليكم السلام ورحمة الله وبركاته، أولاً، أود أن أعبّر عن تقديري لمشاركتك مشاعرك وتجربتك الصعبة. يبدو أنك تواجهين موقفًا معقدًا، وأفهم تمامًا مشاعرك حول عدم وجود الاعتماد والدعم من زوجك، بالإضافة إلى تأثير ذلك على صحتك النفسية والمادية. إن قرار الانفصال هو قرار مهم وحساس ويتطلب التفكير الجدي والمستفيض. إذا كنت تشعرين بأن هذا الوضع يؤثر سلبًا على حياتك ونفسيتك، فقد يكون من المفيد التفكير في خياراتك. من المهم أن تفكري في ما هو الأفضل لك ولابنتك. قبل اتخاذ أي قرار، قد يكون من الحكمة أن تقومي بالتحدث مع زوجك بوضوح عن مشاعرك واحتياجاتك. حاولي أن تقومي بفتح حوار حول الموضوعات التي تؤرقك، كالإدمان، الدعم المالي، والعاطفي، واحتياجاتك في العلاقة. إذا كان من الممكن، يمكنكما البحث عن استشارة زواج متخصصة قد تُساعدكما في معالجة تلك القضايا. لا تنسي أن الحفاظ على صحتك النفسية والجسدية هو أمر مهم، وأنت تستحقين حياة مليئة بالسعادة والراحة. في النهاية، يمكنك الاستعانة بالأهل أو الأصدقاء المقربين لدعمك في هذا الوقت. وفقك الله في اتخاذ القرار الصحيح الذي يخدم مصلحتك ومصلحة ابنتك.
تم النشر الجمعة، ٢٧ سبتمبر ٢٠٢٤
سؤالك دا سبحان الله اشاره ليا ف وقتها💔
تم النشر السبت، ٢٨ سبتمبر ٢٠٢٤
لازم يكون في قلم يفوقه والقلم ده هو البعد عشان يعرف قيمة الحياة الزوجيه ويكون دافع لمنعه شرب حشيش تانى
تم النشر السبت، ٢٨ سبتمبر ٢٠٢٤
ده موضوع مهم .. خدي رأي حد متخصص ضروري
تم النشر السبت، ٢٨ سبتمبر ٢٠٢٤
استشيري دكتور نفسي او شيخ القرية في امرك بس ف الاول والآخر انتي اللي قبلتي من الاول ولابد ان تملي نتيجة اختيارك
تم النشر السبت، ٢٨ سبتمبر ٢٠٢٤
حاولي كلميه في قد ايه دا مؤثر في فلوس البيت وطبعا بالاسلوب الحلو وحاولي اقنعيه انو يبطل يا اما البيت هيخرب بسببه هو بس وحاولي اقفي جمبه دايما ووريله فيديوهات بتبين اضرار الحشيش وفي جمعيه خيريه مجانيه في حدايق الاهرام بتساعد علي ترك ادمان الحشيش وفي ادويه اكيد هتكوني عارفاها طالما انتي صيدلانيه بتساعد علي العلاج من الحشيش واعراض الانسحاب زي فلوكستين اه هو غالي شويه بس لازم نضحي ونتعب وخليكي عارفه مفيش حاجه بتتبطل بالساهل كلو ليه عاواقبه وبسكدا
تم النشر السبت، ٢٨ سبتمبر ٢٠٢٤
لعرض السؤال في فدني اضغط هنا