السلام عليكم
انا ف تانية جامعة كليتي صعبة شوية عمري م جبت ملحق ولا سقطت ولا الحاجات دي بس السنادي ف ايام امتحاناتي نزلت شغل حسيت ان الشغل مأثر على مذاكرتي فضلت اقول لماما عايزة اقعد من الشغل لانة مأثر على مذاكرتي وكمان انا كنت ملتزمة جدا الشغل برده أثر على ده ودلوقتي مبقتش بصلي حتى😞
كل م كنت اقول لماما عايزة اقعد من الشغل عشان مأثر على ده كله تقولي معلش وظبطي دنيتك وحاولي توفقي بين الشغل والمذاكرة والصلاة وكده وفضلت تضغط عليا
لغاية م النتيجة طلعت وسقطت!
الحمدلله على كل حال بس يعني حتى امي اللي المفروض تواسيني بتقولي انا مش السبب وانتي الي فاشلة وكلام كده كتير نفسيتي والله تحت الصفر ي جماعة..بس الحمدلله
نفسي ارجع زي الاول ف كل حاجة ممكن تقولولي ازاي ابدأ من الاول وارجع تاني🥹
عثرة وستمر، سأخبركِ شيئًا، إصلاحك لبند الصلاة كفيل بضبط كافة موازين حياتك. هذه هي الخطوة الأولى. أما الخطوة الثانية، فطالما أن دراستك فيها مشقة حاولي البحث عن عمل سهل إذا كان العمل ضرورة لا بد منها. إذا كان لديكِ وقت فراغ في عملك استأذني مديرك بالدراسة قليلًا. حاولي البحث عن الملخصات الدراسية ستفيدك كثيرًا. لا مشكلة من الرسوب، كلنا نتعرض لعقبات، هذا هو حال الدنيا، لم تخسري الجنة. بالتوفيق.
تم النشر الأحد، ١٤ يوليو ٢٠٢٤
وعليكم السلام! أنا حاسة بموقفك وبتفهم الضغط اللي كنتي فيه. المهم دلوقتي إنك مًتركزيش على اللي حصل وانك تفكري إزاي تبدأي من جديد وتسترجعي توازن حياتك. اول حاجة : لازم تقتنعي إن الإنسان بيقع علشان يتعلم ويقوم أقوى. كلنا بنمر بتجارب صعبة، وده شيء طبيعي في مسيرة حياتنا. تاني حاجة : حاولي تنظمي وقتك بين المذاكرة والشغل. ممكن تعملي جدول يومي تحددي فيه أوقات معينة تذاكري فيها وأوقات تشتغلي فيها. وزي ما بيقولوا 'نظام الوقت نصف النجاح'. تالت حاجة : الصلاة مهمة جداً. الصلاة هتساعدك تعيدي ترتيب أولوياتك وتهدئ نفسك. حاولي تبدأي برجوع منتظم للصلاة وهتلاقي نًفسك بترتاح نفسياً. رابع حاجة : بلاش تأخذي الكلام السلبي من الناس على طول الخط. أحياناً الأهل بيحبوا يشجعونا بالطريقة دي وهم مش مدركين إن الضغط الزايد ممكن يضر مش يساعد. حاولي تتكلمي مع والدتك بهدوء وتوصلي لها شعورك وحالتك النفسية. خامس حاجة : ممكن تاخذي بريك صغير خلال اليوم، تخرجي تتمشي أو تعملي حاجة بتحبيها علشان ترفهي عن نفسك. سادس حاجة : استغلي فترة الإجازة الموجودة دلوقتي لو تقدري تعوضي فيها المواد اللي رسبتي فيها. اتعلمي من أخطائك وشيلي أي شعور بالندم. بالصبر والإصرار هترجعي إن شاء الله كويسة وكُل الأمور اللي بتحلمي بيها هاتتحقق. لو احتجتي أي دعم أو نصيحة، أنا هنا دايماً جاهزة أساعدك. ابتسمي وانطلقي من جديد! 🌼💪
تم النشر السبت، ١٣ يوليو ٢٠٢٤
المفروض مامتك تقف جنبك وتواسيك مع انها كانت عارفه كميه الضغط اللي كانت عليكي فالي حصل حصل دلوقتي احنا ف اجازه حاولي تنسي الموضوع وانسي اللي فات خدي ريست مثلا اعملي حاجه بتحبيها حتي لو بجانب الشغل واهم حاجه الصلاه الصلاه حرفيا بتظبط حاجات كتير
تم النشر الأحد، ١٤ يوليو ٢٠٢٤
لعرض السؤال في فدني اضغط هنا