حاسه بخلل في العقيده وكأني في صراع بحاول أثبت لنفسي إني مؤمنه بس المؤمن من رضي بالقدر خيره وشره بس للأسف حاسه إني مش راضيه وخايفه اموت وانا كده من حوالي 9 شهور اختي ماتت جوزها قتلها (مريض نفسي) كانت بتعالجه من مستشفى لمستشفى وتجري على ورق المعاش علشان غير قادر على العمل وتشتغل من البيت تصنيع حلويات علشان تسند في جواز بنتها وتعليم اولادها
آخر فتره تعب والمفروض أنه كان هيدخل المستشفى لتاني مره بس قبل ميعاد حجزه بكام يوم قتلها وهي نايمه مش قادره أتخطى إلى حصل مش المفروض إن جزاء الإحسان إحسان فين الاحسان الى شافته اختي؟
ده أهله كانو عايزين يحبسوه في اوضه ويتقفل عليه بالمفتاح وهي رفضت يبقى ده جزاءها وبابا مصمم أنه يربي ولادها الصغيرين عندنا وبيقول دول امتداد بنتى بس انا حاسه برفض ازاى نربي ونكبر ولاد الراجل اللي حرمنا من أختي
كل اللخبطه دي مخليناني حاسه بيأس وتذبذب على المستوى الديني وإحباط واكتئاب في حياتي ولجوء لدكاتره نفسيين وعلاج ونوم بالايام وأحاول اغير من الوضع الاقي صوت جوايا بيقول اختك كانت يتعافر وتجتهد وعملت الى عليها والى على غيرها وايه كانت النهايه مأساه يبقى ملوش لزوم اني اعيش اصلا فكره الموت والانتحار مسيطره عليا بس بجاهد بكل قوتي ادعولي بالثبات وادعولها بالرحمه
اللهم اغفر لأسماء و ارحمها اللهم احشرها مع النبيين والصديقين والشهداء وحسن أولئك رفيقا اللهم اجمعني بها عاجلا غير آجل اللهم توفني مسلما والحقني بالصالحين
والله الظاهر ان عندك اعراض حزن طبيعية جدا وخيبة امل وصدمة في الواقع وده طبيعي جدا لأن دي روح اختك ودمها انهدر بكل بساطة وماتت اختك والرجل مريض نفسي مش هنستفاد لو عاديناه بل هنرهق نفسنا ثقي ان لله حكمة وإن الله ارحم من ان يميت اختك ليعذبك ويحزنك بل هو له حكمة وهو بنا رحيم ولاكن هي رجعت للي خلقها وهي بإذن الله شهيدة (أنا مش عارف الله أعلم) ولاكن اختك في مكان أفضل وكلنا هنموت فكانت هتقعد في الأرض ممكن ده كان يضرها المهم لسة الحياة فيها أمل وفي حاجات تستاهل نعيش لها والأولاد محتاجين اللي يحتويهم ابوهم مريض وامهم ماتت وهم الآن في صدمة .. وللحزن مراحل لازم تمري بها كلها إلى مرحلة التقبل بإذن الله .. وجزاكي الله خير انك تجاهدي نفسك الله يجزى اختك الجنة والجميع
تم النشر السبت، ١٩ أبريل ٢٠٢٥
السلام عليكم ورحمة الله وبركاته، اولا لاشك عندي أن الشيطان هو السبب الاول لما وصلتِ لهُ الأن، ثانيا كل مافي الامر ان هذه وسوسه والانسان لا يتبعها لكن اذا كانت لاتطاق الانسان يثبت ويصلي ويثبت حتي يرفع الله عنه البلاء ولا شك ان هذا حدث لكي من الظروف التي تحدث حولك لذالك الانسان يحاول ان يفكر في كل أمر علي حدى ويتخطى امر امر حتى ينتهي من صراع الدماغ وبالتبعيه وسوسه الشيطان وهذا علي الرغم من خطورته ايضا لما قد ينجرف الشخص خلف رأي يضعه له الشيطان إلا إن هذه هي الطريقه الوحيده والاهم منها هي الصبر والتوكل علي الله وايضا رتبي يومك ومهامك واشغلي يومك بالقرآن والصلاه و اذكار الصباح والمساء والتسبيح هذه وقايه عظيمه والعبادات وماينفعك ومع مرور الوقت ينتهي هذا الامر ويرفع الله عنكِ البلاء أما بالتشبث هذا لن يفيدكِ شيئ سوا التعمق في الوحل أكثر وأكثر ، أسأل الله لكي الثبت وأن يبعد عنكِ وساوس الشيطان
تم النشر الجمعة، ١٨ أبريل ٢٠٢٥
🎤 إجابة صوتية
تم النشر الأحد، ٢٠ أبريل ٢٠٢٥
عزيزتي آلاء، أقدر موقفك الصعب والألم العميق الذي تشعرين به بعد فقدان أختك، خاصة بهذه الطريقة المأساوية. من الطبيعي أن تمر كل إنسان بمراحل من الحزن والشعور بالاضطراب في العقيدة بعد فقدان شخص عزيز. الألم الناتج عن الفقد يمكن أن يؤدي إلى تساؤلات عديدة حول الإيمان والعدل الإلهي. يجب أن تعرفي أن الله تعالى يُبين لنا في كتابه الكريم أن لكل إنسان دورًا في هذه الحياة، وأن الأقدار تتغير في لحظة. ومع ذلك، يظل التمسك بالصبر والإيمان بالله هو المفتاح لعبور هذه الفترة العصيبة. إن مشاعر اليأس والإحباط التي تشعرين بها ليست دليلًا على ضعف الإيمان، بل هي جزء من تجربة الأمانة الإنسانية. يمكنك أن تتحدثي مع أشخاص تثقين بهم، مثل أفراد الأسرة أو أصدقائك المقربين، أو حتى المعالجين النفسيين الذين يمكنهم تقديم الدعم والمشورة. فيما يتعلق بتربية أولاد أختك، من المهم أن تتذكري أن هذه الأطفال يحتاجون إلى الحب والدعم في هذه الفترة الحرجة، ويجب أن تكون عملية تربيتهم مستندة إلى التعاطف والتفهم. استمري في الدعاء لأختك، فهو طريق جميل للتواصل مع الله. تذكري أن الله رحيم ويعرف صدق قلوبنا، وأن الشهيدة هي في أعلى درجات الجنة بإذن الله، فابذلي جهدك في بناء أمل جديد والتفكير في الأفعال الإيجابية التي يمكنك القيام بها لإحياء ذكرها. أدعوكِ أن تستمري في الدعاء لنفسك ولها، واستخدمي هذه الأوقات الصعبة لتقوية إيمانك. اللهم اجعل أناتك وألمك في ميزان حسناتك واجمعك بأختك يوم القيامة.
تم النشر الجمعة، ١٨ أبريل ٢٠٢٥
الله يرحمها ويغفرلها ويصبركوا يارب. موقف صعب اوي ياحبيبتي وكبير. بس انتي عندك شويه حاجات مختلطه مع بعضها بسبب الصدمه الكبيره دي. أولا فكره ان ماجزاء الإحسان إلا الإحسان دي حقيقه طبعا انتي بقي ايه عرفك اختك هتتجازي ازاي؟ احنا بناخد جزء صغير اوي من الجزاء في الدنيا وكلنا بنستني جزاء الاخره. فاانتي محتاجه تخرجي نفسك من مشهد الاله. لان وما الحكم الا لله احنا بنتحاسب على كل الأعمال مشاهد الحياه كلها واختك عامله كله خير❤️في كل الأحوال دي اعمار وكان رزقها هيخلص ف نفس الوقت حتى او مكانتش توفت بالطريقه دي. فاانتي احزني براحتك الفراق صعب. لكن نعمل دورنا وهو انه اقل تعبير عن الحب لاختنا دي اللي استحملت صعوبه التعامل مع جوزها وضغط شغل وبهدله عشان تخلي حياه عيالها حلوه فنروح احنا نقولها لا مش هناخدهم عندنا؟؟ لا احنا نقول اننا بنحبها بااننا نخليهم حلويين زي ماهي عايزه واكتر. هما مالهومش ذنب انه باباهم بيمر بحاله نفسيه. بس الحمدلله ان ربنا لطف بيهم واداهم اخت زي اختك واكيد طالما هي كانت جميله كده فااكيد البيت اللي خرجت منه احلى منها كمان. فربنا يجازي والدك خير بتربيه أطفال يتيمه من الجهتين وخاله حلوه زيك تبقى حنينه عليهم وكإنهم اول أطفال ليها ♥️. وربنا قال في سوره الملك تَبَارَكَ الَّذِي بِيَدِهِ الْمُلْكُ وَهُوَ عَلَى كُلِّ شَيْءٍ قَدِيرٌ. الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلا وَهُوَ الْعَزِيزُ الْغَفُورُ. يعني كلنا هنتحاسب على أحسن العمل. وربنا بعتلك اختبار تقيل شويه ياحبيبتي انتي والبيت كله فخرجي احسن ماعندك. رب الخير لا يأتي الا بالخير. ياعالم ازاي أطفال دي هتفتحلك أبواب رزق دنيا وآخره. وربنا يجازي اختك الجنه. ويربط على قلبكوا♥️
تم النشر الأحد، ٢٠ أبريل ٢٠٢٥
الله يرحمها ويغفر لها ويصبركم ويثبتكم ويرزقكم الصبر والسلوان... عارفة إنه صعب عليكي استيعاب اللي حصل وتقبله بس تأكدي إن أقدار الله كلها خير وإن كان عقلنا مش مستوعب ده ... حاولي تفكري ف أولادها إنهم حتة منها يمكن ده يساعدك تتقبليهم ويمكن يساعدك تخرجي من محنتك... الله يهونها
تم النشر السبت، ١٩ أبريل ٢٠٢٥
ربنا يرحم أختك .. مفيش كلام يتقال الحقيقة موقف صعب جدا .. بس حاولي تتواصلي مع أحد الشيوخ الثقات
تم النشر الجمعة، ١٨ أبريل ٢٠٢٥
اللهم آمين اللهم أرزقني اليقين والرضا بقضائك وقدرك
تم النشر الثلاثاء، ٢٢ أبريل ٢٠٢٥
سمعت نفس القصة عندنا في مصر محافظه شمال سيناء الله يصبرك
تم النشر السبت، ١٩ أبريل ٢٠٢٥
لعرض السؤال في فدني اضغط هنا