السلام عليكم ورحمة الله وبركاته
انا ام لطفلين ولد وبنت كل ما اذاكر لهم لو غلطو معايه بتعصب عليهم بسرعه جدا وابني حساس جد بيفضل يعيط من غير ما بضربه عكس اخته مش عارفه اتعامل معهم صح وانا بزعل من نفسي اوي اني بتعصب عليهم والمشكله ان ابني بحس بشخصيته ضعيفه جدا اي حاجه بتزعل وتخليه يبكي وبحسه خواف اوي وضعيف اوي في الأكل وعنده عدم تركيز شديد في الدروس وده بيسببلي زعل اوي عليه ومش عارفه اتعامل معاه ازي ونفسي بجد ابقي ليهم ام صالحه ونفسي اربيهم تربيه حسنه ونفسي اشوفهم بجد شطرين ومتفوقين ومش عارفه اتصرف ازي معاهم
نصيحة لحضرتك حاولي تبدأي حضرتك بنفسك تبدأي تتحكمي في أعصابك وتفكيرك عند العصبية أو عند الحنية تتعلمي إزاي تكون صاحبة فعلاً لولادك ،واديهم فرص في بعض الحاجات هما يتصرفوا فيها ،اديهم الثقة وقوليلهم مش عيب انكوا تغلطوا ولكن العيب نكمل على الغلط لكن ده مش معناه حضرتك برضه تسيبي الأولاد خلي حضرتك خايفة عليهم وتستمري على تنشيفهم بس بالعقل والثقة حقك في الأول والآخر حضرتك أم وهتتسألي عليهم اوعي تهملي أولادك واهتمي ببناء ثقة معاهم وابدئ بنفسك وكان الله في عون حضرتك
تم النشر الاثنين، ١٢ أغسطس ٢٠٢٤
اولا المذاكرة مش بالخناق والعصبية خليك ريلاكس انا عارفة ان بعض الامهات كده خصوصا لما الولاد يغلطوا في شئ لكن ده مش حل وممكن يكره مدرسته ودراسته بسبب كده فخليك هادية واصبري عليهم متبقيش سريعة الغضب والعصبية ثانيا ابنك لازم تدعيميه انت ولو عنده هوايات او مهارات اعملي علي انه يطورها واسمعيه خليك انت وباباه قدوة حسنة لييه
تم النشر الثلاثاء، ١٣ أغسطس ٢٠٢٤
وعليكم السلام ورحمة الله وبركاته! أولا، حابة أقول لك إنك أم رائعة تحسي بمسؤوليتك وعايزة تعملي الأفضل لأولادك. كل أم بتواجه تحديات، ومش دايمًا الأمور بتكون سهلة. بالنسبة لابنك، الأهم إنك تحاولي تبني بينكم علاقة ثقة. قولي له إنك بتفهمي مشاعره وإنه عادي إنه يحس بالخوف أو الضعف. حاولي تقدمي له الدعم بدل التعصّب. لما يغلط، ممكن تقولي له "مفيش مشكلة، كلنا بنغلط"، وكده تحاولي تعلميه إنه لازم يتعلم من الأخطاء. وبالنسبة لعدم تركيزه في الدروس، ممكن تحاولي تقسمي الدراسة لأجزاء صغيرة مع فواصل بينهن، يعني خليه يدرس شوي ويأخذ فترة راحة. وكمان تشجعيه لما يعمل حاجة صح، حتى لو كانت بسيطة. الهدية أو المكافأة الصغيرة بتخليه يحس إنه فيه تقدم. أما بالنسبة لكرسي الأكل، حاولي تقدمي له أطعمة متنوعة وبطرق جذابة، وكمان أحيانًا ممكن تجربي تاكلي معاه وتخليه يشارك في تحضير الأكل، ده ممكن يخليه مستانس ويشجعوه عشان يأكل. وفي النهاية، متزعلش من نفسك، كل أم بتغلط ودا شيء طبيعي. حاولي تحسي بالراحة وأنتي بتربيهم. إذا احتاجت نصيحة أو دعم أكتر، من الممكن تدوري على استشارة مع مختص. أنت مش لوحدك!
تم النشر الاثنين، ١٢ أغسطس ٢٠٢٤
لعرض السؤال في فدني اضغط هنا