السلام عليكم
انا عندى34سنه ومتزوجه ولدى 4اطفال ومخلصه كليه بس مشتغلتش بس حاسه فرصتى ضاعت ومحققتش ذاتى نفسى اعمل حاجه وانجح فيها مش عارفه اعمل ايه انصحونى.
شكراً لحضرتك علي المشاركة شايفة ازاي ممكن تحققي ذاتك؟ (نفسي اعمل حاجة وانجح فيها ) خلال ٣٤سنه ايه الحاجات اللي عملتيها ونجحتي فيها بالفعل؟
تم النشر الاثنين، ٥ فبراير ٢٠٢٤
بصي انتي عندك افكار كتير افتحي براند ليكي شمع او طبخ اعملي يوميات فيدي الناس بي اللى عندك طبعا انك تشتغلي وتنزلى ده على أرض الواقع صعب فااا اختاري حاجه تعمليها وانتي في البيت اعملي انتي وصحباتك مشروع تكونو حابينو وان شاءالله ربنا يرشدك للصالح
تم النشر الأحد، ٤ فبراير ٢٠٢٤
إذا كنت ناجحة في تربية أطفالك تربية سليمة والعناية بزوجك من كل الجوانب فأنت حققت الكثير والكثير أحسن بكثير من اللي بيشتغلوا وفاشلين في البيت! مش لازم تكوني بتشتغلي علشان تكوني حققتي ذاتك!
تم النشر الأحد، ٤ فبراير ٢٠٢٤
ايه المشكلة انك تبداى دلوقتى ، ابداى اتعملى حاجة بتحبيها او طرى نفسك واشتغلى فى فرص شغل اونلاين كتير ، اسعى وادعى ربنا يوفقك
تم النشر الأحد، ٤ فبراير ٢٠٢٤
بالعكس انتي ناجحه.. وناجحه جدا.. كونك ام ومسؤله عن بيت وزوجك واولاد وقادره انك تديري بيتك وتربي اولادك صح ف انتي كده ناجحه.. وفرصتك مضاعتش ولا حاجه وتقدري تنزلي تشتغلي.. بس تكوني واثقه انك هتفضلي مهتميه ببيتك وزوجك واولادك ومتقصريش في حقهم.. وكمان فين شغل اونلاين كتير اويي لو عايزه شغل من البيت.. ومتحاوليش تحبطي في نفسك بالعكس.. شجعي نفسك دايما وحبيها
تم النشر السبت، ١٠ فبراير ٢٠٢٤
بصي كون انك مسؤولة عن بيت و اطفال و محافظة عليهم دي ف حد ذاتها حاجة كويسة لو انتي عندك هواية طوريها و جربي تعملي بيزنس ليكي صغير او شغل اونلاين من البيت لو عندك وقت فاضي كتير
تم النشر الأربعاء، ٧ فبراير ٢٠٢٤
الشغل لا بيحقق ذات راجل ولا ست الشغل وسيلة للمعيشة بالأساس ولو ربنا كرمك بشغلة معاها رسالة فزي الفل لكن مش الاساس ولا الشغل نفسه هو اللي حقق الذات تحقيقي الذات مصطلح مش موجود في الاسلام لان ببساطة لو اديتي المهمة اللي ربنا خلقك ليها يبقى انت كدا ناجحة سيبك من مقايس الناس ونظرتهم وسيبك من توجه الافلام والمسلسلات والسوشيال وكل ده وابداي طوري نفسك وابني هوايات احفظي قران وخدي دورات دينية اقري كتب اتعلمي هوايات جديدة اتعلمي عن التربية وطبقي مع ولادك وهكذا الحياة اوسع من الشغل بكتييير
تم النشر الاثنين، ٥ فبراير ٢٠٢٤
ومحتاجة تغيري نظرتك للشغل
تم النشر الأحد، ٤ فبراير ٢٠٢٤
انت بالفعل عملتي ونجحتي
تم النشر الأحد، ٤ فبراير ٢٠٢٤
لعرض السؤال في فدني اضغط هنا