مش عارف ليه أفتكرت بيت شعر قديم بيقول فأما الحسان فيأبينني ... أما القباح فآبى أنا واما الحسان فيهجونني واما القباح فاهجو انا خلي بالك الحياة و ( اختيارات الجواز ) مالهاش اي علاقة بقلبك اللي بينزل ينقي البنات علي اعتبار انه في سوق عكاظ ، دا لو كان فيه جواري بتتباع فيه و البنات في العصر الحالي و ف اي عصر مش جواري .. أنت محتار و مش عارف تقرر علشان ( انت اصلا مش عارف انت عايز ايه ) معندكش ( معايير محددة في عقليتك ) تقولك انت عايز واحدة مواصفاتها ايه ، و ده مش شيء غريب .. عمرك سألت نفسك ( ايه مواصفات شريكة حياتك ) ..!! الشيء التاني اللي لاحظته انك Open minded قوي من ناحية العلاقات و عادي تعجب بوحدة لحد اما تلاقي اللي تنسيك الاولانية ، و بتروح ترتبط بواحدة و تحب اختها ..!! كان نفسي اقولك مش فاهمك بس انا للاسف فاهمك كويس ، مفيش حاجه في الدنيا بحالها اسمها البنت الكاملة من مجاميعه و ده لكذا سبب هذكر منهم سبب واحد انك مش الراجل الكامل من مجاميعه و الكمال اصلا لله ، يعني معاييرك لازم تلائم معايير مجتمعك ، لو انت قولت بدور علي الحب انا كنت هشعر بيها و اقراها في كلامك انا عندي سينسور في دماغي بيحدد العلاقة اللي قايمة علي حب ، أو حتي لو فيه و الشخص بينكر ، صديقي قبل ما تهاجمني او تعترض علي كلامي .. لازم تعرف ان البنات حاجه رقيقية قوي سواء هيه حلوة ولا وحشة في عنيك مفيش اي فرق لا في المشاعر ولا في الحب ولا في اي حاجه و ( لو انت فاكر) ان اي واحدة لما بتيجي تعترف لك بمشاعرها فده عادي صدقني دا بيبقي حرفيا شيء خارق بالنسبة ليها و ضغط علي اعصابها بس بتتحمله علشان شايفه ان فيه امل ، ( أو بتحبك ) .. متخيل ..!! ممكن يكون فيك مواصفات الحسن و الجمال او تكون مرتاح الحال و مبسوط و الله يباركلك و لكن متستهترش بمشاعر حد و تذكر انك (راجل) فلازم تبقي كده ( قولا و فعلا) و بلاش تظلم بنات الناس معاك و قبل ما تقرر (حدد انت عايز ايه) و قرر من قلبك انت ( عايز ترتبط ولا لاء) ، لحد اما تقرر و تصلي (صلاة استخارة ) بنية ان ( ربنا يوفقك و ييسر لك الأمر ) لو فيه خير فبلاش تتسرع و لا تدي وعود و لا تتقمص زي العيال الصغيرة حتي لو حد عمل حاجه (خاصة بيه) مش بيك في أمور (حياته) مش حياتك فأبسط شيء تعملمه انك تفرح له خصوصا لو ( اخوك ) افرح له من قلبك هو عمل زي اي راجل و حدد و قرر و اتوكل و ربنا كرمه ، سيبك من غيرة الأطفال و ( اعقل ) ربنا يوفقك و يكرمك .
ماشي 🤷♂️😂😂😂
تم النشر الثلاثاء، ١ أكتوبر ٢٠٢٤
مع اللي صورة بروفايله قطه 😂
تم النشر الثلاثاء، ١ أكتوبر ٢٠٢٤
مع مين 😕😅
تم النشر الثلاثاء، ١ أكتوبر ٢٠٢٤
أنا بتفق معاه 😂
تم النشر الثلاثاء، ١ أكتوبر ٢٠٢٤
يا اخويا انا مقعدتش اتفرج انا قولتلك ليه متقدمتش انت فاهم يعني ايه كسرة واحده لما تلاقيني سيبتها وركزت ف اختها وللمره التانيه انا مقعدتش اتفرج ولا قصة انه اخويا طلع راجل وراح نفذ وخلص وانا بلعب هنا انا قولتلك كويس ليه منفذتش دي نقطه ثانيا مين قالك انه مفرحتش او مساعدتش اخويا بحاجه بالعكس انا فرحت وهيصت معاه وكنت كاتم كل حاجه جوايا ومنكرش انه ظهر عليها بعض الضيقه ف الخطوبه بس بررتها لناسي شويه انه عشان كنت متضتيق ازاي انا الاخ كبير ومعلمش حاجه زي ده واعلم فجأه وفعلا كنت متضايق من النقطه دي شويه ثانيا انا مش بمشي ف الدرا قولتلك ولا انا اللي بعتلهم اصلا لما كلموني دول هما اللي بعتوا لأنهم كان عاوزين يسألوني عن شويه حاجات تخص الثانويه ورديت عادي وبعدها فضلنا نتكلم لمده شهرين وكله واتس بس اصلا وقفلت الموضوع بنفسي انا ثانيا انا عارف كشخص ملتزم لازم اوفر مشاعري لشخص واحد احبه عشان ربنا يوفقنا فلما حسيت ناحية شخص بالإعجاب بيني وبين اختها وقررت بيني وبين نفسي انه اتقدملها بعدها اتفاجئت بالبنت اللي متعلقه بيا دي هيبقي وضعها ازاي انه انا جاي اتقدم لأختها عشان كده أجلت الموضوع مش قصه لعب ولا بلعب ف الدرا او مليش ف التنفيذ بس حفاظا عشان مشاعر البنت اللي بتحبني دي لكن مكنتش اعرف انه اخويا هيروح فجأه ويخطبها هو اصلا بس يلا النصيب اتمني حضرتك تكون فاهم كلامي كويس
تم النشر الاثنين، ٣٠ سبتمبر ٢٠٢٤
بالعكس انت اللي مفهمتنيش .. انا لما بركز مع موضوع بهاجم علشان الشخص لما ييجي يدافع يوضح اكتر بص كده .. [ انا شخص ملتزم جدا] [ البنت اللي بتحبني واختها انا كنت بكلمهم علي فون واحد] [ اتكلمت معاهم شهرين وبعدها قفلت كلام معاهم وقولتلهم ده غلط ] [ كنت حاسس انه قلبي مايل لأختها وبيتشد ليه اكتر ] دا كله كلامك .. مش حاسس بحاجه فيه .. مفيش اي سنة تناقض .. رشة تعارض .. و بعدين تمام فهمت انك شخص ملتزم و انك زي اي شخص ليك زلة او كبوة زي ما المثل بيقول لكل جواد كبوة ، انت متعرفش كملتزم ان الواحد لازم يوفر حبه و مشاعره للانسانة اللي رسميا هتبقي حلال ليك علشان (( المعادلة )) ركز معايا 1- احمد حب مني تمام .. و هيه حبيته .. و محصلش نصيب . 2- احمد اتجوز نجلاء ،3 مني اتجوزت علي .. عارف احمد ظلم كام واحد و مني كذلك .. احمد ظلم نفسه و ظلم مني و ظلم نجلاء مراته و مني ظلمت نفسها و ظلمت احمد و ظلمت علي جوزها ، هي دي معادلة الملتزم اللي عارف ان اي حب لازم يوفر لحين الارتباط الرسمي ، ثانيا انت حسيت - و حبيت - و كتمت .. و قعدت تتفرج اخوك قرر و نفذ .. ممكن حضرتك تشرحلي من منطق اخوك و هو بيسألك فرضاً أنت مش فرحان ليا ليه هترد تقوله ايه .. !! الحب شعور نبيل و علشان هو شيء ثمين و نبيل مش بنطلعه كده بالساهل و خلاص ، و مقدر طبعا مشاعرك النبيلة في انك مرضيتش تكسر قلب بنت قعدت شهرين تكلمها و البنات عاطفيين قلوبهم مفتاحها المملكة الحلوة و تبادل المشاعر المشتركة .. استني مش حاسس اني مبتزل شوية و انا بقول كده .. انا جاي عليك قوي صح .. أنت إنسان محترم و عايز تجرب الحب انت جربت ، بس مهما كان حسيت بايه الاعتبار الأول و الاخير للواقع و الواقع بيقول انسي اللي فات و متكررش نفس الغلطة و انت مش مجبر تطلع نفسك صح او غلط بس لنفسك لو عايز حد يقولك اخوك ملهوش حق يعمل كده محدش هيقول علشان فيه فرق بين اللي بيمشي في الدرا و اللي بيمشي في النور و محدش بيعرف خبايا القلوب الا الله اخوك مشي في النور انا فرحان ليه ، و انت انسان ملتزم و حد محترم و عنده قلب و متكلم و محبوب كمان دي نعمة من ربنا عليك .. المرة الجاية لازم تتصرف تصرف يليق بيك و بشخصيتك و عقلك و التزامك .. و ربنا يوفقك .
تم النشر الاثنين، ٣٠ سبتمبر ٢٠٢٤
واضح انه مش فاهمني اصلا ياريت حضرتك تفهم موقفي كويس اولا انه مش اوبن مايندد بالعكس انا شخص ملتزم جدا وده اللي بيخلي البعض يفكر فيا وكمان ليا معايير ف الجواز و مش اي جوازة وخلاص وعشان كده لحد دلوقتى ما اتجوزتش رغم انه بشتغل وموظف الحمدلله لكن مش اي جوازة وخلاص برضو ثانيا البنت اللي بتحبني واختها انا كنت بكلمهم علي فون واحد لمده شهرين وواحده تقفل والتانيه تفتح والاتنين فرق ما بينهم سنه في السن ثانيا اتكلمت معاهم شهرين وبعدها قفلت كلام معاهم وقولتلهم ده غلط ووقت ما كنت اكلمهم كنت حاسس انه قلبي مايل لأختها وبيتشد ليه اكتر وبرتاح وبفرح انه بكلمها لكن بعد ما قفلت معاهم الكلام بعدها بشهر عرفت انه البنت دي بتحبني ورافضه اي حد يتقدملها عشان عندها أمل اتقدملها وانا اصلا كنت بفكر أخطب اختها بس سكت وكتمت بيني وبين نفسي عشان مكسرش قلبها هي خصوصا لما تلاقيني سيبتها وخطبت اختها وفضلت ابعد لكن اتفاجأت لما نزلت قريب البلد عند اهلي انهم قروا فاتحه اختها اللي كنت معجب بيها لأخويا وحددوا الخطوبة تاني يوم بعد ما انزل علطول حسيت وقتها بكسرة وانه اللي عملته كله غلط وانه فرطت ف شخص كنت حاسس انه قلبي خاسس وياه بالفرحه رغم انها مش فيها كل المعايير اللي بتمناها لكن حسيت ناحيتها بالقبول والراحه والإعجاب ودي حاجه مش ب ايدي والله ثانيا بالنسبة للبنت اللي بتحبني وانا كنت معجب ب اختها ف انا لا وعدتها بحاجه ولا قولتلها اصلا مره معجب بيكي ولا حتي كنت ب أطيل الحديث معاها وأرغي اصلا اما بالنسبة لأخويا فمش قصه قمص والله لكن انت تخيل تحب واحده تلاقي اختها بتحبل فتأجلها عشان متجرحش اختها فتروح تتخطب لأخوك يعني هتبقي بعدين ف وشك دايما انت فاهم احساسي
تم النشر الاثنين، ٣٠ سبتمبر ٢٠٢٤
لعرض الإجابة في فدني اضغط هنا