مشكلتي هي أن انا بفكر في حاجات كتير وانا بعمل حاجة تانية وبالتالي مبركزش في الحاجة التانية دي اصلا يعني مثلا ممكن ادخل الحمام وانسي أن انا دخلت اصلا لأني قبل ما ادخل بفكر وبتنيني افكر لحد ما اخرج وأروح حته تانية ممكن ادخل اشرب وانا مش فاكر اصلا أن انا روحت عند الثلاجة يعني ببقي مغيب من كتر التفكير يعني مش في وعيي تقريبا ده بالنسبة للأعراض أو ايه اللي بيحصلي بسبب التفكير طب انا بفكر في ايه بقي ممكن اكون بفكر مثلا وانا قاعد في الدرس ومش مدي للحصة تركيز اصلا انا هعمل ايه بعد ما اروح واتنيني اعيد وازيد في نفس الفكرة خايف ل انسي انا عاوز اعمل ايه بعد ما اروح وبنسي بردو انا عارف أن معظمنا كده مبيركش في الحصة ولكن الموضوع عندي زايد شويه بتنيني مثلا افكر انا هعمل ايه في المستقبل .....القريب يعني مثلا بكرة هعمل ايه هبدأ يومي ازاي مش عارف ايه ببقي ماشي مع زمايلي في الشارع مثلا وبيكلموني وانا في دنيا تانيه بيكلموني وارد عليهم لكن لا مركز ولا عارف هما بيقولوا ايه ولا عارف انا برد بقول ايه ودا طبعا سعات بيسببلي احراج كبير لما بيقولوا لي انت معانا يابني طب احنا كنا بنقول ايه كل ده لاني ببقي سارح في عالم لوحدي واخدني التفكير اوي لدرجة أن انا مببقاش حاسس بنفسي ولا انا بعمل ايه مهما كان ببقي سرحان بتفكيري بس، شوفت انت اللي بيحب واحدة ومش قادر يبطل تفكير فيها وحرفيا الموضوع ده او المشكلة دي بتعملي احراج ومشاكل كتير زي أنها مخلي ذاكرتي زي السمكة مهو طبيعي انا مكنتش مركز في الحاجة وهي بتحصل قدامي أو بتتقال قدامي فطبيعي مفتكرهاش ومفتكرش اصلا أن حاجة زي دي حصلت كمان ساعات بخش في جو أن انا بكلم حد وبيكلمني يعني بسألو ويسألني ونرد علي بعض ونا اصلا اكون بكلم نفسي وبحس اوقات أن انا بناقد واحد قدام الناس وقاعد اشرحله وجهة نظري في الموضوع الفلاني وفي ناس مجتمعة وبتسمعنا وطبعا في خيالي وفي عقلي ولكن ببقي متعايش معاه كإنه بيحصل معايا حقيقي لحد ما بفوق بقي واكتشف أن انا قاعد في صالة بيتنا ولا حاجة وانا بحاول ابطل التفكير ده علي قد ما اقدر لكن كإن حاجة بتيجي وتشدني عالافكار دي يا ريت لو حد عنده اي نص حل لمشكلتي يرد علي هكون شاكر جدا ليه وشكرا للقراءة
انا الي اقدر اقلك اياه وهو ك سؤال على ردك انو ليه متعب نفسك بالتفكير كدا ومش عايش اللحظة ولا مبسوط بوقتك ولا معطي نفسك حقها حتى يعني انت مثلا هلقيت بتفكر انو انا هلق بدرس كمان ساعة بدي اقوم اكل بعدين اقعد عالتلفزيون مثلا وهيك تضل تفكر لتيحي الساعة وتقوم تاكل وتقعد تفكر انا هلقيت اقعد عالتلفزيون بعدين العب رياضة مثلا او شي من هاد.. طب ليه التفكير والتعب والتوهان يلي انت فيه دا.. عيش اللحظة بمعنى انو سيب يومك يمشي كدا بدون ما تفكر شو تعمل كمان ساعة او كمان شوي خلص امشي واشتغل وعيش لحظتك باي وقت انت فيه سواء بتاكل ولا بتدرس ولا طالع ولا مع صحابك لكن دا ما يمنع انو بس تصحى تفكر شو تعمل بيومك وتحط ببالك انو اليوم تخطط لشي مهم اذا فيه شي مهم مثلا عندك دراسة مادتين تخلصهم اليوم او مثلا تنزل تتمشى عالبحر او كذا وبس خلاص بعد كدا عيش يومك غسل وجهك وابدا يومك مثل ما يمشي معك وانجز فيه الي بدك تشتغله اليوم وكمل عادي.. وحاليا بما انو مش حتترك التفكير الزايد فورا ف الطبيعي انك هاد الاسبوع بدءا من هلقيت تنتبه على نفسك انو كل ما تيجي تفكر ايش تعمل على طول احكي مع حالك لا مش عايز افكر خليني اعيش اللحظة مثلا كنت قاعد عالتلفزيون وقعدت تفكر ايش تعمل او ايش تحكي او اشي عطول امسك الريموت واقلب وقول انا بدي احضر شي حلو.. يعني لهي نفسك بوقتك بدون ما تحس.. وحاول انك باقل وقت وبشكل اسرع انك تخفف من التفكير الزائد دا لانو زيادة الشيء عن حدو بقلب ضدو.. حاول عيش اللحظة وما تفكر كتير.
تم النشر الخميس، ١٧ أغسطس ٢٠٢٣
الموضوع بدأ معاك من امتى بالظبط؟ وهل الحاجات اللي انت بتفكر فيها هل بتتمنى انها تحصل؟ هل لها اهمية عندك ولا هو مجرد سرحان في اي شئ وخلاص؟
تم النشر الخميس، ١٧ أغسطس ٢٠٢٣
أولاً أريد أن أسألكِ سؤال ! هل أباكِ أو أمكِ أو أخاكِ أو أختكِ أو أنتِ تدخنو ؟ لأن التفكير الزائد سببه التدخين وهناك حاجات أخرى أيضا ولكن بالأول اريدك أن تجاوبني على السؤال الي فوق الكلام
تم النشر الخميس، ١٧ أغسطس ٢٠٢٣
العفو بس بجد انا كنت كده ابقي داخله اعمل حاجه ف مطبخ ومثلا في ايدي تلفون ريموت تلفزيون وببقي مركزه في تلفون ومركزه انا هعمل اي ومجرد ما اسيب حاجه انسي انا حتتعا فين علشان تشتيت ف دماغي فبقيت احاول اركز ف حاجه واحده وافصل او اجل اي حاجه علي ما اخلص الا ف ايدي
تم النشر الخميس، ١٧ أغسطس ٢٠٢٣
تمام هحاول شكرا ♥️
تم النشر الخميس، ١٧ أغسطس ٢٠٢٣
كنت زيك ومثلا دخلت مطبخ وفي ايدي تلفون او مفاتيح بنسي حططتها فين بقيت بحاول علي قد ماقدر اركز ف حاجه واحده لان بدوخ علي حاجه الا ببمسكاها بقيت غصب عني اركز ف حاجه واحده
تم النشر الخميس، ١٧ أغسطس ٢٠٢٣
لعرض السؤال في فدني اضغط هنا