ارجوكم ساعدوني
كان في شخص دايما بيبعتلي انه بيحبني لدرجة رهيبة وعايز يتقدم بس لسه قدامه شوية حكيت لمامتي قلتلي متتكلميش معاه لما يتقدم نشوف وفضل سنة كاملة كل يومين يبعت يطمن عليا ولما يشوفني صدفة الاقيه راجع يقولي اني كنت زي القمر اتعلقت بيه جدا لحد مافجأه حصل صدفة انه دخل يكلم واحدة وميعرفش انها صحبتي ويتمايع معاها ف الكلام ولما فاجأته انها صحبتي وتحكيلي فضل يحلف كدب كتير اوي ان دا مش هو واكونته مسروق وانا متأكده مليون بالميه ان هو
المهم عدي سنة ونص وانا قافلاله كل طرق التواصل مع ذالك بيبعت ويرن ويحاول ويحلف ان مش هو
من اسبوعين لقيته اتقدم ورفضل واهله حكيتلهم اللي حصل فضلوا يقولوا غلطة وعديها ومش هتتكرر فضلت رافضة
من كام يوم لقيت اهلي بيقولولي سامحيه احنا مش ضامنين يجيلنا حد احسن منه ف مميزلته التانيه وفضلوا ورايا لحد ماوافقت فعلا وقولت غلطة مش هتتكرر
فتحتله مجال بس طلبت من اهلي ممنوع نعمل خطوبة دلوقتي الا لما اتاكد انه كويس فعلا ومش هيغلط كدا تاني
وبتكلم معاه وبيجيلنا وبكلم مامته وكأننا مخطوبين بس جوايا حاجة مش مريحاني لحد مافكرت ادخله من اكونت فيك وعملتله فولو بس والله لا اتكلمت ولا اي حاجه لقيته داخل يجر معايا كلام ويتعرف ويهزر ويعاكس ويقولي ارن عليكي نتكلم وكل دا
دلوقتي انا خدت قرار خلاص ان دا ملهوش مكان ف حياتي هل كدا انا غلط وكان ممكن اديله فرصة تالته ؟؟ سؤالي دا عارفة اجابته بس اهلي بيفضلوا يقولوا احنا منتحملش انك تكوني بتتخاني بس كل واخد فيه عيب ودا عيبه ممكن نعديه وهيتعدل مع الوقت
وللعلم انا الحمد لله مش قليله خالص يعني هو جايلي وعارف انه كسبان بس الفكرة ان مش بيتقدملي ناس كتير
اولاً حبيبتي، انا متفهمة حيرتك والضغط اللي بتحسيه من أهلك. التعامل مع الخيانة مرات ومرات مش حاجة سهلة. انت عندك حق إنك تكوني مترددة وخايفة لأن الثقة لما بتنتهي مش بسهولة بترجع. من كلامك باين إنك جربتي تديله فرصة ورجع خذلك تاني من غير أي تغيير حقيقي. فيه فرق بين غلطة مرة والتكرار فيها، والتجاهل اللي بيعمله يعني إنه مش فعلاً ندمان وعنده قابلية للتغيير. خليني أقولك إنك تستحق الأفضل، الرجل اللي يكون مخلص وكفاية يحترمك ويقدر مشاعرك بجدية. فكرة إن مش بيتقدملك ناس كتير ما تعنيش إنك تستني وتتألمي من قلة الاحترام والخيانة. أنت عندك قوة الاختيار، وحقك تعيشي حياة مستقرة بعيدة عن القلق والخيانة. وممكن الشريك الصحيح يجي في وقت لاحق، المهم تركزي على البناء الذاتي والسلام الداخلي والأمان اللي تحسيه في العائلة والصديقات اللي حواليكي. في النهاية، قرارك مش غلط خالص، وبالعكس يبين على نضجك وقدرتك على تحديد الصح لنفسك. خليه واثبتي على موقفك، ومع الوقت هتعرفي إنه كان خيار صائب. وأهلك مع الوقت هيشوفوا إنك كنت على حق لو شافوك سعيدة ومرتاحة. خلي أولويتك دايمًا سعادتك واحترامك الشخصي. بحكيلك من القلب تقوي وتستمري. وإذا احتجتي أي نصيحة أكتر، أنا هنا جنبك دايمًا.
تم النشر الخميس، ٣٠ مايو ٢٠٢٤
انتي ممكن تواجهيه بالحاجه دي وتقوليه انك عارفه ان ده عيب وطبع فيه وتشوفي هل ممكن يغيره ولا م هيقدر وحاولي معاه علشان م تسبيه في يوم وتكوني حاسه انك ظلماه
تم النشر الخميس، ٣٠ مايو ٢٠٢٤
أنا شايفة إنك تستحقي أفضل من كدا ربنا كشفهولك مرة و إتنين .. كل اللي بينصحك تكملي لما تقعي في مشاكل بعد الزواج خيانة أو قلة ثقه هيقولولك إستحملي عشان الأطفال و عشان الزواج يكمل و و و .. وهتعيشي تعيسه وحتى لو هو إتغير فعلا للأسف ثقتك فيه إنتهت ودا هيخليكم مش سعداء سوا .. القرار في النهايه ليكي
تم النشر الخميس، ٣٠ مايو ٢٠٢٤
بلاش فكرة انه هيتعدل مع الوقت دي خاالص معظم اللي جربها منفعتش معاه لو موافقة عليه زي ما هو كده يبقى تمام لو مش متقبلاه كده يبقى بلاش من دلوقتي و متحطيش امل ع التغيير
تم النشر الخميس، ٣٠ مايو ٢٠٢٤
ارفضيه طبعا حبيبتي من غير تفكير. طلاما اتاكدتي انو خاين ومش مستكفي بيكي
تم النشر الجمعة، ٣١ مايو ٢٠٢٤
لعرض السؤال في فدني اضغط هنا