أمي وأبي منفصلان منذ وقت طويل
أنا وأخوتي عانينا كثيراً قبل وبعد هذا الانفصال وجميعنا نعاني اضطرابات نفسية بسبب ما عشناه
نحن خمس فتيات وليس لنا إخوة صبيان وليس لنا من أهلنا من يحنو علينا
ولقد عشنا أسوأ أيام حياتنا بلا ناصر لنا وتذوقنا أشد أنواع الذل من أهلنا الذين ينبغي أن يكونوا سلاحنا في مواجهة الحياة كلاهما لا يهتم لنا ولا يحنو علينا أو يحبنا
وبعد الانفصال تزوج أبي عده مرات
اول مره انجب فتاه ثم تطلقا
والآن هو متزوج وزوجته حامل في توأم أولاد
جميع
أمواله ومنازله وكل ما يخصه لتلك المرأة والطفلان اللذان لم يأتوا بعد ولهذا لا يطيقنا ولا يطيق حتى اكتمال حياتنا بطبيعية
وكذلك أمي اشترت شقه والآن نحن نعيش معها فيها أنا واثنتان من أخواتي والاثنتين الأخريين قد تخرجتا وتعيشان في شقة جدتي المتوفيه ويرفضون أي تعامل أو اتصال مع أي من كلا والدي أو أنا وباقي الأخوة
وعيشنا مع أمي الآن جاء بعد تخبط كبير جداً وطرد منها لنا ومن أبي لنا في منتصف الليالي كذلك ولكن ما نتفق جميعنا عليه أن العيش مع أمنا أهون من والدنا بكثير والذي ما زال إلى الآن يجعلني أعمل في محلاته ويعطيني أجراً لا يكفي لمقدار تعبي وأحياناً لا يعطيني أنا وأخوتي أصلاً
من مدة قصيرة وجدنا أمي تدخل رجل غريب لمنزلنا ويأكل من طعامنا ويتحدث معها ويتقابلان كثيراً وأحياناً تعود بعد التقائه به بعد الفجر وهذا جعلني مقهورة جداً وقد تشاجرت معها كثيراً بلا جدوى والأمس حدث شجار كبير بيننا انتهى بتهديد قوي منها لي بعد أن أخبرتها أنني سأخبر أبي بما تفعل وهذا لأنه يقوم بفضحها ونشر أقوال سيئة عنها عند جميع من يعرفهم
وهددتني بطردي أنا وأخوتي وأن نذهب لنعيش معه
الآن أشعر بالقهر ولا أستطيع أن أظل صامتة وفي نفس الوقت لو تحدثت وأخبرت والدي تعاملني بأنواع القسوة ومن المؤكد ستطردني أنا
و أخوتي وفي نفس الوقت ليس هناك أي قريب أو صديقه لها أو أي شخص آخر يمكنني ان احكي له ما حدث وعلي النقيض لو صمت ففي اعتقادي ان النهاية اما ستكون بأن من تعرفت عليه سيأخذ ما يريده والدي الذي لا أعلمه الآن ويرحل أو اما سيتزوجها وسيعيشون في شقتنا حسب قولها لنا وبالتالي أيضاً لن نتمكن من الاستمرار في العيش معها وسنعود لأبي القاسي أو ويرمينا بطريقة ما وسنكون كلنا قد خسرنا
انني مقهورة واشعر بالتيه والضياع ولا ادري كيف اتصرف وافكر في الانتحار في أقرب فرصة مع العلم انني 16 عام واختي الاخري 11 عام والثالثة التي تعيش معنا امي 17 عام ولكنها ذات شخصية ضعيفة وكل ما تفعله هو البكاء أو الصمت وانا من اتحمل كلا اختاي ووالدتي وعمل محلات والدي ليشفق علينا ببعض الاجر من المال والآن أكاد أنهار ولا ادري ما العمل
ارجو حل سريع كي لا أنتحر من شدة الضغط، حياتي كلها مدمرة الآن واهملت دراستي من شدة الضغط وكثرة المشاكل وقد اقتربت الامتحانات واصبت بالاكتئاب ولا يمكنني التحمل لوقت أطول
ارجو ان يجعل الله أحدهم هنا سبب في مساعدتي ولو بحلول بسيطة
أنا مش هقولك “خليكي قوية” لأنك بالفعل قوية ، بس يمكن "تعبانة من كتر ما أنت قوية لوحدك". بس خليني أفكرك ان الانتحار مش حل وانك مش لازم تاخدي قرار دلوقتي في أمر والديك، ممكن نهدا شوية ونرتب أفكارنا عشان نقدر ناخد قرار صحيح . . وقبل ما تاخدي أي قرار كبير، تعالي نجرّب سوا حاجة صغيرة: إكتبيلي إيه أكتر حاجة وجعاكي دلوقتي، مش لازم تشرحي كل حاجة، بس حاجة واحدة. وأنا أوعدك أسمع، من غير حكم، ومن غير ما أضغط. بس نبدأ من هنا. جربي تحكيلي، جربي تخلي حد يشيل معاك وجعك بدل ما تشيليه لوحدك. ممكن تتواصلي عن طريق الواتساب أنا معاك.. ومش هسيبك
تم النشر الجمعة، ٢٥ أبريل ٢٠٢٥
افضل حل انك تروحوا تعيشوا فى بيت جدتكم المتوفية زى ما عمل اخواتك الأكبر . و تبدأوا تركزوا على دراستكم و شغلكم . الأمر صعب لكنه ليس مستحيل . و هذا افضل بكثير من ما يتوقع فى حالة زواج أمك . ربما أن الشخص الذى ستتزوجه و إن تزوجها ربما لا يكون رحيم بكم . خلي سكنكم فى بيت جدتكم حاليا . و تواصلوا مع والداكم لكى ينفق عليكم و أن لم يفعل توجهوا إلى اى أحد من أهلكم يعرف عنه النخوة و الشهامة و الرحمة لكى يجد لكم حلا معه . فهو الأولى بالنفقة عليكم
تم النشر السبت، ٢٦ أبريل ٢٠٢٥
يا قلبي أول حاجة عايزاكي تاخدي نفس كده عميق وتسمعيني كويس إنتي بطلة وده مش كلام مجاملة ده حقيقة واحدة عندها 16 سنة وشايلة على كتفها تعب وهموم سنين وواقفة على رجليها لسه وبتدور على حل بدل ما تنهار تبقي بطلة بجد ده لوحده كفاية يخليني أقولك إنك أقوى بكتير من الظروف اللي حواليك أنا عارفة إن الدنيا ضاغطة عليكي من كل ناحية ومفيش حد حنين بس صدقيني ربنا مش سايبك وإنتي مش لوحدك حتى لو حسيتي كده تعالي بقا نمسك الموضوع حتة حتة: » الانتحار مش حل هو فعلاً بيجي في دماغنا لما نحس إن الدنيا مقفولة بس ده مش هيريّحك ده بس هيغضب ربنا منك وهيكسر قلوب إخواتك اللي إنتي شايلاهم هما مالهمش غيرك دلوقتي، وانتي سندهم حتى لو تعبتي برضو وجودك بيطمنهم » مامتك والتصرف اللي شوفتيه أنا فاهمة وجعك فعلاً وجع قوي بس برضو خلي بالك إنك ما تخسريش مكانك في البيت دلوقتي لإن العيشة مع أمك رغم كل شيء أرحم بكتير من العيشة مع أبوكي حسب كلامك فخليكي حكيمة وخلّي المواجهات أقل شوية وركزي على إنك تخلّي لنفسك مساحة أمان احنا لازم نكون أذكى من الظروف » شغلك مع أبوكي لو تقدري تلاقي شغل بسيط برا، حتى لو شغل خفيف أونلاين أو في مكان محترم قريب من البيت، يكون دخله بسيط بس ثابت هتقدري تعتمدي على نفسك شوية وتبقي مش مضطرة تشتغلي عنده خصوصًا لو بيتحكم فيكي بالفلوس » الدراسة الامتحانات قربت وأنا عارفة إنك مشغولة ومش مركزة بس صدقيني لو عدينا الامتحانات دي حتى بأي تقدير دي هتبقى أول خطوة في طريق الاستقلال لأن العلم هو طوق النجاة بتاعك حاولي تذاكري ساعة في اليوم بس حطي جدول بسيط وابدئي بمادة بتحبيها وخدي أخواتك معاكي في الخطوة دي لو تقدري » ولو محتاجة تتكلمي وتفَضي اللي جواكي أنا هنا اسمعك أنا هنا بجد في أي وقت تحبي تتكلمي أو حتى تفضفضي من غير ما حد يحكم عليكي وعاوزاكي تقولي لنفسك كل يوم: أنا مش ضعيفة أنا قوية جداً وأنا هعدي ومش هسيب أختي الصغيرة لوحدها ولا أسيب الدنيا تكسرني وهفرح بيها وبنفسي كمان قدام الناس اللي ظلمونا وهنبقي بخير كلنا
تم النشر الجمعة، ٢٥ أبريل ٢٠٢٥
يا اختي اهدئي و خدي نفس انتي أعصابك تعبانه ولازم تهدي افكرك ان الانتحار مش حل وان البوح على والدتك تعتبر فتنه و على ما اعتقد انك تقضري ترفعي قضيه عليهم
تم النشر السبت، ٢٦ أبريل ٢٠٢٥
لعرض السؤال في فدني اضغط هنا