أولا تهانيناعلي انك مش بتحبي تطلبي المساعدة من حد دا شي جميل بس عايزك تفهمي حاجة أن احنا بشر يعني مفيش حد فينا مفيهوش عيب كل واحد فينا فيه عيب أسواء من التاني دا طبيعي ربنا خلقنا كده دا احنا البشر . ثانيا انك مبتروديش علي التليفون معلش حاولي في البداية انك تردي علي حد انتي بترتحيلوا بخصوص التنمر حاولي تخلي مامتك تحد من ال في البيت و تاخد معاهم موقف و بلاش التفكير. السلبي علاقتك ب ربنا اهم شئ واخطر شئ حاولي تظبطيها و أنشأ الله تتحسني حياتك و تبقي احسن انتي لسة صغيرة متفقديش الامل في التحسن و التطور و بلاش التفكير السلبي
طبعا التنمر شئ عادي يعني انا اول مجيت ايرلندا عشان اشتغل مهندس وجهت تنمر عشان مصري برغم كده انا شبهم في الشكل و اللون و برغم كده كنت بواجة تنمر فقط لاني مصري مش عشان لوني ولا شكلي فقط عشان مصري طبعا في البداية كنت هتجن لية ؟ وعشان أية ؟ انا مهندس و جاي اشتغل ؟ بس في يوم من الايام جة صديق ليا عندو توحد شديد و شديد العبقرية قالي "كل حاجة فيها جانب سلبي و جانب إيجابي مفيش حاجة كاملة " بس يعني مرضي التوحد كلمهم قليل جدا المهم كلاموا في البدايا بالنسبالي مبهم بس لما فكرت عرفت أن هو قصدوا أن التنمر احنا بتاخد فقط الجانب السلب له ، يعني لما انا التنمر عليك انك تخين اول حاجة حضرتك هتخدها الجانب السلبي مش هتفكر ازي اخلي نفسي مش تخين فلوخد الجانب السلبي هتعقد و يجيلي اكتئاب و.. و .. بس لو خد الجانب الإيجابي هتمرن و همشي علي نظام غذائي و هتطور طبعا انا مش بقول أن التنمر حاجة حلوة بس بقولك أنك تخلي التنمر بالنسبالك بنزين للتطور و إثبات انك افضل من كده . اعتذر عن طول الكلام .
تم النشر الخميس، ٨ فبراير ٢٠٢٤
بس اهم حاجة علاقة بربنا و حاولي لو عندك وقت تتعمقي في العلوم الشرعية
تم النشر الخميس، ٨ فبراير ٢٠٢٤
شكرا جدا ع الاجابه... من حيث اني اخلي ماما تحد من التنمر صعب لانها اول المتنمرين وانا اتعودت ع الموضوع ده... علاقتي بربنا الحمدلله حلوه ومنتظمه ف الصلاه وبحسن من النوافل والورد واللبس الشرعي وبحاول كل يوم احسنها وده الملجأ الوحيد ف حياتي ومقدرش اعيش بعيد عنه..+ الرساله وصلت وهحاول لان الموضوع مرهق ومش هسمح اني اكون ضعيفه يكفي معايت ربنا وشكرا مره تانيه لحضرتك
تم النشر الخميس، ٨ فبراير ٢٠٢٤
"الاعتماد علي النفس قوة و الاعتماد على الآخرين ضعف و الاعتماد المتبادل هو قمة القوة " اتمني تكون الرسالة وصلت
تم النشر الخميس، ٨ فبراير ٢٠٢٤
لعرض الإجابة في فدني اضغط هنا