دايما بحس ب الخوف والوحده ودايما اكتئاب وعياط لدرجه ان ببقا ممكن اموت نفسي عندي صحاب بس المشكله ان هما مش بيلجئوا ليا غير لما يحتاجوا مصلحتهم كان عندي واحده صحبتي كانت أقرب حد ليا وكدا لكن هي دايما كانت مش بتهتم بيا دايما انا كنت بهتم بيها لكن هي كانت بتضحك عليا وكانت بتقول ان انا أقرب حد ليها لكن ب العكس لأ طلعت انا مجرد بديله كانت بتاخد مني مصلحتها ولما تلاقي حد تاني بيديها مصلحتها وكدا كانت بتبعد مع ان انا كنت مش بدخل حد بينا خالص بس هي كانت بتروح تتكلم عليا لأصحابها وكدا ف احنا بقالنا ٧ شهور مش بنتكلم وانا الموضوع دا مأثر عليا جدا خايفه اكون ظلماها
تقرب الي الله عز وجل و صلاة في مواقتيها هتفرق معاكي جدا ،حاولي تشغلي وقتك بحاجه زي رياضة او هوايه بتحبي تعمليها ، او مجال نفسك تدخليها وكوني صداقات مع ناس شبهك وعندهم نفس اهداف ونفس طموح وعاملي صحابك باحترام بس في حاجه اسمها حدود يعني لو صاحبتك طلبت منك حاجه عادي ساعديها واعتبري نيه لوجه الله تعالي بس لو طلباتهم زادت عن مقدرتك او حستي بان فيها نوع من انهما بيتذكي عليكي او استغلال حطي حدود
تم النشر الأحد، ٢١ يوليو ٢٠٢٤
طيب لو كانت صديقتك فعلًا كانت حاولت التواصل معك ولو مرة. أنا أدرك حاجة الإنسان لصديق يشكو له همه ويستند عليه، ولكن لأن الصداقة باتت عملة نادرة في زمننا، كان من الأفضل أن يتعامل المرء مع المحيطين به بسطحية. نعم قدمي المعروف والإحسان ونعم تعاملي بود لكن تريثي جدًا في الحكم على الطرف الآخر أنه صديق يستحق. وبصراحة أنصحك أنه لو كان لك أخت أن تقتربي منها وتتخذيها صديقة، أنا أعرف خلافات الإخوة، لكن في النهاية هي أختك. أيضًا اهتمي بدراستك وطوري من نفسك وشاركينا هنا بشكل يومي. ما رأيك أن تتعلمي كتابة القصص القصيرة أو التصميم؟
تم النشر السبت، ٢٠ يوليو ٢٠٢٤
بصي هقولك علي حاجه انا مريت ب نفس التجربه دي ومش من صاحبه واحده لا دا انا كنت كل لما اصاحب واحده تكون واخداني عشان مصلحتها ولما تلاقي البديل بتروح وبتنساني انتي مظلمتيهاش انتي بعدتي عنها عشان هي مش كويسه ومش خير ليكي ومتفكريش ف الانتحار انا اهو عيشت نفس تجربتك ومكانتش من صحاب بس الحقيقه كانت من حبي الاول كمان و فكرت كتير ف اني انتحر كنت بعيط ل ربنا وبدعي انه ياخدني لاني مش قادره استحمل كل الاذي دا بس ربنا وقف معايا و ربنا ليه حكمه ف كدا ربنا ليه حكمه ف انه يخليكي طيب ما هو لو شايف ان انتي كدا معتش ليكي لازمه ف الحياه كان عمل اللي انتي عايزاه وكان خلاكي تموتي بس هو عنده خطط ليكي احسن مليون مره من انك تفكري التفكير دا انا اصلا عملت كاتينج واخدت دوا واخدت كميه حاجات وكنت متدمره والله بس كرم ربنا كبير اوي قربت من ربنا وبقيت بحاول انتظم ف الصلا و اهتم ب دراستي و اهتم ب نفسي وبقيت احسن ب كتير و كل اللي كانو مع البنات اللي كانو صحابي وكانو شايفين اني وحشه شافو بعديها ان صحابي هما اللي وحشين و كلهم بقو معايا وعايزين يمشو معايا وحرفيا بيتمنو يتكلمو معايا ف انتي مظلمتيهاش انتي بس بعدتي عنها عشان انتي تستاهلي احسن منها ب كتير
تم النشر السبت، ٢٠ يوليو ٢٠٢٤
انا حاسة بيكِ ومتفهمة قد ايه الموضوع مؤلم ليك، خاصة لما بتلاقي حد كنتي بتثقي فيه وتتعاملي معاه بصدق ويتطلع مش قد اللي كنتي مستنياه. ممكن الوضع ده يحسسك بالوحدة والخوف من العلاقات الجديدة. أول حاجة حابة أقول لك انو الشعور بالخوف والوحدة أمر طبيعي جداً في مواقف زي دي. لكن مهم كمان إنك تعرفي إن الحياة مليانة ناس كويسين وغيرهم، واللي بيسببوا لنا ألم مش هما النهاية. عشان تتخطى الموضوع ده، حاولي تفضي بالك وتكتبي مشاعرك في ورقة. لما تكتبي وتحاسبي نفسك، حتشوفي الأمور بشكل أوضح. ممكن كمان تاخدي بعض الوقت لنفسك وتشتغلي على تحسين ذاتك وصحتك النفسية. دايماً افتكري: الناس اللي بيقيموك بس من مصالحهم ممكن ما يكونوش يستاهلوا اهتمامك. مش عيب إنك تدوري على علاقات جديدة وتحاولي تفتحي قلبك لناس تانية. الاهتمام بنفسك هو أول خطوة للتخلص من الاكتئاب والخوف. وأخيراً، لو حسيتِ إن المشكلة أكبر من قدرتك على التعامل معها بنفسك، مش عيب أبداً تلجئي لمحترف، زي معالج نفسي مثلاً، عشان يساعدك ترتبي أفكارك وتخرجي من الحالة دي. طولي بلك، وكوني واثقة إن الدنيا لسه فيها ناس كويسة واتمنى لك التوفيق والراحة قريباً. 💖
تم النشر السبت، ٢٠ يوليو ٢٠٢٤
اسفه في الكلمه بس هي شخص ناقص ومش كويس انها تلعب بمشاعرك وفي الاخر انتي تحسي انك ظلمتيه
تم النشر السبت، ٢٠ يوليو ٢٠٢٤
لعرض السؤال في فدني اضغط هنا