السلام عليكم ورحمه الله وبركاته خلي بالك انه السنار بيحدد عمر الجنين على حسب حاجتين اولا بيكون على اساس حجم الجنين دلوقتي وتطور النمو فبيقول ان هو دلوقتي عمره قد ايه؟ الحمل بقى بيكون بدأ امتى بيتحدد على أساس هو دلوقتي الحمل ده واصل في انهي مرحلة من النمو فمش بيكون في تحديد بالضبط ليه انه الحمل بدأ يوم كامل او ان التلقيح كان يوم كام بالظبط لكن بيكون فيه احتماليه من ثلاث لاربع ايام. فبدايه الدوره او نهايه أخر الدوره مثلا اخر دوره انتهت يوم كام هو ده اللي بيبدأوا يحسبوا عليه مش انه آخر دوره كانت يوم كام، بنشوف آخر دوره لو هي 30 11 طيب خلصت امتى لو خلصت. يوم 3 يوم 1 مثلا في الشهر اللي بعديه أو يوم اثنين او خمسه او على حسب السيده بيبقى دورتها كم يوم ومن آخر يوم في انتهاء الدورة الآخرانيه بيبدأ حساب الدوره الجديده اللي هي بيبدأ ساعتها يتحسب انه التلقيح او آسفة التبويض هيكون في الـ14 يوم الأولانين من الدورة الجديدة. طبعا الحسابات دي كلها بتتعمل علشان تبقى بتحاول تحدد تقريبا الحمل ده بقاله قد إيه، فعشان كده الحمل بيتحسب بالأسابيع منقدرش نقول بقاله كم يوم. احنا كده ده الأسبوع الأول في الحمل عشان بيكون برضه مهما كان تقريبية.
لعرض الإجابة في فدني اضغط هنا